KEKULI 2:42 - Kemethajüh (N) (Re-editing) Bible (BSI)

⁴² Mathu na matsü tsüdi pi apostelthu kesansijüh kina, isanu gweghe ashusala kekhie la saben wa.

KEKULI 2:42 Iomraidhean Croise

Luk Zhükechi Jühtheü Kemehaiwa 24:30

Ma mathu gweghe dsajjüle miz wi donki, amesa khuya nu kemihhi khiechi; tsaseng wi ma tsü pakhhiya nu pi manyi cü.

Luk Zhükechi Jühtheü Kemehaiwa 24:35

Tsaseng wi manyi na alenca wi khati sa nu Apvüwa na amesa pakhhi kechi wi manyi khati nu ma chüya khe khimetha pi mathu kiza.

KEKULI 1:14

Mathu tsüdi nu nzathu pahan, Jisu jja Maria nu ma cünyuthu tsüdi gweghe nu kekhie saki ben wa.

KEKULI 11:23

Ma wa cukeya wi Anyiza na khatila sawegü pi anyithu cü khe muya, ma anonghe ntsa sa nu mathu leben tsüdi pi Apvüwa wi bentenlo kesa mathu kechü-kenong chicü.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 2:46

Atsathangla mathu na Kekinyijjen wi kemetuli, aleben tsentsa wi anonkeghe sala mathu jjen wi gweghe dsajjü,

KEKULI 20:11

Tsaseng wi ma ajjenshha tangwa wi kila amesa pakhhi dsaya, nu mathu wi ajüh khineng wala ghanenwa aghani keshhugho cu, nu bvüa.

KEKULI 20:7

Tugho ghanan aghaja wi ikhang na gweghe dsajjü le saghuya. Paul na ma dhitsüwa wi bvüa keten ghena ma ajüh khi pi anyithu kiza wala ghaja cancüla wi cu.

KEKULI 4:23

Pitor nu Johan manyi lisha chicü meyi manyi na ghola keqhaikedi ntsathu nu keshenpfüthu na manyi wi mangwa le kiza khe khi pi manyi pvüshangthu kiza.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 6:4

Isanu ikhang na matsü tsüdi pi kekhie sa nu nyu sansi isa na.”

ROMNYI 12:12

Kenondi wi anonghethi sa, agükeccü wi kethankehiya, nu matsü tsüdi wi kekhie sa tenlo.

1 KORINTHNYI 10:21

Nthu na Apvüwa hyi wi tsü jjü nu atsaghangthu hyi wi la jjü isaya nben; nthu na Apvüwa khu wi tsü dsa nu atsaghangthu khu wi la dsa isaya nben.

1 KORINTHNYI 11:2

Hi nthu seng ben, kepaghenanye nthu na keshüthangla hi meshen nu hi pi nthu kesansijüh tsü nie benden.

1 KORINTHNYI 14:6

Tsalina icünyuthu, hi nthu wi kegho wi Anyiza wina ccücakechi, nyelela palakechü, nyelela ketsijüh, nyelela kesansijüh sen nu nghola nthu wi ajüh ketheü khi lethu, hi nthu ghena kekiyi mangwa ben nu?

GALATIANYI 1:6

Hi nthu ghena amansa ben le! Nthu na wan Khrista nanketizen wina nthu ci keyawa tsü teshi nu ajühkemehai kepawa yayadha.

EFESANYI 2:20

Nthu la apostelthu nu atusenjüh-kechüthu na alon donbvüwa Jisu Khrista miwi kedegü ketheng wi tsü sayadha.

EFESANYI 6:18

Kekhie wina ha tsüdila sa, nu Anyiza wi kekiqa khielo. Matsü tsüdila Aghamu lenketsütson wina kekhie salo. Ha jjügi ghena keshüthangla meghe-metsa nu nteshila Anyiza nyithu ghena kekhie salo.

FILIPPINYI 1:5

Kepaghenanye nthu na aghatsan wina gho nansü kecu ajühkemehaiwa ghena kekuli wi hi kiqa ben.

KOLOSSINYI 1:23

Nthu na ajühkemehaiwa zakeya wi kekiyi mukeya kaghangwa tsüna apen nketsen thsüla zükeqhe nondiki, nu ghansen khvu nbenthu yishü. Ajühkemehaiwa ha ghena hi, Paul na amagha kesü saben, nu ajühkemehaiwa ha pi ayyi wi anyi tsüdi sansi chidha.

KOLOSSINYI 4:2

Nhandhila kekhie saki benlo, nu nthu kekhie kesa wi meghe-metsaya, keseng pi Anyiza cülo.

2 TIMOTHI 3:14

Isala nghena tsü, pi no sansi cü nu zükeqhe nondiya kesa wi atsentsa sabenlo. No no kesansithu chüben

IBRINYI 10:25

Pahan na sa keten ti ithu na saghu kemetuli keten yen tsü nteshila nalo. Tsüti kesawa nye, Apvüwa tsathangwa tsüna tetsaki gho keten ghena ithu ha miwi la khokho kechü-kenong benten nalo.

IBRINYI 10:39

Ithu na anyi asenkhenengwa nu bhatagha kesathu nye, isala ithu na kenondi ben nu hangshaya kesathu.

1 JOHAN 1:3

Ikhang na Abawa nu ma Tsawa Jisu Khrista gweghe ashukesa wi tsü nthu la ithu gwegheya thsüle kesalina ikhang na ikhang mukeya nu zakeya tsü pi nthu la kizadha.

1 JOHAN 1:7

Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.

1 JOHAN 2:19

Mathu na ithu zi makesü nkenye ghena ithu ja wina bvüdha, kepaghenanye keujüla mathu na ithu zi makesü lethu, mathu na ithu gweghe ben kesa. Isala mathu na bvü kesa tsüna mathu kesütanla ithu zi wi nyele kesa chüti yadha.

JUDE 1:20

Isala ipvüshangthu, nthu tsü kenondi kemetha ntsawa tsü satezü kayiya, nu Kemetha Ghamu kekhang wi kekhie saben,