KEKULI 2:4 - Kemethajüh (N) (Re-editing) Bible (BSI)

⁴ Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

KEKULI 2:4 Iomraidhean Croise

2 SAMUEL 23:2

Apvüwa ghamu na hi wina khi; ma ketsijüh na ipang wi ben.

ISAYA 28:11

Nthu na ijüh nkina lethu, tsaseng wi Anyiza na asangthu, ajüh hhai makepa khi keten nyi ssinu chüthsü kesü pi nthu sansi den.

ISAYA 59:21

Nu hi nthu ssinu cenkethenjüh kesü saaden: Hi kekhang nu hi pi nyu kesansijühthu pi anuphanla nthu ji salo kesa pi nthu cüdha, nu nthu na khili nten na ijühkina nu ghaketen wi matsü tsüdi ghena nthu tsangathu nu nthu shicübvüghathu sansi pi ijühkina thsüden.”

JEREMIYA 6:11

No mathu ghena aghekepvü tsüna hi la mecangben, Apvüwa, nu hi tsü kekheneng meya ladha le.” Tsaseng wi Apvüwa na hi wi khi, “Nleben keminu keshusha pi atonti wi ghanyithu nu acalithu saghu keben miwi chilo. Awuba nu awubvüthu ssinu bvüaben, nu keqhai ntsathu lela heisha nten.

EZEKIEL 3:11

Tsaseng wi no diyyi nyithu kushinyi sa kebenthu wi wa nu Kemisintsa Apvüwa, hi pi mathu kiza keben ha kinale nkina lela pi mathu kiza lo.”

MIKA 3:8

Isala ighena tsü Apvüwa na ma ghamu nu kekhang pi hi pong cü, nu ajüh tsentsa kesen nu kempvüza pi hi cü nu Israel nyithu mathu kesami pi kiza thsüle sa thsü.

MATHI 10:19

Mathu na nthu ssinu ajühkaghaten kewa wi nthu na khati nu mangwale khiten nu kesa leben ketizen nsa la, kepaghenanye matsü na kegho wi nthu na mangwa nkhithu yishü khe pi nthu cüben.

MARK 16:17

Kenondithu amankesa kuliya kemehai kekhang pi cüden: mathu na inyan wina atsaghangthu jügüshi; mathu na ajüh ketheü khi;

Luk Zhükechi Jühtheü Kemehaiwa 1:15

Kepaghenanye ma Apvüwa tu wi kedi nyi kesü saben, isanu ma kisengtssü kekhang jjü nben; isala ma pvüghaya meyi na Kemetha Ghamu pi ma pong pvüben.

Luk Zhükechi Jühtheü Kemehaiwa 1:41

Elizabeth na Maria ma shalom kesa zaya meyi ma pvü non wi memewa tsüna kuli shagha. Kemetha Ghamu na gho Elizabeth pongya,

Luk Zhükechi Jühtheü Kemehaiwa 1:67

Johan ba Zekhariya na Kemetha Ghamu pi ma pong pvünu atusenjüh- khi kechi:

Luk Zhükechi Jühtheü Kemehaiwa 12:12

Kepaghenanye tsü tsüwi Kemetha Ghamu na nthu mangwa nkhithu yishü khe pi nthu sansi cüben.

Luk Zhükechi Jühtheü Kemehaiwa 21:15

kepaghenanye hi nthu ghinyithu thola nthu matang nu shunya nkesa ajühthu nu kemetsa pi nthu cüben.

Luk Zhükechi Jühtheü Kemehaiwa 4:1

Jisu na Kemetha Ghamu pi ma pong pvü Jordan Ghaku wina kegho wi Aghamu na ma ssinu ayyikeshü wi wa,

JOHAN 14:26

Kekiqawa, Kemetha Ghamu, Abawa na inyan wina kesunchi ketenwa tsüna pala tsüdi pi nthu sansi cüben nu nthu yala hi pi nthu kekiza tsüdila meshen nengya thsüaben.”

JOHAN 20:22

Tsaseng wi ma hathakissa pi mathu miwi chi nu khi, “Nthu Kemetha Ghamu yayalo.

KEKULI 1:5

Johan na atssü pi nyu baptaiz sa, isala ghanan keu seng wi Kemetha Ghamu pi nthu baptaiz sa cüaben.

KEKULI 1:8

Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”

KEKULI 10:46

Kepaghenanye mathu na anyithu na ajüh ketheü khi nu Anyiza kedi seng keben zaya. Pitor na ajühkhi shagha :

KEKULI 10:47

“Anyi hathu hana ikhang Kemetha Ghamu mukeya ti mathu la muyadha. Isathu, anyi pahan na mathu pi atssü wi baptaiz sale kesa khenya mehai kwe?”

KEKULI 11:15

Isanu hi ajühkhi keshagha wi Kemetha Ghamu na kheni ithu miwi kegho ti mathu miwi la gho le.

KEKULI 11:24

Barnaba na anyi kemehai kesü, Kemetha Ghamu nu kenondi pi ma pong pvüden, nu anyi kejon ssinu Apvüwa wi ghoya.

KEKULI 13:52

Antiok wi kenondithu anonghe ntsa sa nu Kemetha Ghamu pi pong pvüya.

