KEKULI 22:4 - Kemethajüh (N) (Re-editing) Bible (BSI)

⁴ Hi Alen hawa nie ketenthu meten-mesha pi shü thsüa. Hi wa npvüza nu nzathu ghanya nu mathu pi atssüzüjjen wi chia.

KEKULI 22:4 Iomraidhean Croise

KEKULI 16:17

Nza tsüwa na Paul nu ikhang niela jisha, “Anyi hathu hana Kemisintsa Anyiza maghathu le! Mathu na nthu khati nu hangsha yaben khe tsü khi pi nthu kizaben!”

KEKULI 18:26

Ma Sinagog wi kempvüza ntsa sa nu nyu sansiden, isala Priskilla nu Aquila manyi na ma jüh zaya nu ma ssi wa Anyiza jüh khiti pi ma kiza.

KEKULI 19:23

Tsü tsüwi Apvüwa Lenwa ghena Efesa wi kivvü ntsa sa shagha .

KEKULI 19:9

Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 24:14

Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle.

KEKULI 7:58

mathu na anyunutiwa wina ma zanshi nu alon pi ma kicenthia. Chüzathu na mathu thsümeni teshi pi kepvünyi kesü Saul ccü wi chia.

KEKULI 9:21

Ma jüh kekhi tsü za keyathu tsüdila amansa nu keü, “Anyi hawa ha Jerusalem wi anyi Jisu kinyi ketenthu pathi ketenwa tsü nye kwe? Nu ma he wi tsü jjügi ghena anyithu tsü ghan sen nu keqhaikedi ntsathu wi wale kesa ghena gho nben kwe?”

1 KORINTHNYI 15:9

Kepaghenanye hi apostelthu tsüdi jawi kizza ntsawa, hi pi apostel kesü lela nci qo, kepaghenanye hi Anyiza kemehu metenmesha.

GALATIANYI 1:13

Nthu na hi kheni Judah nyi keccüna wi hang keten tsüwi hi khati nu Anyiza kemehu tsü meten-mesha nu tsü yasa le ipiketsü sa khe tsü cüki nthu na zayadha.

FILIPPINYI 3:6

nu lebenchi ntsa sa nu kemehu tsü meten-mesha. Anyi kesü Ayenwa tsü kenie wina tsatanya kemehai chu hi nsazzila gho.

2 PITOR 2:2

Anyi kejon na mathu hang nkemetha len tsü nie waben; nu mathu kekuli ghena nyu kepathu na Atsentsa lenwa tsü khisaben.