KEKULI 23:11 - Kemethajüh (N) (Re-editing) Bible (BSI)

¹¹ Tsü ghaja Apvüwa na gho Paul kete wi ngan nu ma wi khi, “Nmessi lalo! No he Jerusalem wi icüki pi khichidha, nu no wa Rom wila tsüti nsathu yishüben.”

KEKULI 23:11 Iomraidhean Croise

ZAKECI 109:31

kepaghenanye ma ketha-uthu sheipi den, nu ma meshensa pi shü thsüale ketenthu wina ma hangsha yaden.

ISAYA 41:10

Nmessi lalo, hi nthu ssiden! Hi nthu Nyiza, mangla nthu npateqhe thsüla! Hi nthu sapi zü cü nu nthu kiqaden; Hi nthu khwe nu nthu hangsha yaden.

ISAYA 41:14

Apvüwa na khi, “Israel, nthu na zza nu nkhang lela, nmessila, hi nthu kiqaden. Hi Israel Nyiza kemethawa, nthu hangsha cü ketenwa tsü.

ISAYA 43:2

Nthu na atssükedhu pvüdhiwa lela hi nthu ssiden; nthu gükeccü tsüna nthu ghongshaya nben. Nthu na anni pvüdhi wa lela nthu mecangya nben; nthu metenkinan kedhu na gho lela tsüna nthu patenaya nben.

ISAYA 46:10

Adechhü wina mangwa saghoten khe hi npi wina khi pi thengdha; matsü kesie wakea wi mangwa saten khe hi khi pi thengdha. Hi kemeshen tsü khiela ncenla sa nben, nu hi samvu keben tsüdila saaben kesa khidha.

MATHI 14:27

Isala tsümeyi Jisu na mathu wi kiza, “Lebenzü yalo! Ha hi le, nmessi lalo!”

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

MATHI 9:2

Ciwi anyi pahan na kecügüshü nyi kesü pi awe wi chi pienu ma wi gho. Jisu na mathu kenondi keben tsü muya theng nu kecügüshüwa wi khi, “Lebenzü yalo, itsawa! No kesami teshi pi no cüdha.”

Luk Zhükechi Jühtheü Kemehaiwa 16:28

ciwi icünyuthu ma manga ben. Mathu la ketizen kesa pen wi ha n-gha thsüle kesalina ma ya whala mathu kitsanchi thsülo.’

JOHAN 14:18

“Hi nthu teshi pi nthu ketan ben thsü nben; hi nthu wi ghoneng ben.

JOHAN 16:33

Nthu hi wi keben ghena kecca benya thsüle kesalina hi ha pi nthu kizadha. Nthu na ayyi hawi ketizen saben. Isala nthu kempvüza sayalo! Hi ayyi ha miwi khangyadha.

KEKULI 18:9

Ghaja kesü wi Paul na kemanthi kesü mu nu ciwi Apvüwa na ma wi kiza, “No nmessi lalo, nteshila nu ketsijüh khi benlo,

KEKULI 19:21

Pala tsüthu kuli cenkeya seng wi Paul na ma leben wi ma Macedonia nu Akhaya yyi pvüdhi sen nu Jerusalem wi wale meshenya nu khi, “Hi ciwi kewa seng wi wala Rom wi nwathu yishüben.”

KEKULI 2:25

Kepaghenanye David na ma cüki hati khitheng: ‘Hi matsü tsüdila Apvüwa na itu wi keben mu. Ma ikete wi keben ghena hi khiela khuli meyacha.

KEKULI 20:22

Hi khili Kemetha Ghamu jühkina nu Jerusalem wi wale bendha, isala hi ciwi khati saben khe nchü.

KEKULI 22:15

Kepaghenanye no mangwa mu nu zayadha khe tsü pi anyi tsüdi kiza nu ma chüza saden.

KEKULI 22:18

Hi ciwi Apvüwa mu nu ma hi kiza, ‘Wan shagha Jerusalem teshi nu bvülo, kepaghenanye he wi anyithu na no isheikepi jüh tsü ya nten.’

1 KORINTHNYI 9:1

Hi mangla kekhenkeghe nkemi nyi kesü nye kwe? Hi apostel kesü nye kwe? Hi ithu Pvüwa Jisu nmu kwe? Hi Apvüwa kekuli kesa ghena nthu hati sa meya kwe?

FILIPPINYI 1:13

Tsü jjügi ghena kadipen maben wila aghihie nu he wi kebenthu tsüdila hi Khrista magha kesü ghena atssüzü sa benle kesa chüben.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.