KEKULI 13:9

Isala Saul pi Paul lela khi ketenwa na Kemetha Ghamu pi ma pong pvünu kedemawa ghangchi nu khi,

KEKULI 15:8

Anyiza, anyi leben chü kebenwa na Judah nyi nkenyethu la nantizen tenle kesa Kemetha Ghamu pi ithu kecü tsüti pi mathu la cüa.

KEKULI 19:6

Isanu Paul na ma kwen chang pi mathu miwi chi, nu Kemetha Ghamu na mathu miwi gho; mathu na ajüh ketheü khi, nu Anyiza ketsijüh la khi.

KEKULI 2:11

Judah nyi nu Judah nyi nkenyethu la, Kreta nu Arabia wina ghoben; isathu, khatinu mathu na ikhang jüh wina Anyiza amankesa kekuli cüki kekhi zaya ben nu?”

KEKULI 2:3

Nu anni mili ti kesa gho gishü zighe sen nu mathu kesüsü miwi ben wa kesa mathu na muya.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 4:8

Pitor na Kemetha Ghamu pi ma pong pvünu mathu luneng, “Anyi ccülikesathu nu keshenpfüthu:

KEKULI 6:3

Tsalina cünyuthu, nthu jawi Kemetha Ghamu nu kemetsa pi pong pvüden kesa chü kebenthu meshu tagü kessi yalo; ikhang na mathu pi kekuli ha sa thsü na.

KEKULI 6:5

Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya.

KEKULI 6:8

Stefan na Anyiza kesawegü pvü ntsa nu kekhang pi ma pong pvü nu anyithu jawi azensu nu amankesathu kulichi.

KEKULI 7:55

Isala Stefan na Kemetha Ghamu pi pong pvü nu tang wi ghangchi nan Anyiza nyankethang nu Jisu na Anyiza kwen ajewa ngan keben muya.

KEKULI 8:17

Tsaseng wi Pitor nu Johan manyi na akwen chang pi mathu miwi chi, nu mathu na Kemetha Ghamu muya.

KEKULI 9:17

Tsalina Ananiya na Saul keben jjen wi tsü wala ma kwen chang pi ma miwi chi nu khi, “Icünyuwa Saul, no he wi gha keten alenca wi ma kemuwa Apvüwa Jisu tsüna hi kesun chiben. No ya pala mu nengya thsü nu Kemetha Ghamu pi pongya thsüle kesalina ma hi kesun chiben.”

ROMNYI 15:13

Anyiza, kenondi bvüwa na nthu ma kenondi ghena anonkeghe nu kecca pi nthu tsüdi pong kecüwa salo, isanu Kemetha Ghamu kekhang wina nthu kenondi yala shigü kayi waya thsüle kesalina.

1 KORINTHNYI 12:10

Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

1 KORINTHNYI 13:1

Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben.

1 KORINTHNYI 13:8

Nanketizen na anuphan benden. Atusenjüh-kekhithu na nmi laben; ajüh ketheü kekhithu na nkhi laben; nu palakechü na asakhen saben.

1 KORINTHNYI 14:18

Hi nthu tsüdi miwi la jiki ajüh ketheü khi keten ghena Anyiza seng ben.

1 KORINTHNYI 14:5

Hi nthu tsüdi yala ajüh ketheü khi thsü mvuben, isala tsü miwi nthu tsüdila Anyiza ketsijüh khithu tsüwa hi nenben. Kepaghenanye anyi kesü ciwi ben nu ajüh ketheü khi keben jjügi tsü khimetha pi kemehu tsüdi kiza nu kekiyi mu meya thsü lethu, anyi Anyiza ketsijüh khi kebenwa tsüna ajüh ketheü khi kebenwa miwi ma men ben.

EFESANYI 3:19

Nthu ma nanketizen tsü chü keyawa salo— Khiela tsü maben chüya nben lela, isanu Anyiza yencükiwa tsü pi nthu pong pvüyalo.

EFESANYI 5:18

Nthu yasa keten kisengtssü tsü jjü pi adina nbenla, isala Aghamu pi nthu pong pvü benyalo.

EFESANYI 6:18

Kekhie wina ha tsüdila sa, nu Anyiza wi kekiqa khielo. Matsü tsüdila Aghamu lenketsütson wina kekhie salo. Ha jjügi ghena keshüthangla meghe-metsa nu nteshila Anyiza nyithu ghena kekhie salo.

1 PITOR 1:12

Atusenjüh-kechüthu kekuli tsüna mathu ghena kekiyi nyela nthu ghena le kesa Anyiza na pi mathu ccüca, mathu na tsüthu cüki kekhi ti nthu na khili nyilothu na tang wi kesun kechi Kemetha Ghamu kekhang wina Jühtheü Kemehaiwa kekhi wi zayadha. Tangnyilothu lela pala hathu ha chüshiya mvuthi saden.

2 PITOR 1:21

Kepaghenanye atusenjüh-kekhi tsü kesüla anyi kemeshen wina ngho, isala Kemetha Ghamu na anyithu miwi ben nu mathu Anyiza wina kegho ketsijüh tsü khi.

1 SAMUEL 1:14

nu ma nzawa wi khi, “No adikina kekuli tsü nsala yilo! Njjü layilo nu metsa shagha yilo!”

1 SAMUEL 10:10

Saul nu ma maghawa manyi na wa Gibea cukeya wi atusenjüh-kechüthu akhang kesü na gho ma metu. Anyiza ghamu kekhang na zuli ma miwi gho nu ma mathu jawi nashü nu atusenjüh-khi.