KEKULI 23:6 - Kemethajüh (N) (Re-editing) Bible (BSI)

⁶ Paul na anyi tsü khang jawi pahan na Sadukithu nu pahan na Farisithu kesa mukeya wi ma hoho wi magha nu khi, “Hi Israel nyithu, hi Farisi tsa nu hi la Farisi kesü. Hi anyi ha keshü wina hangneng-shagha ben kesa kenondi ghena he wi ijühkaghakhi ben le!”

KEKULI 23:6 Iomraidhean Croise

MATHI 10:16

“Kinalo! Hi nthu pi khaghaneni ti sala kesun pi atennithu jawi chiben. Nthu na amaghang ti meghe-metsa nu nkhetsü ti ayencüki mehai nsathu yishü.

MATHI 22:23

Tsü ghanan Sadukithu pahan na Jisu wi gho nu anyi keshü wina hangneng-shagha nbenle khi, nu mathu na ma wi keü,

MATHI 3:7

Johan na Farisithu nu Sadukithu kejon na baptaiz sale ma wi gho keten kemu wi ma mathu wi khi, “Nthu amaghangthu, thowa na nthu Anyiza kemeten kesunchile keben wi tsü na bvüya mehaile nthu kiza nu?

KEKULI 22:3

“Hi Silisia yyi wi Tarsa nyu wi kepvügha Judah nyi kesü, isala hi Jerusalem he wi Gamaliel pi hi kesansiwa sa nu hang shagha . Hi ithu bamyithu yenwa tsü khang ntsa nie gho, nu khili nthu tsüdi kahang ti hi kahang pi Anyiza cü ghole.

KEKULI 22:30

Benchüwa na mangkesa na Judah nyithu na Paul kimenni ben khe chüyale sa; tsalina ma dhitsüwa Paul kebhen tsü lisha, nu keqhaikedi ntsathu nu hoho maben cighu chilo ahza khuchia. Tsaseng wi ma Paul ssi wa mathu tuwi ngan thsü.

KEKULI 22:5

Keqhaikedi ntsa nu hoho mabenla hi atsentsawa khiben le kesa chüben. Hi mathu na lesüzhü pi Damaska wi Judah nyithu kecü tsü muya, isanu hi wala ciwi anyithu ghan sengho Jerusalem wi mathu meten-mesha le sa.

KEKULI 23:1

Paul na hoho ghang nu khi, “Hi Israel nyithu, hi Anyiza tuwi kahang cüki ha ileben wi mangla kesütu kesa nmila methasi ben.”

KEKULI 23:15

Tsalina no nu hoho na Paul cüki chütiyale kesa ghe sala ma ssinu he wi gholo kesa ajüh pi Rom benchüwa kizalo. Isanu ma he wi npi kegho tuwi na ikhang ma pathiaben .”

KEKULI 23:20

Ma khi, “Judah nyi kekhang kesenthu na dhitsü wi Paul cüki chütiyale kesa ghe sala ma ssinu hoho tuwi gholo kesa no wi khie tenle centheng.

KEKULI 23:7

Ma ajüh ha khichi meyi Farisithu nu Sadukithu jawi kitagha shagha nu mathu ajüh kepapa sa.

KEKULI 24:15

Hi la hathu na Anyiza nondi keten tsü makesü ben, tsüna anyi tsüdi kemehai le nkemehai lela keshü wina hangneng-shagha ben kesa kenondiwa tsü.

KEKULI 24:21

tsüna hi mathu tuwi ngan keben wi hati khi, ‘Nthu na nansü ijühkaghakhi keben ha hi anyi na keshü wina hangneng-shagha ben kesa kenondi ghena le.’ ”

KEKULI 28:20

Tsalina hi ha jjügi ghena nthu metu chi nu ajüh pi kizale kesa khie, kepaghenanye hi Israel nyithu na nondi ketenwa tsü ghena hi amighe ssüli pvü le!”

FILIPPINYI 3:5

Hi ghanan tazen seng wi ihyuhan. Hi Israel nyi, Benjamin mizza, Ibri jjü wina kepvügha nyi kesü. Ayenwa tsü kenie wi lethu, hi Farisi kesü,

KOLOSSINYI 1:5

Nthu na Jühtheü Kemehaiwa atsentsa ketsijüh tsü zakeya wi nthu na ciwi kaghang keben cüki tsü zayadha. Tsalina nthu kenondi nu ketizen na tang wi nthu ghena pi tsanqai ketheng kaghangwa wi tsü ben.

IBRINYI 6:19

Ithu na ithu kahang ghena ha adajen kesü ti sayadha. Tsüna yazishu nu chütiben, nu tang kekinyijjen jenka keshonthsü pvüdhi sen nu kekinyipen non ntsa wi duyaben.