KEKULI 2:47 - Kemethajüh (N) (Re-editing) Bible (BSI)

⁴⁷ mathu na Anyiza seng, nu anyi tsüdila mathu nen ntsa sa. Atsathangla Apvüwa na hangshaya kebenthu pi mathu wwayaya sa.

KEKULI 2:47 Iomraidhean Croise

Luk Zhükechi Jühtheü Kemehaiwa 19:48

isala mathu na tsüti kesa len mu meya, kepaghenanye anyithu tsüdila ma jühkekhi tsü kesütanla nteshi mvula kinaben.

Luk Zhükechi Jühtheü Kemehaiwa 2:52

Jisu na qhai shagha metsa kayi, Anyiza nu anyi kaghali pvüya.

KEKULI 11:21

Apvüwa kekhang na mathu ssiden, nu anyi kejonla nondiya nu Apvüwa wi kheneng gho.

KEKULI 11:24

Barnaba na anyi kemehai kesü, Kemetha Ghamu nu kenondi pi ma pong pvüden, nu anyi kejon ssinu Apvüwa wi ghoya.

KEKULI 13:48

Judah nyi nkenyethu na ajüh tsü za keya wi mathu nonghe ntsa sa nu Apvüwa jüh tsü seng; nu anuphan kahang ghena kessiya kesathu na kenondithu saya.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 14:21

Paul nu Barnaba manyi na Jühtheü Kemehaiwa pi Derbe wi nyu sansi nu anyi kejonla sansikeyathu saya. Tsaseng wi manyi ciwi na Lustra, Ikonium, nu Pisidia yyi Antiok wi wha neng.

KEKULI 16:5

Tsalina kemehuthu na kenondi wi zü kayi nu atsathangla anyi la ji kayi sa.

KEKULI 17:12

Mathu kejonla nondiya; atheghi kemehai wi keshhugho Grik nzathu nu npvüzathu la kejon na nondiya.

KEKULI 2:39

Kepaghenanye Anyiza jühkhukechiwa tsüna nthu, nthu tsangathu, nu kelensie wi kebenthu lela Apvüwa ithu Nyiza na ci pi ma wi chiya ketenthu tsüdi ghena.”

KEKULI 2:41

Mathu kejonla ma jüh kekhi tsü nondiya nu baptaiz saya, nu tsü ghanan anyi hazar kecheng-u pi mathu wwaya.

KEKULI 4:21

Tsalina Hoho na tsü miwi manyi kitsan neng chi nu manyi lisha chi cüa. Mathu na manyi meten-mesha cü le kesa mangla sa meyala, kepaghenanye anyi tsüdila mangwa kulichi khe tsü ghena Anyiza seng ben.

KEKULI 4:33

Apostelthu na kekhang sen nu Apvüwa Jisu hangneng- keshagha cüki tsü khi, Anyiza na ma kemihhi meyisha pi mathu tsüdi miwi chicü.

KEKULI 4:4

Isala ketsijüh tsü za keyathu anyi kejon na nondiya, nu anyi hazar manga-u pi mathu wwaya.

KEKULI 6:1

Matsü pahan seng wi sansikeyathu ji kayi shagha, Grik jüh kekhi Judah nyithu nu Judah nyi ahvuthu jawi kicennali shagha . Grik jüh kekhi Judah nyithu na atsathangla pala kegishü tsü pi mehaitsü mathu denyilethu nan nben le khi.

KEKULI 6:7

Tsalina Anyiza jüh tsüna vvü zighe wa. Jerusalem wi sansikeyathu na ji pfüpfü wa, nu keqhaikedi ntsathu kejonla kenondi jühwa tsü yaya.

KEKULI 9:31

Tsalina ha Judea, Galilee, nu Samaria tsüdi wi kemehu na kecca tsü kesü sa. Kemetha Ghamu kekiqa wina kemehu satezü nu ji pfüpfü sa, nu Apvüwa kinyikü nu hang.

KEKULI 9:35

Luda nu Sharon yyi wi kahangthu tsüdila ma muya theng nu Apvüwa wi kheneng gho.

ROMNYI 14:18

Thowa na hati nu Khrista kekuli saten khe ma Anyiza kaghali pvüya nu anyi kenen la sayaden.

ROMNYI 8:30

Tsalina Anyiza na ci keyathu pi ma kepa sa thsüdha; nu ma ci keyathu pi ma tuwi meshonya thsüa, nu pi ma nyankethang wi gweghe ya thsüdha.

ROMNYI 9:27

Nu Isa na Israel cüki khi: “Israel nyithu na atssükedone katen wi ahachan ti jiben lela mathu keu ketan hangsha yaben;

1 KORINTHNYI 1:18

Kepaghenanye Khrista na kross miwi keshü cüki ketsijüh hana dedi kebenthu tuwi kejüphon jüh, isala ithu hangshaya kebenthu tuwi tsü hana Anyiza kekhang.