KEKULI 24:25 - Kemethajüh (N) (Re-editing) Bible (BSI)

²⁵ Isala Paul na ketsatan, kekhenengkeya, ghoketen Jühkekaghaten tsathang cüki tsü khi kewa wi Felix na messiya nu khi, “No bvüyilo! Hi matsü muya lethu no ci neng chiben.”

KEKULI 24:25 Iomraidhean Croise

2 SAMUEL 23:3

Israel Nyizawa na khidha; Israel kekhwewa na hi wi khi: “Kadimiwa na atsentsa sen nu kadisa, ma Anyiza kemessikü wina kekhangsen,

1 KADIMITHU 21:27

Elijah na ajüh kekhi cen seng wi Ahab na ma thsümeni mezüqhe, tsüthu khushia, nu aleshithsü pvüya. Ma kedsakejjü nsen mvula aleshithsü mphi nu jen, nu ammijangthi nu ahathanathi la kegoe.

2 KADIMITHU 22:19

nu no khathansha wi hi Jerusalem nu ma nyithu meten cüle khiteqhe keben ha zaya khe nleben khapegheya nu ituwi no satemeniya, nthsümeni mezüqhe nu qailo. Hi tsü sapi qhethiketen kesa pen kesü sa thsü nu anyithu na tsü nyan pi kishen-keshi wi sen thsüaden. Isala hi no kekhie zayadha,

EZRA 10:3

Ikhang khili ithu Nyiza tuwi ajühkhukechi kemetha kesü nsathu yishü, ikhang na kinyibvü hathu nu mathu tsangathu kesun pi bvü thsüaden. Ikhang khili no nu kepa wi Anyiza yenkhukechi kinyikü ketenthu na mangwa le khi nu salo khe saaden. Anyiza Yenwa na mangwa le khiben khe ikhang na tsü saaden.

EZRA 10:9

Ghanan kecheng jü, asha tuguwa ngwe ghanan wi Judah nu Benjamin yyi wi kahang nyithu tsüdi Jerusalem wi ghola Kekinyijjen khemi wi saghuya. Tsü ghanan atsangho ntsa sa, atsanen nmehai nu ajjügi kemechan keccünengli keben ghena anyi tsüdila kedheggü.

Job Lesüshen 29:14

Hi keshüthangla kemeshon nu ketsatan kuli.

ZAKECI 11:7

Apvüwa na ketsatan nu kemehaiwa kekulithu tsü nmvuden; tsüthu kuli ketenthu na ma keben pen wi hangyaden.

ZAKECI 119:120

No ghena hi messiben; njühkekaghakhithu tsü ghena kemessi na hi pongyadha.

ZAKECI 45:7

no kemeshon ghali nu nkemehai nanmeghü den. Tsalina Anyiza, n-Nyiza na no kessiyadha, nu kadimi kepathu miwi anonkeghe ji kayi pi nmiwi keshusha chidha.

ZAKECI 72:2

isanu ma ya kemeshon wina n-nyithu miwi kekhang senya thsülo nu ketsatan wina nyu ma nkhichi ketenthu miwi kekhang senya thsülo.

ZAKECI 99:1

Apvüwa kadimiwa; nu anyithu na kedheggü. Ma cherubim miwi ma kadipen wi donki nu ayyi na kuli.

KEMETSAJÜH 16:12

Kadimithu na nkemehai pvü benya nten, kepaghenanye atsentsawa tsüna kidhan kesü sapi zü cüden.

Sansichhü 11:9

Anyi kepvünyithu, nthu kepvünyi wi anonkwen yalo. Nthu pvünyi keben jüwi anongheya. Nthu na mangwa nmvu khe saya, nu nthu leben wi nthu kenenwa nieya. Isala nthu na mangwa sa khe Anyiza na tsü ghan nan ben kesa chüyalo.

Sansichhü 12:14

Anyiza na ithu kekuli tsüdi kemehai nyelela nkemehai, kekuthi wi kekuli lela ghan nan den.

Sansichhü 5:8

Khathansha wi kidhan na ketha-u pasha nu mathu kemeshon nu atsentsa pi mathu miwi nchila keben muya khe no aman nsala. Kedi tsüdila ma miwi kebenwa na ma khweben, nu tsü miwi kemisikiwa na manyi qho khweben.

