KEKULI 2:24 - Kemethajüh (N) (Re-editing) Bible (BSI)

²⁴ Isala Anyiza na ma sa pi keshü wina hangneng-shagha thsüa nu keshü kekhang wi ma lisha chi cüa, kepaghenanye keshü na ma ghantenya nben.

KEKULI 2:24 Iomraidhean Croise

ZAKECI 116:16

Hi nmaghawa le, Apvüwa; ijja ti hi no kekuli sa den. No keshü wina hi hangsha cü.

ISAYA 10:7

Isala Assiriya Kadimiwa na ma ketanla ma leben wi nkemehai cho kiden ben. Ma mizzatenti kejon dedi thsüle meshen den.

ISAYA 25:8

Kemisintsa Apvüwa Kekhangwa na anuphan ghena keshüwa tsü sen bvüaden! Ma anyi tsüdi nyontssü nyen nu ayyi tsüdi wi ma anyithu ketizensa kesa kejüghekeyawa tsü khuaden. Apvüwa na ma ketanla khichidha!

ISAYA 26:19

Ithu nyi shü kesathu tsüna hang neng yaden! Mathu gwo na kahang wi gho neng yaben. Ashüjjen wi jen kebenthu tsüdila shagha nu anonghethi sa akhwisaden. Akejan cwencwe kesa tsüna ayyi ten teghü cü keten tsüti, Apvüwa na kheni wi shü kesathu ya hang nengya thsüaden .

ISAYA 53:10

Apvüwa na khiben, “Ma ketizen sa thsüle kesa tsüna hi kenen; ma keshü tsüna kesami teshi kecü sen kegho ghena ahhansha kesü sa. Tsalina ma ma shicübvüghathu muyaden; ma kesie hang yaden, nu ma miwi na hi kemeshenwa tsü sacen yaben.

HOSEYA 13:14

Hi keshü yyi wina anyi hathu ha hangshaya nyelela keshü kekhang wina mathu kekashaya nten. Keshü, no adhagha sen gholo! Keshü yyiwa, no keyasa sen gholo! Hi anyi hathu tizen chi ntendha.

MATHI 27:63

nu khi, “Kediwa, milikemesawa katsü na ma hang keben wi hati kekhi tsü ikhang na meshen- yadha, ‘Hi ghanan kecheng seng wi hangneng-shagha shaben.’

JOHAN 10:18

Thola hi wina tsü khusen bvüya nben, isala hi kemeshen wina tsü khuchiden. Hi tsü khuchi nu khunengya kemehai kekhang ben. Hawa ha iBa na hi salo pi hi kekiza.”

JOHAN 10:35

Ntsawajüh khi keben ha anuphanla atsentsa le kesa ithu na chüben; Anyiza na anyi tsüthu pi acenpvüthu le ci, nu mathu ghena ma ketsijüh tsü khuchi.

JOHAN 12:39

Tsalina mathu na nondi meyala, kepaghenanye Isa na hati la khi:

JOHAN 20:9

(Kepaghenanye manyi khili kecu Ntsawajüh wi ma keshü wina hangneng-shagha ben kesa zhüketheng tsü npi chüshiya.)

KEKULI 1:16

Ma kekhi na, “Icünyuthu, kheni na Kemetha Ghamu na David pang wina Judah na nyu ssi wa Jisu ghanya thsüa ketenwa cüki khi ketheng Ntsawajüh tsü nsacenthu yishü.

KEKULI 13:30

Isala Anyiza na keshü wi ma sa pi hangya thsüa,

KEKULI 13:37

Isala Anyiza na ma sa pi hangneng kecüwa ha tsü tsüti nsa.

KEKULI 17:31

Kepaghenanye ma anyi kesü kessiya kesawa wina ketsatan sen nu ayyi maben jühkaghaten keten tsathang kesü ssan pi thengdha le!”

KEKULI 2:32

Anyiza na Jisu ha sa pi keshü wina shagha nengya thsüa nu ikhang na ha chüzathu.

KEKULI 3:15

Nthu na ma wina kahang keghowa tsü pathia; isala Anyiza na keshü wina ma sa pi hangnengya thsüa— nu ikhang na ha ghena chüzathu.

KEKULI 3:26

Anyiza na nthu tsüdila nkemehai len wina kheneng gho nu kesawegü pvüyalo kesalina ma ma maghawa kessiya nu atuwa kesun pi nthu wi chicüle.”

KEKULI 4:10

nthu nu Israel nyi tsüdila chüyalo; anyi hawa ha Nazareth nyiwa Jisu Khrista, nthu na ma pi kross miwi jen, nu Anyiza na keshü wina ma sa pi hangneng kecüwa nyan kekhang wina ma sa pi mehaitha yadha, nu anyi ha nthu tuwi ngan ben.

KEKULI 5:30

Ithu bamyithu Nyiza na nthu na ghan pi kross miwi jen kesawa Jisu tsü keshü wina sa pi hang cüdha.

ROMNYI 10:9

Keujüla no npang pi Jisu tsüna Apvüwa le khishi nu nleben wi Anyiza na keshü wi ma sa pi hang cüle kesa nondiya lethu, no hangsha yaben.

