KEKULI 24:14 - Kemethajüh (N) (Re-editing) Bible (BSI)

¹⁴ Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle.

KEKULI 24:14 Iomraidhean Croise

1 KHENICÜKI 29:18

Apvüwa, ithu bamyi Abraham, Isak, nu Jakob Nyiza, lebenkechi hati ha anuphanla n-nyithu leben wi ben thsü nu mathu ya keshüthangla no wi jühtsentsa sa thsülo.

ZAKECI 119:46

Hi njühkhukechithu tsü pi kadimithu tuwi khi chiden, nu tsüna hi jüghe meya.

BVÜKESHHU 3:15

Israel nyithu wi hi Apvüwa, mathu baqhaithu Nyiza, Abraham, Isak, nu Jakob Nyizawa na no kesun pi mathu wi chi benle kizalo. Hawa ha anuphanla inyan; abvüye ghaketen tsüdi wila hati hi ciden.

AMOS 8:14

Anyi Samaria tsikezhüthu nyan wina hati ‘Dan cenpvü wina’ nyelela ‘Beersheba cenpvü wina’ khila kishen ketenthu na qanca nu shagha neng nbendha.”

MIKA 4:2

nu mathu nyithu na khiben, “Ithu Apvüwa yyishiphon wi Israel Nyiza Kekinyijjenwa witsü shu na. Kepaghenanye ma ithu na mangwa sa thsü mvuben khe pi ithu sansi cüben; ithu na ma kessiya kesa lenthu tsü ton den. Kepaghenanye Apvüwa kesansi jühwa tsüna Jerusalem wina ghoden; ma Zion wina ma nyithu ccüneng den.”

MATHI 10:32

“Keujüla anyi kesü na anyithu tuwi ma ijile kesa khishü lethu, hi la tang wi iBa tuwi ma ghena tsüti khiben.

MATHI 22:40

Mosa Yenwa nu atusenjüh-kechüthu kesansijüh tsüdila ayenkhukechi ha keni miwi ben.”

MATHI 7:12

“Nyu yala nthu kenenwa sa thsü mvu keben tsüti nthu nyu kenenwa tsü sa tenlo: hawa ha Mosa Yenwa nu atusenjüh-kechüthu na pi kesansijüh jjügiwa tsüle.

Luk Zhükechi Jühtheü Kemehaiwa 1:70

Ma kheni atusenjüh-kechü kemethathu wina

Luk Zhükechi Jühtheü Kemehaiwa 16:16

Johan Baptizwa tsü kecu Mosa Yenwa nu atusenjüh-kechüthu na kezhüchi tsüna ben gho; tsü nten na Anyiza Kadiyyi cüki Ajühkemehaiwa pi anyithu sansi kechi wi tsüdila ciwi dule apiketsü sa.

Luk Zhükechi Jühtheü Kemehaiwa 16:29

Abraham na khi, ‘Mosa nu atusenjüh-kechüthu na mathu kitsanben, ncünyuthu na mathu kekhi jüh tsü kina keya-ule.’

Luk Zhükechi Jühtheü Kemehaiwa 24:27

Jisu na Ntsawajüh wi Mosa lesüshen na wala atusenjüh-kechüthu tsüdi wi ma cüki zhü ketheng tsü khimetha pi manyi kiza.

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

JOHAN 1:45

Filip na Nathanael muya nu ma wi kiza, “Ikhang na Mosa yenwa wi nu atusenjüh-kechüthu la ma cüki zhü ketheng Josef tsawa Nazareth nyi Jisu tsü muyadha le!”

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 13:15

Mosa Yenwa nu atusenjüh-kechüthu kezhü tsü kesi seng wi Sinagog wi kedithu na manyi wi ketsijüh kesunchi nu khi, “Acünyuthu, nshinyi na anyithu ghena kechü-kenong jüh ben lethu, ikhang na nshinyi yala tsü khi pi mathu kiza thsü mvu ben le!”

KEKULI 15:5

Isala kenondithu pahan Farisithu zi wiwa sa nu shaghala khi, “Judah nyi nkenyethu la ahyuhan nu Mosa Yenwa tsü n-niethu yishü,” isa khi.

KEKULI 19:23

Tsü tsüwi Apvüwa Lenwa ghena Efesa wi kivvü ntsa sa shagha .

