KEKULI 20:7 - Kemethajüh (N) (Re-editing) Bible (BSI)

⁷ Tugho ghanan aghaja wi ikhang na gweghe dsajjü le saghuya. Paul na ma dhitsüwa wi bvüa keten ghena ma ajüh khi pi anyithu kiza wala ghaja cancüla wi cu.

KEKULI 20:7 Iomraidhean Croise

NEHEMIYA 8:3

Ma ciwi kaghapeng-jenka khemi wi Ayenwa tsü atsantheghi na si wa ghanan lapvü cu, nu mathu tsüdila lebenchi ntsa nu kina.

NEHEMIYA 9:3

Mathu wi amighe kekihhe kecheng-u tsü Apvüwa mathu Nyiza Yenwa tsü si, nu tsashiwa amighe kekihhe kecheng-u tsü mathu kesamithu khishi nu Apvüwa mathu Nyiza tsü kinyi.

MARK 16:9

Apvüwa tsathang wi ghanen mitu Jisu na hangneng-keshagha seng wi ma kheni ma gwo wi atsaghangthu tagü jügüshi kesawa Magdalen Maria yala ma muya thsü. Nzathu na Pitor nu ma pvüshangthu wi wa nu pi mathu kekiza cüki tsüdi khi pi mathu kiza.

Luk Zhükechi Jühtheü Kemehaiwa 22:19

Tsaseng wi amesa be kesü khuya nu Anyiza keseng kekhie sachi nu pakhhiya nu pi mathu cü nu khi, “Hawa ha igwo, nthu ghena khukechiwa tsü. Hi meshen benle kesalina hawa ha satenlo.”

Luk Zhükechi Jühtheü Kemehaiwa 24:35

Tsaseng wi manyi na alenca wi khati sa nu Apvüwa na amesa pakhhi kechi wi manyi khati nu ma chüya khe khimetha pi mathu kiza.

JOHAN 20:1

Apvüwa tsathang wi ghanen mitu atsajang keben wi Magdalen Maria na ashüjjen wi wha nan ashüjjen lon khakuli ketheng muya.

JOHAN 20:19

Apvüwa tsathang minulen wi sansikeyathu na Judah nyi messila ajjen khenten pvünu keben wi Jisu na ghola mathu jawi nganya nu mathu wi kiza, “Kecca nthu ssiben keyawa salo.”

JOHAN 20:26

Ghanan tagü seng wi sansikeyathu na kheneng ajjen khenten pvüben, nu Thoma la mathu gweghe ben. Ajenkathu khen theng, isala Jisu na dugho mathu jawi nganya nu khi, “Kecca ya nthu ssiben keyawa salo.”

KEKULI 16:10

Paul na kemanthi tsü chüya meyi ikhang na Macedonia wi wale kidenya, kepaghenanye Anyiza na Jühtheü Kemehaiwa pi ciwi anyithu kizalo kesa ghena ikhang ci benle kesa südheya.

KEKULI 2:42

Mathu na matsü tsüdi pi apostelthu kesansijüh kina, isanu gweghe ashusala kekhie la saben wa.

KEKULI 2:46

Atsathangla mathu na Kekinyijjen wi kemetuli, aleben tsentsa wi anonkeghe sala mathu jjen wi gweghe dsajjü,

KEKULI 20:11

Tsaseng wi ma ajjenshha tangwa wi kila amesa pakhhi dsaya, nu mathu wi ajüh khineng wala ghanenwa aghani keshhugho cu, nu bvüa.

KEKULI 20:31

Tsalina hi amapi kecheng ghaja ghanan n-nganla ihacüca nu nthu sansi kesa tsü meshenyalo.

KEKULI 20:5

Mathu na atu wina wala Troa wi ikhang hie ben.

KEKULI 20:9

Ciwi kepvünyi kesü ma nyan Eutuka kesa na ajjenkubhi kete wi donkiben, Paul na ajüh kesie khi wa kesalina ma jen mvu pfüpfü wa nu jenchi ntsa keben wi ajjenshha kechengwa wina ayyi wi qanca dua. Mathu na wa ma pieki wa nan shü benla.

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

1 KORINTHNYI 10:16

Ithu na Apvüwa kemeshentsse kesen wi ahyi pie nu tsü ghena keseng pi Anyiza cü ketenwa tsü kejjü wi ithu na Khrista jjü tsü jjüben. Nu ithu na amesa pakhhi nu tsü kedsa wi ithu na Khrista sa tsü dsaben.

1 KORINTHNYI 15:10

Isala Anyiza nanketizen wina hi hati saben, nu ma nanketizen pi hi kecü tsüna ma men nkemi nye. Tsü miwi la hi apostel kepathu miwi apiketsü sa kuli, tsüna ntsakhiwa hi kulikeya nye, isala Anyiza nanketizen na hi gweghe kuliben.

1 KORINTHNYI 16:2

Nthu tsüdila Apvüwa tsathang kaghapenla nthu apisa mukeya qei wina pahan pi theng lalo, isathu hi kegho wi nthu apisa nsaghula mehai.

2 TIMOTHI 4:2

ketsijüh pi nyu sansilo, tsü pi thangchi (matsü mehaile nmehai lela), no tsüdi wi kethankehi nu nyu sansi keten tsüti nyu zanya, nyu khachi, nu nyu kechü-kenonglo.

CCÜCAKECHI 1:10

Apvüwa tsathang wi hi aghamu wi keben wi iseng wi tutuwa kekhou hhai ti kesa misikhhali kesü zaya