KEKULI 21:11 - Kemethajüh (N) (Re-editing) Bible (BSI)

¹¹ Ma ikhang wi ghola Paul geshi keqhan tsü khu pi ma ccükwen bhenya nu khi, “Hawa ha Kemetha Ghamu na khiben: Jerusalem wi Judah nyithu na hati nu ageshi keqhan ha pvüwa bhenya nu pi Judah nyi nkenyethu kwen wi chiaben.”

KEKULI 21:11 Iomraidhean Croise

1 KADIMITHU 22:11

Mathu meshu kesü Khenaana tsa Zadekiya na amighe pi aghacüthu saya nu Ahab wi khi, “Apvüwa na hati khiben, ‘No hathu ha sen nu Siriya nyithu ssisaden, nu mathu yasatha salo.’”

ISAYA 20:2

Amapi kecheng tuwi Apvüwa na Amoz tsawa Isa ya ma ccüguwen nu ma pvü keten leshithsü tsü khushilo ma kiza. Ma tsü kina nu ma kimessü nu ma ccükevü sa wa.

JEREMIYA 19:1

Apvüwa na hi wala ayyipfü kesü sheiyalo kiza. Ma kheneng hi anyi keqhaithu pahan nu keqhaikedi kemechanthu pahan ssiya,

HOSEYA 12:10

“Hi atusenjüh-kechüthu ccüneng nu kemanthi kejon pi mathu cü, nu hi atusenjüh-kechüthu miwi na kekitsan pi inyithu cü.

JOHAN 18:1

Jisu na kekhie kesa seng wi ma sansikeyathu ssinu Kidron Ghaku khhaka wi wa. Ciwi asanku kesü na ben, Jisu nu ma sansikeyathu la ma non wi du.

KEKULI 13:2

Mathu na zi nu Apvüwa kinyi keben wi Kemetha Ghamu na mathu kiza, “Barnaba nu Saul manyi na ighena nu hi manyi ci keya kekuli tsü sa thsüle kesalina manyi kesunshi chilo.”

KEKULI 16:6

Kemetha Ghamu na mathu yala Asia yyi wi ketsijüh nkhi thsü mvula kesalina mathu na Frugia nu Galatia pvüdhi wa.

KEKULI 20:23

Anyunuti tsüdi wi lela Kemetha Ghamu na atssüzü kesa nu ketizen kesa na hi hie benle kesa kitsan chiden.

KEKULI 21:33

Benchüwa na Paul ghanya nu amighe ssüli keni pi ma bhen yalo kesa ahza khuchia. Isanu ma “Anyi ha thowa nu ma mangwa sa theng nu?” kesa keü.

KEKULI 21:4

Anyu tsüwa wi kenondithu pahan muya nu ikhang ciwi ghanan tagü ben. Mathu na Aghamu wina Paul Jerusalem wi nwa lalo khi.

KEKULI 22:25

Isala mathu na ma bhenya nu kiccü le sa keben wi Paul na ciwi ngan keben kediwa wi khi, “Nthu na Rom nyi kesü ma kemshensa nkemi ghan pi kiccü kesa ayen ben kwe?”

KEKULI 24:27

Amapi keni seng wi Porsia Festa na Felix kuti sala ahng saya. Felix na Judah nyithu kenen pvüya mvu kesalina Paul pi atssüzüjjen wi chi theng.

KEKULI 26:29

Paul na luneng, “Matsü kesie kemelu lela hi Anyiza wi kekhiewa na no ketan nyela nansü he wi ijüh kina kebenthu tsüdila hi ti saya thsülo, isala nthu yala hi ti atssüzü nsa thsü mvu le.”

KEKULI 28:17

Ghanan kecheng seng wi Paul na Judah nyi ccülikesathu ci pi keccünengli. Mathu na gho saghukeya wi ma mathu wi khi, “Hi Israel nyithu, hi mangla anyithu nyelela ithu bamyithu Yenwa tsü keshun kekuli nsa lela hi ghan pi Jerusalem wi atssüzü sa thsü nu pi Rom nyithu kwen wi chile.

KEKULI 28:20

Tsalina hi ha jjügi ghena nthu metu chi nu ajüh pi kizale kesa khie, kepaghenanye hi Israel nyithu na nondi ketenwa tsü ghena hi amighe ssüli pvü le!”

KEKULI 28:25

Tsalina mathu na Paul ajüh ha kekhi seng wi mathu ajüh kepapa sa nu bvü zighe: “Kemetha Ghamu na Isa atusenjüh-kechüwa wina nthu bamyithu wi mehaitsü kizachidha le!

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

KEKULI 9:16

Nu ma ighena ketizen nsathu keyishü tsüdi pi ma ccücaden.”

EFESANYI 3:1

Ha jjügi ghena hi Paul, no Judah nyi nkenyethu ghena atssüzü saben, Anyiza wi khie den.

EFESANYI 4:1

Hi Apvüwa kekuli ghena atssüzü nyi kesü nthu wi kizaben: Anyiza na nthu ci keya wi kahang yen sa ketheng wi tsü hanglo.

EFESANYI 6:20

Kepaghenanye ajühkemehaiwa ha ghena hi khili atssüzü saben lela hi mithonyi kesü. Hi kekhi-u tsüti hi kempvüza sala ajühkemehaiwa cüki khiya thsüle kesa ghena kekhie salo.

1 TIMOTHI 4:1

Asakhen tsüwi anyi pahan na kenondi teshiaben le kesa Aghamu na khimechan chiben; mathu na kemechu ghamuthu jühkina nu atsaghangthu kesansijüh tsü nie waben.

2 TIMOTHI 2:9

Hi Jühtheü Kemehaiwa pi kesansi ghena ketizen sa nu hi nyu kepathi nyi kesü ti amighe ssüli la pvü. Isala Anyiza jüh tsü amighe ssüli pi bhen ntheng.

IBRINYI 10:34

Nthu na atssüzüthu gweghe ketizen sa, nu nyu na nthu tsanqaithu pigheya lela anonkeghe sa nu kekhenengya, kepaghenanye nthu na pala tsü miwi kemehaiki anuphan ben keten ji benyadha kesa chüben.

IBRINYI 3:7

Tsalina Kemetha Ghamu na kekhi ti, “Keujüla nthu na nansü Anyiza hhai zaya lethu,

1 PITOR 1:12

Atusenjüh-kechüthu kekuli tsüna mathu ghena kekiyi nyela nthu ghena le kesa Anyiza na pi mathu ccüca, mathu na tsüthu cüki kekhi ti nthu na khili nyilothu na tang wi kesun kechi Kemetha Ghamu kekhang wina Jühtheü Kemehaiwa kekhi wi zayadha. Tangnyilothu lela pala hathu ha chüshiya mvuthi saden.