KEKULI 19:9

Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 22:14

Ma khi, ‘Ithu bamyithu Nyiza na no yala ma kemeshen chüya, ma ketsatan maghawa muya, nu ma hhai zaya thsüle kesalina no kessi yadha.

KEKULI 24:22

Tsaseng wi Alenwa cüki tsü mehaitsü pi kiza kethengwa Felix na tsü asakhen sa thsüa. Ma mathu wi kiza, “Benchüwa Lusia na gho ccüla hi nthu jüh ha kaghakhi cüden.”

KEKULI 24:5

Ikhang na anyi hawa hana kemessi keben nyi kesü, ayyi tsüdi wi Judah nyithu jawi kekivvü pfüsi kechiwa, nu Nazareth nyi khang jawi aliwa kesa nyile muyadha.

KEKULI 25:8

Isala Paul na ma ketanla ma sheipi nu khi, “Hi Judah nyithu Yenwa, Kekinyijjenwa, nyelela Rom Kadimiwa keshun kekuli mangla sazzi ntheng.”

KEKULI 26:22

Isala nansü kecu Anyiza na hi kiqa nu hi he wi ngan nu kizzawa le kediwa tuwi lela tsüdi wi atsentsawa pi khiben. Hi khi kebenwa ha atusenjüh-kechüthu nu Mosa na khi ketheng tsü makesü,

KEKULI 26:27

Kadimi Agrippa, no atusenjüh- chüthu jüh tsü nondi ben ma? No tsü nondi ben kesa hi chüben.

KEKULI 26:4

“Judah nyi tsüdila hi kepvüza tsü wi kahang cüki tsü chüben. Mathu na hi aghatsan na inyithu jawi nu Jerusalem wi hang ghole kesa chüben.

KEKULI 26:6

Nu hi khili Anyiza na ajühkhuchi pi ithu bamyithu kecü tsü kenondi ghena he wi ngan nu ijüh kaghakhi ben,

KEKULI 28:22

Isala ikhang na no wi kinaya mvu benle, kepaghenanye kahe wi anyi tsüdila nthu keccüna zi wa ha keshun jüh khiden kesa ikhang na chüben.”

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 3:13

Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

KEKULI 5:30

Ithu bamyithu Nyiza na nthu na ghan pi kross miwi jen kesawa Jisu tsü keshü wina sa pi hang cüdha.

KEKULI 7:32

‘Hi nbamyithu Abraham, Isak, nu Jakob Nyiza.’ Mosa na messi pi kedheggü nu tsü ghang messia.

KEKULI 9:2

lesü zhü pi Damaska wi Sinagogthu wi chi cülo khie, isanu ma wala nza le npvüza lela Apvüwa Lenwa tsü nie ketenthu muya lethu, mathu bhen sen nu Jerusalem wi gho nengle kesalina.

ROMNYI 1:9

Hi kahang tsüdi pi ma Tsawa cüki Jühtheü Kemehaiwa kekhi ghena kuli ketenwa Anyiza na hi atsentsawa khiben kesa chüben.

ROMNYI 3:21

Isala Anyiza na khilitsü ma khati nu anyi pi ma tuwi meshonya thsüten khe pi ccüca chidha. Mosa Yenwa nu atusenjüh-kechüthu na tsü shei khiben lela tsüna Ayenwa wina mangla sa keya nmi.

1 KORINTHNYI 11:19

((Nthu jawi akhang kepapa sabenla metsi, isanu kemeshon wi kebenthu tsü mechanshu mushiyadha.)

GALATIANYI 5:20

tsikezhüthu kekinyi, kedema. Anyithu na nankemeghüli nu kitagha; mathu na anyonsa, lebentsu, nu apvümene shagha. Mathu na gishü zighe pi akhang nu azi kepapa sa;

2 TIMOTHI 1:3

Hi ibamyithu ti kemeshen metha sen nu kekuli sa keten ghena hi Anyiza seng ben. Hi aghaja ghanan keshüthangla keseng pi ma kecü wi no meshen benden.

TITA 3:10

Anyi nyu pvükhhi-pvüsa ketenthu tsü zeng ntsa lela keni tughu kitsanchi, tsaseng tsü ma ssinu mangla nsala.

1 PITOR 1:11

Mathu na matsü khati kesa wi nu khati sa ghoben khe tsü chüya le bha. Hawa ha Khrista Ghamu na mathu miwi ben nu npi wina Khrista ketizen kesa nu anyankethang muya keten cüki tsü khi.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.