KEKULI 24:16 - Kemethajüh (N) (Re-editing) Bible (BSI)

¹⁶ Tsalina hi keshüthangla Anyiza nu anyi tuwi la kemeshen meshon yale kesa apiketsü saten le!

KEKULI 24:16 Iomraidhean Croise

KEKULI 23:1

Paul na hoho ghang nu khi, “Hi Israel nyithu, hi Anyiza tuwi kahang cüki ha ileben wi mangla kesütu kesa nmila methasi ben.”

ROMNYI 2:15

Mathu yencüki wina Ayenwa na khi keben tsü pi mathu leben wi zhütheng kesa pi ccücaben. Mathu kemeshenwa la tsüna atsentsale kesa pi ccücaben, kepaghenanye mathu kemeshenwa tsüna kuti tsü mathu kimenni nu kuti tsü mathu sheipiden.

ROMNYI 9:1

Hi atsentsa khiben; hi Khrista ji nu hi milimesa nben. Kemetha Ghamu la hi kemeshen sen nu hi milimesa nben kesa chüti ben,

1 KORINTHNYI 10:32

Judah nyithu, Judah nyi nkenyethu, nyelela Anyiza kemehu len kekhenwa tsü nsala hanglo.

1 KORINTHNYI 4:4

Hi kemeshen meshonben, isala tsüna hi ntsakhiwa kesami nmile kesa chü meya. Hi ghan-nan ketenwa tsüna Apvüwa.

2 KORINTHNYI 1:12

Ikhang kapvü kebenwa na ikhang kechükeza methasi nu ikhang kizaben, ikhang ayyi ha wi kahang wi nthu gweghe keya hana anyi kemetsa wi nyela Anyiza nanketizen kekhang wina khukechi lebensha kechi nu jühtsentsa wina.

2 KORINTHNYI 4:2

Ikhang na kekuthi nu nkemejüghe kekulithu tsüdi teshidha; ikhang na nyu kemechu nyelela Anyiza jüh tsü pi milikemesa sa nten. Atsentsawa kewegü wina ikhang Anyiza tuwi hang nu ikhang ketanla ikhang pi anyi tsüdi tuwi kemeshen kemehaiwa tsü saden.

1 THESSALONIKANYI 2:10

Ikhang na nthu kenondithu tu wi ayencüki metha, tsatan, nu nsazzi le kesa nthu nu Anyiza na ikhang chüza saben.

1 TIMOTHI 1:19

nu kechükeza metha nu no kenondi tsü ghansenya. Anyi pahan na mathu kechükezawa tsü nkinala mathu kenondi tsü yasadha.

1 TIMOTHI 1:5

Isala ahza khukechi ha kemtsüwa na aleben kemetha, kemeshen kemetha, nu kenondi tsentsa wina keshhugho nanketizenwa tsü shhughoya thsüle kesa ghena.

1 TIMOTHI 3:9

mathu kemeshen kemetha wi kenondi tsentsawa pi ccüca kechi tsü ghansen nbenthu yishü.

2 TIMOTHI 1:3

Hi ibamyithu ti kemeshen metha sen nu kekuli sa keten ghena hi Anyiza seng ben. Hi aghaja ghanan keshüthangla keseng pi ma kecü wi no meshen benden.

TITA 1:15

Kemethathu ghena tsü pala tsüdila metha; isani nkemethathu nu nkenondithu ghena tsü pala mangla nmetha, kepaghenanye mathu leben nu kemeshen lela nmethaladha.

IBRINYI 10:22

Tsalina leben tsentsa nu kenondi tsentsa, kemeshen nkemehai satemetha nu atssü kemetha pi agwo sametha kesa leben pvü nu Anyiza tetsaki wa nalo.

IBRINYI 13:18

Ikhang ghena kekhie saki ben tenlo. Ikhang na matsü tsüdi wi la kemeshonwa sa mvu kesalina ikhang kemeshen methasi ben kesa ikhang na chütiben.

IBRINYI 9:14

Hawa ha ntsakhiwa, isalethu Khrista jjü pi sacen kechiwa tsü khati ma men benki nu! Ma ketanla ma pi anuphan Ghamu wina kecencu hhansha kesü sa pi Anyiza cüdha. Ma jjü na keccüna ma men nkemi wi ithu kemeshen satemetha cüben, isanu ithu yala hang kebenwa Nyiza kekuli saya thsüben.

1 PITOR 2:19

Nthu na kepvü-u nkenye wi ketizen sa ben lela kekhenengya lethu, Anyiza na tsü ghena sawegü pi nthu cüben, kepaghenanye nthu na Anyiza kemeshen chü benden.

1 PITOR 3:16

isala ccatssü nu kinyikü wina salo. Nthu kemeshen methasi benlo, isanu nthu Khrista senkeniethu yencüki kemehai tsü pi nkemehai le khi pi nthu kimenni ketenthu yala mathu kekhi tsü ghena kejüghe yaya thsüle kesalina.

1 PITOR 3:21

atssü tsü jjügi khili nthu hangshaya keben baptaiz kesawa tsü. Tsüna asajjü wi nkemetha bhu temetha kesa tsü nye, isala kemeshen kemehai wina Anyiza wi khishi kechiwa tsü. Tsüna Jisu Khrista hangneng-keshagha wina nthu hangsha yaben,