ISAYA 1:18

Apvüwa na khi, “Ithu keccünengli nu südheya na. Kesami na nthu ten pi nmieni sadha, isalela hi nthu bhu pi aghola ti metha cüaden. Nthu ten pi nmieman ben lela sapi asa ssen ti mikidhi sa thsüaden .

ISAYA 1:21

Kuti tsüwi kenondi qo nyunuti sa keghowa tsüna keqheza menkedsa nyi ti hang wadha! Kuti tsüwi ketsatanthu na tsü pong ben den, isala khili tsü nyu kepathithu ketan sadha.

ISAYA 16:5

Tsaseng wi David shicübvügha meshu kesü na kadimiwa saaben, nu ma ajühtsentsa nu kaghali sen nu anyithu miwi kadimiwa saaben. Ma wan nu kemeshonwa tsü sachi, nu ma atsentsawa tsü sakeya ghangden.)

ISAYA 32:11

Nthu na milali nu leben güccü nsala hang ghodha; isala khili tsü messi pi kedheggü yalo! Nthu thsümeni khupi nu athsüqae pi ageshi qhan yalo.

ISAYA 41:21

Apvüwa, Israel kadimiwa na ha khile saben: “Mizzatentithu cenpvüthu, kaghatenjüh sengho chilo. Nthu kecücanli jüh kemehai ntsa sengholo!

ISAYA 55:6

Apvüwa wi kheneng gho nu ma wi khielo, ma khili nthu tetsaki keben wi ha.

ISAYA 61:8

Apvüwa na khiben, “Hi ajühtsentsa kesa tsü nen, nu nyu kepasha nu kesazzi tsü nanmeghü den. Hi lebentsentsa sa nu akutimen pi inyithu cü nu mathu ssinu anuphanla cenkethenjüh kesü saaden.

ISAYA 66:2

Hi hi ketanla atssan ayyi maben sachi le! Hi anyi thowa na ma satemeni nu leben khapeghe, hi messi nu ijühkina ten khe tsü miwi hi kenen ben den.

JEREMIYA 22:3

“Hi Apvüwa, hi nthu na atsentsa nu kemeshonwa salo nthu kiza. Nyu mechu ketenwa kwen wina nyu ma mechu kebenwa khweya. Asangthu, magha-maghangthu, nu denyi-demathu nkhichi nsala, nu kemetha pen hawi kesami nkemithu npathila.

JEREMIYA 23:29

Hi ketsijüh na anni ti, kejenji kesü pi alon whengchazighe keten tsüti kesale.

JEREMIYA 36:16

Ma tsü sikechi sengwi mathu messila khokho kaghangli nu Baruk wi khi, “Ithu na ha pi Kadimiwa nkizathu yishü le.”

EZEKIEL 45:9

Apvüwa Kekhangwa na khi, “Nthu na sie mtsü sami ghodha le, Israel Kekhang kesenthu! Nthu yasayala nu kepasha kekuli tsü teshilo. Mangwa na meshon nu atsentsa khe tsü salo. Nthu na khiela inyithu yyi wina mathu jügüshi neng nbendha. Hi kemisintsa Apvüwa, hapi nthu kizaben.

DANIEL 12:2

Shükea nyi kejonla hangneng-shagha den; pahan na anuphan kahang wi anonghe den, nu pahan na anuphan kejüghekeya wi ketizen sa waben.

DANIEL 4:27

Tsalina Njenkeben Kadimiwa, hi kekhi ha nieyalo. Kesami nsalayi, mangwa meshon khe tsü saya, nu ketha-uthu nantizenya. Isathu no mehaikayi neng yaden.”

DANIEL 5:30

Tsü ghaja na Babilon Kadimiwa Belshazzar pathia;

HOSEYA 10:12

Hi khi, ‘Nshinyi ketanla nshinyi ghena ayyi ketheü chhü, ketsatanwa tsüpi shengchi, nu nshinyi na hi kekinyi ghena muya keten kemihhiwa tsü wwiya. Hana nshinyi na kheneng sennu hi, nshinyi Pvüwa wi gho nu hi gho kesawegü meyisha pi nshinyi miwi chi kecü matsüwa tsüle.’

