KEKULI 2:3 - Kemethajüh (N) (Re-editing) Bible (BSI)

³ Nu anni mili ti kesa gho gishü zighe sen nu mathu kesüsü miwi ben wa kesa mathu na muya.

KEKULI 2:3 Iomraidhean Croise

ADECHHÜ 11:6

nu ma khi, “Khili anyi hathu ha tsüdila kesü nu mathu ajühjja la kesütan khiben; hawa ha mathu mangwa samvu ben khe tsü ketegü bendha. Mathu wan nu mangwa samvu ben khe tsü saya mehaidha.

ZAKECI 55:9

Ighinyithu jüh kekhi ya kematen thsülo, O Apvüwa! Hi anyunuti wi yasayala, nu kekivvüthu tsü mu,

ISAYA 6:5

Hi khi, “Hi tsü ajüh nmidha! Hi dedi tendha, kepaghenanye ipang wi keshhugho jüh mabenla kesami, nu hi kesami jüh kekhithu jawi hangden. Isala, hi inyon pi Kekhang ntsawa Apvüwa mudha le!”

JEREMIYA 23:29

Hi ketsijüh na anni ti, kejenji kesü pi alon whengchazighe keten tsüti kesale.

MATHI 3:11

Nthu na leben khapeghe yadhale kesa pi nyu ccücale kesalina hi atssü pi nthu baptaiz saben, isala anyi kesü iseng wi gho ketenwa tsüna Kemetha Ghamu nu anni pi nthu baptaiz saben. Ma imiwi khangki nu hi ma ccüguwen lela nsen qole!

MATHI 3:15

Isala Jisu na ma luneng, “Khili ghena tsüti sa thsülo. Kepaghenanye ishinyi na hatinu Anyiza kenenwa tsüdi sayaben.” Tsalina Johan la anlo sa.

Luk Zhükechi Jühtheü Kemehaiwa 24:32

Manyi khokho wi khi, “Ma alenca wi ishinyi ccüneng nu Ntsawajüh khimetha pi ishinyi kekiza wi anni na ishinyi leben kemecang ti nsa kwe?”

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 2:11

Judah nyi nu Judah nyi nkenyethu la, Kreta nu Arabia wina ghoben; isathu, khatinu mathu na ikhang jüh wina Anyiza amankesa kekuli cüki kekhi zaya ben nu?”

KEKULI 2:2

Zuli atssan wi ameghü kekhang kesho hhai ti gho mathu keben jjen tsü pongya.

KEKULI 2:4

Mathu tsüdila Kemetha Ghamu pi pongya nu Aghamu kekhang pi mathu kecü ti mathu na ajüh kepathu khi shagha shan.

1 KORINTHNYI 12:10

Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

JAMES 3:6

Nu amili la anni makesü. Ithu gwo jawi amili ha nketsatan yyi kesü, tsüna ithu gwo tsüdi yasaden. Tsüna annighajü wi anni tsü pi ithu kahang tsüdila mecang den.

CCÜCAKECHI 11:3

Hi kekhang pi hi chüza keni cü nu kesun chiden, nu manyi adhulathsü mphi nu ghanan 1260 Anyiza ketsijüh khiben.”

CCÜCAKECHI 14:6

Tsaseng wi hi tangnyilo kepa wi kesü na atssan wi pighe nu anuphan Jühtheü Kemehaiwa ketsijüh tsü pi ayyi wi anyithu, ashicü, amizza, ajühjja, nu mizzatenti tsüdi wi khi keben mu.