KEKULI 21:13 - Kemethajüh (N) (Re-editing) Bible (BSI)

¹³ Isala ma luneng, “Nthu mangkesa na hati qai pi ileben sameshü ben nu? Hi Apvüwa Jisu ghena Jerusalem wi nyu hi kebhen thsü ketan nyela keshü la shüya mehai.”

KEKULI 21:13 Iomraidhean Croise

1 KHENICÜKI 11:18

Süpahi nyankemechan kecheng hathu na Filistinthu kemnanpen tsü pvüghe dula atssükhang witsü atssü ssuya nu sengho David cüa. Isala ma tsü njjüla meyisha pi Apvüwa wi kekinyi kesü sa,

ISAYA 3:15

Nthu na inyithu pacha nu ketha-uthu miwi kekiyi bha dsaya kemehai kemeshon nmi. Hi Kekhang ntsawa Apvüwa, hi khidha.”

JEREMIYA 40:1

Benchüwa Nebuzaradan na Rama wi hi teshichi kesa sengwi Apvüwa na hi wi kiza. Amighe ssüli pi hi hu sen nu Jerusalem nu Judah wi ssisen atssüzü sa wa keten anyithu tsüdi gweghe Babylonia wi wa.

EZEKIEL 18:2

nu khi, “Israel yyi wi anyithu na khineng neng keten jühbvü ha mangwa nu? ‘Abajjathu na kemeshentsse kesse dsa, isala atsangathu na mathu yha nqan.’

JONA 1:6

Ahunjjen wi kediwa na ma ciwi keben muya nu ma wi khi, “No mangkesa na jen ben nu? Shagha nu ncenpvü wi kekiqa khielo. Ma ithu nantizen nu ithu kahang heisha cüla mechü na.”

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 20:37

Isanu mathu tsüdi wa ma khüntagüya nu ma kimang nu qai.

KEKULI 5:41

Apostelthu na Anyiza mathu la pi Jisu nyan wina ketizenkesa qo nyi kesa tsü ghena anonghe ntsa sa nu hoho tsü teshia.

KEKULI 9:16

Nu ma ighena ketizen nsathu keyishü tsüdi pi ma ccücaden.”

1 KORINTHNYI 15:31

Icünyuthu, hi keshüthangla keshü metu benle! Hi nthu miwi kapvü ben, ithu kahang Apvüwa Jisu Khrista wi keben ghena hi ha khishiben.

FILIPPINYI 2:17

Nthu kenondi pi Anyiza cü thsüle kesalina hi kahang pi ahhansha kesa jjü ti keji thsüla nchü. Keujüla tsüti lethu, hi nen nu nthu tsüdi ssinu anonghe ben.

FILIPPINYI 2:26

Ma nthu tsüdi muya mvu ntsa saben, nu nthu na ma naa le kesa zaya kesalina ma leben güccüben.

KOLOSSINYI 1:24

Nu hi khili nthu ghena ketizen kesa ghena inongheben, kepaghenanye hi asajjü wi ketizen kesa ghena Khrista na ma gwo, kemehu kuti wi ketizen kesa npi kesacenwa tsü kiqa pi sacen cüben.

2 TIMOTHI 1:4

Hi n-nyontssü keqanca tsü meshenben, nu hi inonghe yale kesalina no muya mvuthi benden.

2 TIMOTHI 4:6

Ighena tsü hi ahhansha kesa matsü na ghodha; hi kahang ha nteshithu keyishü matsü na ghodha.

2 PITOR 1:14

Apvüwa Jisu Khrista na hi kekiza ti hi wan asajjü kahangwa ha teshia tendha kesa hi chüben.

CCÜCAKECHI 12:11

Ithu cünyuthu na Khaghanenizzawa jjü nu mathu atsentsawa sheikepi ghena ma miwi khang yadha; nu mathu na mathu kahang khuchi nu shü mvu kesalina.

CCÜCAKECHI 3:10

No ijühkina nu kethan-kehikeya ghena anyi kemehai-keteshi ghan-nan le kesa ghena agükeccü ayyi tsüdi miwi gho keten tsü wi hi la no hangsha yaben.

1 SAMUEL 1:8

Ma wuba Elkana na ma wi keü, “Hannah no mangkesa na qaiben nu? No mangkesa na ndsajjü mvu- laben nu? No mangkesa na keshüthangla ahathanathi benten nu? Ntuwi atsa tagha miwi hiwa ma men nbenki kwe?”

1 SAMUEL 15:14

Samuel na keü, “Isalethu, khati kesa na hi amesüsi nu khaghaneni kekhou hhai zayaben nu?”