KEKULI 2:39 - Kemethajüh (N) (Re-editing) Bible (BSI)

³⁹ Kepaghenanye Anyiza jühkhukechiwa tsüna nthu, nthu tsangathu, nu kelensie wi kebenthu lela Apvüwa ithu Nyiza na ci pi ma wi chiya ketenthu tsüdi ghena.”

KEKULI 2:39 Iomraidhean Croise

ISAYA 44:3

‘Hi atssü pi ayyi shangshang kesapen wi chi nu ayyi keqha wi aghakutssü na lle shhugho thsüden. Hi ighamu meyisha pi ntsangathu miwi chicüden, nu hi kemihhi pi nshicüthu miwi chiden.

ISAYA 54:13

‘Hi ketanla n-nyithu sansiyaden, nu mehai kayi kesa nu kecca pi mathu cüden.

ISAYA 57:19

Hi kecca pi akete nu kelensie wi kebenthu tsüdila cüden! Hi inyithu sapi mehai cüden.

ISAYA 59:19

Nishuwa na wala niduwa kecu wi anyi tsüdila ma kekhang nu ma kediwa tsü messiden. Ma aghaku tssüketi ti nu ameghü kekhang ti ghoben.

ISAYA 59:20

Apvüwa na ma nyithu wi khiben, “Hi nthu sheipiya nu nthu kesami wina khapegheya kesathu tsüdi hangshayale kesalina hi Jerusalem wi ghoden.

ISAYA 65:23

Mathu kekuli kesa wi mehaicenya, nu mathu tsangathu na ketizen kesa metuya nben. Hi ghaketen tsü tsüdi wi sawegü pi mathu nu mathu shicübvüghathu cüben.

EZEKIEL 37:25

Mathu na hi ayyi pi imaghawa Jakob kecü, mathu bamyithu na hang kegho pen wi tsü hangden. Mathu na ciwi anuphan hangden, nu mathu tsanga nu tsüthu shicübvüghathu la tsüti saaden. Kadimi kesü maghawa David ti kesa anuphanla mathu miwi kekhang sen benden.

JOEL 2:28

“Haseng wi hi ighamu meyisha pi anyi tsüdi miwi chi cüden: nthu tsathu nu nthu ngathu na hi ketsijüh pi thang chiben; nthu anyi keqhaithu na amanthu chü, nu nthu pvünyithu na kemanthithu muben.

JOEL 2:32

Isala Apvüwa wi kekiqa khie ketenthu tsüdila hangsha yaben. Apvüwa na khi ketheng ti, “Jerusalem wi pahan na bvü yaben; hi kessiya kesathu na hang yaben.’ ”

KEKULI 10:45

Joppa wina Pitor nie kegho Judah nyi kenondithu na Anyiza na Kemetha Ghamu meyisha pi Judah nyi nkenyethu miwi la chi kecü ghena mathu amansa.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 15:14

Anyiza na Judah nyi nkenyethu nantizen nu mathu jawi anyi mizza kesü pi ma nyithu sayale cikeya cüki khili Simon na khimetha chidha.

KEKULI 15:3

Isanu kemehu na mathu kesun pi wa thsüa; nu mathu na Fonisia nu Samaria pvüdhi kewa wi Judah nyi nkenyethu na khati nu Anyiza wi ghoben khe tsü cüki pi nyu kiza; ajüh ha ghena kenondithu na anonghe ntsa sa.

KEKULI 15:8

Anyiza, anyi leben chü kebenwa na Judah nyi nkenyethu la nantizen tenle kesa Kemetha Ghamu pi ithu kecü tsüti pi mathu la cüa.

ROMNYI 11:29

Kepaghenanye Anyiza na ma thowa kessiya nu sawegü pi cüten khe tsü cüki ghena ma kemeshen kemili nten.

ROMNYI 8:30

Tsalina Anyiza na ci keyathu pi ma kepa sa thsüdha; nu ma ci keyathu pi ma tuwi meshonya thsüa, nu pi ma nyankethang wi gweghe ya thsüdha.

ROMNYI 9:24

Kepaghenanye ithu na ma Judah nyithu nu Judah nyi nkenyethu jawi na cikeya nyithu.

