KEKULI 2:36 - Kemethajüh (N) (Re-editing) Bible (BSI)

³⁶ “Tsalina Israel nyithu tsüdila nthu na ghan pi kross miwi jen kesawa Jisu ha Anyiza na ma sa pi Apvüwa nu Messiya sa thsüle kesa chüyalo!”

KEKULI 2:36 Iomraidhean Croise

JEREMIYA 2:4

Apvüwa jüh kinalo nthu Jakob shicü, nthu Israel mizzathu.

JEREMIYA 31:31

Apvüwa na khiben, “Matsü na ghoden, ciwi hi Israel nu Judah ssinu cenkethenjüh ketheü kesü saaden.

JEREMIYA 33:14

Apvüwa na khi, “Matsü kesü na ghoden, ciwi hi Israel nu Judah nyithu wi khishi ketheng tsü sacen den.

EZEKIEL 34:30

Anyi tsüdila hi Israel khweya nu mathu na inyi sadha le kesa chüyaden. Hi Kemisintsa Apvüwa na khidha.

EZEKIEL 36:22

“Tsalina khili, Kemisintsa Apvüwa, hi Israel nyithu ghena ketsijüh khi keben hapi mathu cülo. Hi kuli wale kebenwa tsüna nthu Israel nyithu ghena nye, isala inyan kemethawa, nthu na kewa pen diyyi tsüdi wila kekinyen sakeawa tsü ghena le!

EZEKIEL 36:32

Israel, hi tsüti kulile keben ha nghena nyele kesa no ya chü thsü mvu benle. Hi no ya no kuli keben tsü ghena anyan kekinyen nu kejüghekeya tsü chüya thsüle ben. Hi Kemisintsa Apvüwa, hi khidha.”

EZEKIEL 45:6

Kemetha pen shiwa tsüna apen kesie kilometer taghakeni nu gishü pahan nu kemeza kilometer keni nu gishü pahan tsüti khuthi pi anyunuti kesü sa nu Israel nyi kesü le kesü lela hang thsüben.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

Luk Zhükechi Jühtheü Kemehaiwa 2:11

Nansü nthu Hangshawa, Apvüwa Khrista tsüna David Nyunutiwa wi pvüghayadha!

KEKULI 2:35

hi nghinyithu pi nccü kekhu wi chi nu nccü kennipen npi kesa thsü chu.’

KEKULI 5:28

Ma khi, “Ikhang na nthu anyi hawa nyan pi nyu nsansi lalo kesa kiza ntsa sadha, isala nthu na kesansijüh tsü pi Jerusalem pongdha, nu nthu na anyi hawa keshü tsü pi ikhang miwi chi mvu ben.”

2 KORINTHNYI 5:10

Kepaghenanye ithu tsüdila Khrista na ajühkaghaten keten tuwi tsü whaden. Isanu meshu kesüsü ma gwo sajjü wi kekuli kenie wina ma kutimen kemehai-keteshi tsü muyaden.