KEKULI 20:21 - Kemethajüh (N) (Re-editing) Bible (BSI)

²¹ Hi leben khapegheya nu Anyiza wi ghola Jisu Khrista nondiyalo kesa pi Judah nyithu nu Grik nyithu la kizadha.

KEKULI 20:21 Iomraidhean Croise

MATHI 3:2

Ma khi, “Nthu kesami wina leben khapeghe yalo, kepaghenanye tang Kadiyyi tsüna tetsakidha.”

MATHI 4:17

Tsü nten na Jisu na jühkemehaiwa khi pi nyu sansishu: “Nthu kesami wina leben khapeghe yalo, kepaghenanye tang Kadiyyi na tetsakidha le!”

MARK 1:15

Ma khi, “Sati kesa matsüwa tsüna ghodha, nu Anyiza Kadiyyi na tetsakidha! Nthu kesami wina leben khapegheya nu Jühtheü Kemehaiwa nondiyalo!”

MARK 6:12

Tsalina mathu na wala anyithu ya mathu kesami wina khapegheyalo kesa pi sansi.

Luk Zhükechi Jühtheü Kemehaiwa 13:3

Nyele! Hi nthu kizaben, nthu na kesami wi khapeghe meya lethu, nthu la mathu ti shüaben.

Luk Zhükechi Jühtheü Kemehaiwa 13:5

Nyele! Hi nthu kizaden, nthu na kesami wi khapeghe meya lethu, nthu la mathu ti shüaben.”

Luk Zhükechi Jühtheü Kemehaiwa 15:10

Hi nthu kizaden, tsü makesü, Anyiza nyilothu na kesami nyi kesü leben khapeghekeya ghena anonghe ntsa saben.”

Luk Zhükechi Jühtheü Kemehaiwa 15:7

Hi nthu kizaden, tsü makesü, ketsatan nyi achentugu nu tugu leben nkhapeghela mehai kesathu miwi kesami nyi kesü leben khapeghekeya ghena tang wi anonghe ntsa saben.

Luk Zhükechi Jühtheü Kemehaiwa 16:28

ciwi icünyuthu ma manga ben. Mathu la ketizen kesa pen wi ha n-gha thsüle kesalina ma ya whala mathu kitsanchi thsülo.’

Luk Zhükechi Jühtheü Kemehaiwa 24:47

nu ma nyan wina leben khapeghekeya nu kesami teshi kecü ketsijüh tsü pi Jerusalem wi atuwa sala mizzatenti tsüdi wi nkizathu yishü.

JOHAN 20:31

Isala nthu yala Jisu tsüna Khrista nu Anyiza Tsawa le kesa nondi nu tsü kenondi ghena ma nyan wina kahang muya thsüle kesalina hathu ha zhü chitheng.

JOHAN 3:36

Anyi thowa na Atsawa nondi ten khe anuphan kahang bendha; Thowa na Atsawa jüh nkina khe kahang nmi, isala Anyiza leben kekha kekhu wi benden.

KEKULI 10:43

Atusenjüh-kechüthu tsüdila ma cüki khi, anyithu kesü le kesü lela ma nondiyathu ma nyan kekhang wina kesami keteshi mu yaben kesa khichi.”

KEKULI 11:18

Mathu na ha zakeya seng wi kicennali nsala nu Anyiza seng nu khi, “Anyiza na Judah nyi nkenyethu la leben khapeghe nu hangya thsüle kesalina matsü kemehai pi cüdha.”

KEKULI 16:31

Manyi na ma wi khi, “No Apvüwa Jisu nondiya, isa lethu no nu ntheghithu la hangsha yaben”

KEKULI 17:30

Anyiza na anyi nkechü tsüwi tsü mula nkemu ti teshi cüdha; isala khilitsü anyi kahe wi keten tsüdila mathu nkemehai wina khapeghe yalo kesa ahza khuchidha le!

KEKULI 19:17

Efesa wi Judah nyithu nu Judah nyi nkenyethu la tsü cüki zaya nu mathu tsüdi messi ntsa sa nu Apvüwa Jisu nyan tsü kinyikü ntsa sa.

KEKULI 2:38

Pitor na mathu wi kiza, “Nthu tsüdila kesami wi leben khapeghe nu Jisu Khrista nyan wina baptaiz sa meyathu yishü, isanu nthu kesami keteshi muyale kesalina; isa lethu, nthu na Anyiza juwa Kemetha Ghamu tsü muya ben.

KEKULI 2:40

Pitor na ajüh kepa wila kejon khi pi mathu kiza nu khi, “Kemeten-kemesha na ashicü nkemehai hawa miwi gho ketenwa wina nthu hangsha yalo.”

KEKULI 20:23

Anyunuti tsüdi wi lela Kemetha Ghamu na atssüzü kesa nu ketizen kesa na hi hie benle kesa kitsan chiden.

