KEKULI 21:5 - Kemethajüh (N) (Re-editing) Bible (BSI)

⁵ Isala ikhang na matsü cenkeya seng wi mathu teshi nu alentsen wa, nu mathu tsüdi mathu wubvü, tsangathu ssinu ikhang ssi wa anyu khensha wi aghüsa wi chicü. Ciwi ikhang tsüdila akhhutsüdu gweghe kekhie sa nu keteshili wa.

KEKULI 21:5 Iomraidhean Croise

1 KADIMITHU 8:54

Solomon na Apvüwa wi kekhie kesacen seng wi kekinyipen tuwi ma khutsü nu ma kwen zanki keben witsü na shagha.

2 KHENICÜKI 20:13

Judah wi npvüzathu na mathu wubvüthu nu atsangathu ssinu ciwi Kekinyijjen tuwi ngan ben.

NEHEMIYA 12:43

Tsü ghanan ahhanshathu ji ntsa sa; nu anyithu na anonghe ntsawa sa kepaghenanye Anyiza na mathu sapi anonghe ntsa sa cü. Nzathu nu ghanyithu la kemini hawi gweghe, nu mathu kenong hhai na alen kesie wila zaya.

ZAKECI 95:6

Gholo, ithu kukedu ma kinyi na; ithu Pvüwa, ithu Sakechiwa tuwi akhhutsüdu nalo.

MATHI 14:21

Anyi ciwi kedsathu na hazar manga-u, tsüna nzathu nu ghanyithu nsichi.

MARK 1:40

Agükedsakenaa nyi kesü na Jisu wi gho ma wi keshikene. Ma kukedu Jisu wi khi, “No kenen lethu, no hi sa pi mehai cülo.”

Luk Zhükechi Jühtheü Kemehaiwa 22:41

Tsaseng wi ma mathu teshi nu alon pi kethenchi-u wi wa ma khutsüdu nu kekhie sa.

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 20:36

Paul na ajüh tsü khidhi meyi mathu ssinu akhhutsüdu mathu tsüdi ghena kekhie sa.

KEKULI 20:38

Mathu tsüdila ma mathu wi ma nmu nendha le kekhi ghena ahathana ntsa sa. Isanu mathu na Paul ssisen wala ahunjjen wi du thsüa.

KEKULI 9:40

Pitor na mathu tsüdi kesun pi akhemi wi shhu thsü nu ma akhhutsüdu kekhie sa; tsaseng wi ma khapeghe wa akamang tsü ghang nu khi, “Tabitha, shagha lo!” Nzawa na ma nyon kü shagha Pitor muya nu shagha donki wa.

JOSHUA 24:15

Keujüla nthu na ma kekuli nsamvu lethu, nthu bamyithu na Mesopotamia wi kinyi kegho cenpvüthu tsüla, nyelela Amor nyi nthu na khili mathu yyi wi hang keben cenpvüthu tsü khe nthu na thowa kekuli saten khe nansü südhe yalo. Hi nu itheghi ghena tsü ithu na Apvüwa kekuli ketan saden.”

JOSHUA 8:35

Israel nyithu, nza nu ghanyithu, nu asang mathu jawi hang kebenthu maben saghu keben tuwi Joshua na Mosa yenkhukechithu tsüdila sichia.