KEKULI 20:23 - Kemethajüh (N) (Re-editing) Bible (BSI)

²³ Anyunuti tsüdi wi lela Kemetha Ghamu na atssüzü kesa nu ketizen kesa na hi hie benle kesa kitsan chiden.

KEKULI 20:23 Iomraidhean Croise

Luk Zhükechi Jühtheü Kemehaiwa 16:28

ciwi icünyuthu ma manga ben. Mathu la ketizen kesa pen wi ha n-gha thsüle kesalina ma ya whala mathu kitsanchi thsülo.’

JOHAN 16:33

Nthu hi wi keben ghena kecca benya thsüle kesalina hi ha pi nthu kizadha. Nthu na ayyi hawi ketizen saben. Isala nthu kempvüza sayalo! Hi ayyi ha miwi khangyadha.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 18:5

Sila nu Timothi manyi na Macedonia wina gho kecu seng wi Paul na apitsü ntsa sa nu matsü tsüdi wila Judah nyithu wi Jisu tsüna Messiya le kesa pi sansi.

KEKULI 20:21

Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 21:11

Ma ikhang wi ghola Paul geshi keqhan tsü khu pi ma ccükwen bhenya nu khi, “Hawa ha Kemetha Ghamu na khiben: Jerusalem wi Judah nyithu na hati nu ageshi keqhan ha pvüwa bhenya nu pi Judah nyi nkenyethu kwen wi chiaben.”

KEKULI 21:33

Benchüwa na Paul ghanya nu amighe ssüli keni pi ma bhen yalo kesa ahza khuchia. Isanu ma “Anyi ha thowa nu ma mangwa sa theng nu?” kesa keü.

KEKULI 21:4

Anyu tsüwa wi kenondithu pahan muya nu ikhang ciwi ghanan tagü ben. Mathu na Aghamu wina Paul Jerusalem wi nwa lalo khi.

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

KEKULI 9:16

Nu ma ighena ketizen nsathu keyishü tsüdi pi ma ccücaden.”

1 THESSALONIKANYI 3:3

isanu nthu kesüla kemeten-kemesha tsü ghena aseng nkheneng thsüle kesalina. Ithu ghena kemeten-kemesha ha Anyiza kemeshen le kesa nthu na chüben.

1 TIMOTHI 4:1

Asakhen tsüwi anyi pahan na kenondi teshiaben le kesa Aghamu na khimechan chiben; mathu na kemechu ghamuthu jühkina nu atsaghangthu kesansijüh tsü nie waben.

2 TIMOTHI 2:12

Keujüla ithu na kethankehiya lethu, ithu na ma gweghe la kadi saben. Keujüla ithu na ma meya mvula lethu, ma la ithu meya mvula ben.