HOSEYA 10:4

Mathu na ajüh kaghacang khishi nu khishikechi milikemesathu nu nsenla kemehai kenponghuthu saden. Atsentsawa tsüpi atsentsawa nkenye sa, keca lli kesü wi kepagha nkemehaithu na shigü shagha keben ti.

HOSEYA 7:5

Kadimiwa kemishu kesa ghanan wi mathu na kisengtssü pi kadimiwa nu ma kekhu wi kedithu ya jjüpi adina nu kejüphon sa thsüa.

AMOS 5:24

Tsüti kesawa nye, ajühtsentsa ya akuzatssü ti nu ketsatan na aghakutssü na khiela qha nketen ti lle wa thsülo.

AMOS 6:12

Goruthu na alonshi miwi bvüten kwe? Anyi na amesü süpon ssinu atssükedone chhüten kwe? Isala nthu na ajühtsentsa pi aji ceng, nu kemeshon pi kesazzi sadha

HABAKKUK 3:16

Hi hathu tsüdila za nu hi kenün; hi messi pi ikhemeggü kechen. Igwo na chha wa nu iccümeshüshü sa. Hi ceen nu matsüwa tsü kegho hieden, Anyiza na hi ssikesali ketenthu tsü meten cüaben.

HAGGAI 1:2

Kemisintsa Apvüwa na Haggai wi khi, “Anyi hathu na khili Kekinyijjenwa ha kesaneng ghena matsü kemehai nyele khiben.”

MATHI 22:5

Isala qhe kechi akejjenthu na tsü nkinala mathu papa kekuli sa washan: kesü na ma lli wi wa, kepa na ma kekuli sa wa,

JOHAN 16:8

Nu ma gho lethu, ma ayyi nyithu kesami cüki, ketsatan cüki, nu Anyiza jüh kekaghaten cüki sazzi keben tsü khiti pi kizaden.

KEKULI 10:42

Ma ikhang yala Jühtheü Kemehaiwa nu Anyiza na ma kessi pi kahang nu keshü pendhewa sa thsüdha le kesa pi anyithu kizalo kesa ahza pi ikhang cü.

KEKULI 17:13

Isala Thessalonika wi Judah nyithu na Paul na wa Berea wi la Anyiza jüh khi pi nyu sansi benle kesa chüya meyi mathu na wa ciwi anyithu kethukehi nu kekivvü pfüsi.

KEKULI 17:2

Paul na pi ma yen sa keten ti Sinagog wi wa. Nu Sabbath tsathang kecheng-u jüwi ma anyithu ssinu keccünengli,

KEKULI 17:32

Mathu na Paul na keshü wi hangneng-keshagha cüki kekhi zakeya wi pahan na ma nankeqhe, isala kepathu na khi, “Ikhang na nshinyi wi ha cüki kina neng mvuben.”

KEKULI 2:37

Anyithu na ha zakeya wi leben ketizen sa nu Pitor nu apostelthu wi khi, “Acünyuthu, ikhang na khati sa nu?”

KEKULI 24:15

Hi la hathu na Anyiza nondi keten tsü makesü ben, tsüna anyi tsüdi kemehai le nkemehai lela keshü wina hangneng-shagha ben kesa kenondiwa tsü.

KEKULI 24:26

Ma Paul na apisa pahan pi ma cübenle kesa meshen, tsalina ma matsü kejon tughula Paul cichi nu ma ccüneng.

KEKULI 26:28

Agrippa na Paul wi kiza, “No matsü keujü wina hi ya Khristanyi sa thsüale meshen ben kwe?”

KEKULI 9:6

Isala no shagha nu anyunutiwa wi tsü walo, ciwi no mangwa nsathu yishü khe pi no kizaben.”

ROMNYI 12:1

Tsalina icünyuthu, Anyiza nanketizen na di ntsa kesalina hi nthu wi khieben: Nthu ketanla nthu pi kahang hhansha sa pi Anyiza cülo, ma kekuli ghena satemethachi, nu ma kenenwa satenlo. Hawa ha atsentsa kekinyi nthu na nsathu yishü.

ROMNYI 14:12

Tsalina ithu tsüdila Anyiza tuwi papa kekuli cüki tsü khiben.

ROMNYI 2:16

Tsalina hi Jühtheü Kemehaiwa pi kesansi kenie wi Anyiza na Jisu Khrista wina anyi tsüdi kekuthi kemeshenthu ghan-nan keten tsathang wi hati saben.