ROMNYI 14:9

Kepaghenanye Khrista na keshü nu kahang wi lela Apvüwa sale kesalina ma shü nu hangneng-shagha.

ROMNYI 4:24

Isala tsüthu tsüna Anyiza na keshü wi ithu Pvüwa Jisu sa pi hang kecüwa kenondithu pi ketsatan nyi saya ketenthu tsüdi ghena la zhütheng.

ROMNYI 6:4

Abawa nyankethang kekhang na keshü wina Khrista sa pi hang kecü tsüti ithu la kahang ketheü wi hangyale kesalina baptaiz kesa wi ma gweghe shü nu ma gweghe pi vhüdha.

ROMNYI 8:11

Keujüla keshü wina Jisu sa pi hang kecü Anyiza Ghamu tsüna nthu wi hangben lethu, keshü wina Khrista sa pi hang kecü ma Ghamu nthu wi hang kebenwa tsüna kahang pi nthu shü keten gwowa tsü la cüben.

ROMNYI 8:34

Isathu, thowa na mathu meshensaya mehai nu? Tsüna Jisu Khrista shü kesa ketan nyela hangneng wa Anyiza kwen ajewa ben nu Anyiza wi ithu ghena khie kebenwa la nye le!

1 KORINTHNYI 15:12

Khili ithu ketsijüh na keshü wina Khrista sa pi hang shagha thsüdha kesa pi sansiben, isathu khati nu nthu pahan na keshü wina hang shagha nbenle khiya mehai nu?

1 KORINTHNYI 15:15

Tsü miwi la ikhang na Anyiza na keshü wina Khrista sa pi hang cüle kekhi ghena nyu na ikhang Anyiza cüki milikemesa khibenle khia kesa; isala keujüla keshüthu na hang shagha nbenle kesa tsüna ntsakhiwa lethu, Anyiza na Khrista sa pi hangneng ncü.

1 KORINTHNYI 15:20

Isala atsentsawa tsüna keshü wi jen kebenthu bi atuwa sala keshü wina Khrista sa pi hangya thsüdha.

1 KORINTHNYI 15:4

Ntsawajüh wi zhü ketheng ti ma pi vhüa nu kecheng ghanan seng wi ma sa pi hang shagha thsüa;

1 KORINTHNYI 6:14

Anyiza na keshü wi Apvüwa sa pi hang cü, nu ma kekhang wina ithu la sa pi hang cüben.

2 KORINTHNYI 4:14

Anyiza, Apvüwa Jisu sa pi hang kecüwa na ikhang la sa pi Jisu gweghe hangya thsü nu ikhang pi nthu gweghe ssi nu ma tuwi waben kesa ikhang na chüben.

GALATIANYI 1:1

Paul, anyi wina kesun kechi nyelela anyi kekhi wina sa keya ghena la nye, isala Jisu Khrista nu keshü wina ma sa pi hang kecü Abawa Anyiza wina apostel sa keyawa wina kesun kechi.

EFESANYI 1:20

ma keshü wina Khrista sa pi hangya thsüa nu pi tang wi ma kwen ajewa benya thsü kesa kekhang tsü makesü.

KOLOSSINYI 2:12

Kepaghenanye nthu na baptaiz kesa wi pi Khrista gweghe vhüdha, nu nthu na baptaiz kesa wi nthu kenondi ghena Anyiza kekhang na keshü wi ma sa pi hang kecüwa Khrista gweghe la shaghadha.

1 THESSALONIKANYI 1:10

nu ma Tsawa Jisu, ma keshü wi sa pi hangneng kecüwa nu Anyiza leben kekha gho keten wi ithu khushi kecüwa tsü tang wi na gho keten tsü hieben.

IBRINYI 13:20

Anyiza na keshü wina ithu Pvüwa Jisu sa pi hang neng cü, ma ahhansha sa keshü wi anuphan Cenkethenjüh tsü sa keya ghena ma Anenikehie Ketiwa tsü saben. Kecca Nyiza yala nthu ma kenenwa tsü saya thsüle kesalina nthu nsenthu keyishü pala kemehai tsüdi pi nthu kecüwa sa, nu Jisu Khrista wina ithu wi kuli keben tsü ma kenenwa sayalo. Nu anuphan nu anuphanla Jisu Khrista nyanthang keyawa salo! Amen.

IBRINYI 2:14

Ma atsangathu, kekhi tsüna anyi asajjü kepvüthu ghena Jisu la mathu ti sa nu anyi yen sen nu hang. Ma hati sa nu keshü wina Atsaghang keshü kekhang kebenwa tsü yasa cü,

1 PITOR 1:21

Ma wina nthu na Anyiza keshü wina ma sa pi hang cü nu anyankethang pi ma kecüwa tsü nondiben; tsalina nthu kenondi nu kaghang tsüdi Anyiza miwi ben.

CCÜCAKECHI 1:18

Hi hangben ketenwa tsü le! Hi shü, isala ghangchilo, hi anuphan nu anuphanla hangben. Hi keshü nu keshü yyi miwi kekhangben.