KEKULI 20:24

Isala hi Anyiza nanketizen wina Jühtheü Kemehaiwa ha pi khilo nu Apvüwa kekuli salo pi hi kecü tsü sacenle kesalina hi hi kahang ha pi mangla nkenye saden.

KEKULI 24:24

Ghanan pahan seng wi Felix na ma wubvü Drusilla Judah nyiwa tsü ssinu gho. Ma Paul cichi nu Jisu Khrista kenondi cüki kekhi tsü kina.

KEKULI 26:18

No mathu nyon sha chiden nu mathu kejang wina kewegü wi ghoya, nu satan kekhang kekhu wina Anyiza wi gho yaden, isanu mathu na kesami keteshi tsü muya nu Anyiza na kessikeyathu jawi mathu pen muya den.’

KEKULI 26:20

Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 3:19

Tsalina leben khapegheya nu Anyiza wi gholo, isathu ma nthu kesami teshi pi cüben na.

KEKULI 8:25

Pitor nu Johan manyi na manyi sheikepijüh nu Apvüwa ketsijüh pi kekhi seng wi Jerusalem wi wha neng. Manyi wha keten alenca wi Jühtheü Kemehaiwa pi Samaria nyu kejon wila nyu sansi.

ROMNYI 1:14

Kepaghenanye hi anyi tsüdi wi Grik nyi nu Grik nyi nkenyethu, pala kechüthu nu mangla nkechüthu tuwi la kekuli-u na ben.

ROMNYI 1:16

Hi Jühtheü Kemehaiwa ghena jüghe meyacha. Kepaghenanye tsü nondi ketenthu tsüdila hangshaya kemehaiwa tsüna Anyiza kekhang, tsüna atuwa Judah nyithu nu Judah nyi nkenyethu ghena la.

ROMNYI 10:9

Keujüla no npang pi Jisu tsüna Apvüwa le khishi nu nleben wi Anyiza na keshü wi ma sa pi hang cüle kesa nondiya lethu, no hangsha yaben.

ROMNYI 2:4

Nyelela no ma keccaketssü, kethankehi, lebenkesie tsü nkhichi laten kwe? No Anyiza na no ssi wa leben khapeghekeya wi chicü le keben ghena ma ccatssü le kesa no chüben.

ROMNYI 4:24

Isala tsüthu tsüna Anyiza na keshü wi ithu Pvüwa Jisu sa pi hang kecüwa kenondithu pi ketsatan nyi saya ketenthu tsüdi ghena la zhütheng.

ROMNYI 5:1

Khilitsü ithu na kenondi ghena Anyiza gweghe meshon yadha, nu ithu Pvüwa Jisu Khrista wina Anyiza wi kecca benyadha.

1 KORINTHNYI 1:22

Judah nyithu na chüyale kesa ghena azensuthu tsü bha, nu Grik nyithu na kemetsa tsü ghang.

2 KORINTHNYI 7:10

Kepaghenanye Anyiza ahathakina senya kesawa tsüna leben khapeghe kecü sengho nu ssi wa hangshakeya wi chi cüden, nu ciwi asenkemeshen nmi. Isala ayyi nyi hathakina tsüna keshü sengho cüden.

GALATIANYI 2:16

Isala anyi kesü na Jisu Khrista kenondi wina ketan Anyiza tu wi meshonya keten khe khiela Ayenwa nie nu kekuli wina nye kesa ikhang na chüben. Ikhang na Ayenwa nie nu kekuli wi nyela Khrista kenondi wina Anyiza tu wi meshon yaden kesa Jisu Khrista wi kenondi ben. Kepaghenanye anyi thola Ayenwa nie nu kekuli wi Anyiza tu wi meshon meya.

GALATIANYI 2:20

Tsalina khili hang kebenwa tsüna hi nyedha, isala hi wi hang kebenwa tsüna Khrista. Hi khili hang kebenwa kahang ha na hi tizen nu ighena ma kahangli khuchi kesawa Anyiza Tsawa kenondi wina hang ben.

GALATIANYI 3:22

Isala Ntsawajüh wina ayyi mabenla kesami kekhang kekhu wi ben khiben; tsalina Jisu Khrista kenondi wina khishi ketheng ajuwa tsü pi nondi ketenthu cüdha.

EFESANYI 1:15

Ha jjügi ghena, hi nthu na Apvüwa Jisu kenondi nu nthu na Anyiza nyithu tsüdila ketizen cüki za keya nten na,

KOLOSSINYI 2:5

Kepaghenanye hi asajjü wi nthu gweghe nben lela aghamu wi nthu gweghe ben, nu hi nthu na Khrista kenondi wi gweghe zükeqhe ngan benle cen kesa tsü mu pi inonghe ben.

FILEMON 1:5

Kepaghenanye hi no Anyiza nyithu tsüdi ketizen nu no Apvüwa Jisu wi kenondi keben cüki zaya.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.

1 JOHAN 5:5

Thowa na ayyiwa tsü chaya mehai nu? Jisu na Anyiza Tsa le kesa nondi keten nyi ketan.