1 KORINTHNYI 4:5

Tsalina matsü npi kegho tuwi nthu thola ghan-nanle nsa lalo. Ghan-nan keten sakhenwa tsüna Apvüwa kegho hie nbenthu yishü; ma kejang wi kekuthithu sengho kewegü wi chicüden nu anyi leben wi kekuthi kemeshen tsü sa pi chüya thsüaben. Isanu anyi tsüdila Anyiza wi ma keseng kemu-u wina muyaden.

2 KORINTHNYI 5:10

Kepaghenanye ithu tsüdila Khrista na ajühkaghaten keten tuwi tsü whaden. Isanu meshu kesüsü ma gwo sajjü wi kekuli kenie wina ma kutimen kemehai-keteshi tsü muyaden.

2 KORINTHNYI 6:2

Anyiza khi keben ha kinayalo, “Matsü kemehai kegho wi hi nthu jüh kina chicü; nu hangshakeya tsathang kegho wi hi nthu hangsha cü.” Ghangchilo! Khili ha matsü kemehai ntsawa, nu nansü ha hangshakeya tsathang le!

GALATIANYI 3:22

Isala Ntsawajüh wina ayyi mabenla kesami kekhang kekhu wi ben khiben; tsalina Jisu Khrista kenondi wina khishi ketheng ajuwa tsü pi nondi ketenthu cüdha.

GALATIANYI 5:23

keccaketssü, nu kekheneng keya. Hathu miwi ayen kepa wi nmi.

2 TIMOTHI 4:1

Hi Anyiza nu Khrista Jisu, keshü nu kahang jühkaghaten ketenwa tu wi na nu ma Kadimi sala kekhang sengho keten ghena hi no kiza ntsa saben,

TITA 1:8

Ma kijünyi ssiya mvu keten nyi nu kemehaiwa kenen nyi, kekheneng keya nyi, ketsatan nyi, kemetha nyi, nu ayencashu keten nyi pi nsathu yishü.

IBRINYI 12:21

Ghang kemessi sa kesalina Mosa na khi, “Hi messi pi kedheggü ben le!”

IBRINYI 3:13

Tsüti kesawa nye, isala ntsawajüh wi ajüh “Nansü” tsüna ithu ghena khi keben chu, kesami ya nthu thola mechu nu leben dhu thsü nsale kesalina keshüthangla nthu khokho kekiqali tenlo.

IBRINYI 4:1

Anyiza na ithu yala ma khi ketheng kecca tsü muya thsüle kesalina khili ajühkekhishi tsü pi ithu cüben. Tsalina ithu kiden-keshaya nu nthu kesütanla kecca tsü ya meyala nsa thsüle kesalina.

IBRINYI 6:2

kesansijüh tsüthu tsüna baptaiz kesa nu akwen chang pi nyu miwi kechi; keshü wi hangneng-keshagha nu anuphan jühkekaghaten.

IBRINYI 9:27

Anyi tsüdila kutitan shüben, nu tsaseng wi Anyiza jühkekaghaten wi ghoben.

JAMES 2:19

Nthu na ciwi Anyiza kesütan benle kesa nondi ben ma? Mehai ben le! Atsaghangthu la tsü nondi nu messi pi kedheggü benden.

1 PITOR 3:15

Isala nthu leben wi Khrista messikü nu ma pi Apvüwa sala kinyikülo. Kenondi nthu wi keben tsü khati kesa khe nyu na keü lethu, keshüthangla khiya kemehai kiden sen benlo,

2 PITOR 1:6

nthu kechükeza wi kekheneng keya pi wwaya; nthu kekheneng keya wi kethankehi pi wwaya; nthu kethankehi wi Anyiza kemessikü pi wwaya;

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 3:7

Itsangathu, anyi thola ya nthu nmechu thsüla! Thowa na ketsatan kuli ten khe Khrista na tsatan kesa tsüti ma la tsatan.

1 SAMUEL 12:7

Ciwi nthu keben pen wi nganben lalo, hi khili Apvüwa na nthu nu nthu bamyithu hangshayale kekuli keti sa kechithu tsüdi khipi nthu kiza neng nu Apvüwa tuwi na nthu kimenniden.