ROMNYI 9:4

Mathu na Anyiza nyi; ma mathu pi ma tsangathu saya nu ma nyankethang pi mathu ccüca; ma mathu ssi nu cenkethenjüh saya nu Ayenwa pi mathu cüa; mathu na atsentsa kekinyi ben; mathu na Anyiza khishikechithu muya;

1 KORINTHNYI 7:14

Kepaghenanye awuba nkenondiwa tsüna ma wubvü manyi gweghe keben wina Anyiza na ma keyaqo nyi sayaben, nu awubvü nkenondiwa tsü la ma wuba Khristanyi manyi gweghe keben wina Anyiza na ma keyaqo nyi sayaben. Keujüla tsüti nsa lethu, manyi tsangathu na Anyiza nkechü tsangathu saben; isala tsüti saya lethu, Anyiza na mathu keyaqo nyi sayaben.

EFESANYI 1:18

Hi nthu leben shachi pi ma kewegüwa tsü muyalo khieben, isanu ma kaghang mangwa wina nthu ciya, nu ma ma nyithu wi khishi kethengthu tsüna amankesa kemihhi khatila ben khe chüya thsüle kesalina,

EFESANYI 2:12

Tsü tsüwi nthu na Khrista wiwa nye. Nthu na asang sa nu Anyiza na kessikeya nyi nsa. Anyiza na pi ma nyithu cüle kesa ghena khishi ketheng cenkethenjüh wi tsü nthu ji nmi, nu nthu na ayyi ha wi kaghang nmi nu Anyiza nchüla hang.

EFESANYI 4:4

Anyiza na nthu ci pi kaghang kesü wi chikeya tsüti ciwi agwo kesü nu Aghamu kesü na ben.

AYENZHÜNENG 29:15

Ma ithu khili hewi ma tuwi ngan kebenthu tsüdi nu ithu shicübvügha npi kepvüghathu la ssinu ha saben.

2 THESSALONIKANYI 1:11

Tsalina ikhang na keshüthangla nthu ghena khie benden. Ma nthu ci pi hanglo kesa kahang qo saya thsüle kesalina ikhang na Anyiza wi khie. Ma kekhang pi pong cü nu nthu kemehaiwa kesa mvu nu nthu kenondi kekuli tsüdi sacen keyawa salo.

2 TIMOTHI 1:9

Ithu kekuli ghena nye, isala ma kemeshen nu nanketizen wina ithu hangshaya nu ithu ci pi ma nyithu sayadha. Ma nanketizen hawa ha ayyi npi sa kechi wina Khrista Jisu ghena pi ithu cüdha,

IBRINYI 3:1

Hi Khristanyi cünyuthu, Anyiza na ciya kesathu! Anyiza na kesunchi pi ithu kenondi wi khishi keten Keqhaikedi Kemisintsa kesa thsüwa Jisu cüki tsü meshen chilo.

IBRINYI 9:15

Ha jjügi ghena Khrista na cenkethenjüh ketheüwa tsü sa kecüwa, isanu Anyiza na ciya kesathu yala Anyiza jühkhukechi anuphan kesawegüthu tsü muya thsüle kesalina. Hawa ha saya mehai kepaghenanye ma keshü ghena anyithu na cenkethenjüh atuwa kekhu wi ben nu kesazzithu wi tsüna mathu lisha chicüdha.

1 PITOR 5:10

Isala nthu na matsü keu ketizen kesa seng wi Anyiza tsüdi nanketizenwa, ma nthu ci pi Khrista gweghe anuphan nyankethang wi chi keyawa na ma ketanla nthu sa pi cencu nu kekhang, kezü, nu keyazi pi nthu cüben.

2 PITOR 1:10

Tsalina icünyuthu, Anyiza na nthu ci keya nu kessi keya wi tsü ben mvuthi sayale kesa apiketsü salo; isaya lethu nthu khiela kesami wi khuli wa meyacha.

2 PITOR 1:3

Ithu ci pi ma ji anyankethang nu kemehai wi saghuya kesawa cüki kechü ghena Anyiza kekhang na ithu ya atsentsa kahang wi hangya thsüle kesa nsenthu keyishü tsüdi pi ithu cüdha.

CCÜCAKECHI 17:14

Mathu na Khaghanenizzawa ssinu kaghashen ben, isala Khaghanenizzawa na ma ci keyathu, kessi keyathu, nu jühtsentsa sa ma nie ketenthu ssinu mathu chaya ben, kepaghenanye ma apvüwathu miwi Apvüwa nu kadimithu miwi Kadimiwa.”

CCÜCAKECHI 19:9

Tsaseng wi tangnyilowa na hi kiza, “Ha zhüyalo: Khaghanenizzawa keshanyi wi qhechi kethengthu na kemihhi ntsa.” Tangnyilowa na khineng, “Hathu hana Anyiza jühtsentsa.”