KEKULI 2:23 - Kemethajüh (N) (Re-editing) Bible (BSI)

²³ Anyiza na ma kenen nu kemeshen wina Jisu pi nthu kwen wi chicü, nu nthu na ma pi kesami nyithu cü nu pi kross miwi jen thsüa.

KEKULI 2:23 Iomraidhean Croise

ADECHHÜ 50:20

Nthu na imiwi nkemehai sachi, isala nansü hati kesa wi ha anyi kahangli kejon hangsha yathsüle kesalina Anyiza na tsü pi kemehaiwa sa cüdha.

ZAKECI 76:10

Anyithu lebenketsuwa tsüna no seng kayiya thsüden; aghi wi hangkeyathu na nkhowa tsü kinyiden.

ISAYA 37:26

“Hi kheni wina hathu ha kiden ghole kesa no nza kwe? Nu hi khili tsü sa ghoben. No ya khwetivü ketheng nyunutithu yasa nu dedi thsüale kesa ghena hi kekhang pi no cüle.

DANIEL 4:35

Ma ayyi wi anyithu ha ghang pi mangla nkenye ti sa, tang wi nyilothu nu ayyi wi anyithu na ma kekhang kekhu wi ben. Thola ma kenenwa tsü matang nyelela ma mangwa saten khe keüya nben.

MATHI 20:19

nu ma pi Anyiza nkechüthu kwen wi chiaben. Mathu na ma nankeqhe, ma kihhe, nu ma pi kross miwi jen shaben; isala ma ghanan kecheng seng wi hangneng shaghaben.”

MATHI 26:24

Ntsawajüh kekhi ti Anyi Tsawa na shüaben, isala anyi Anyi Tsawa matsa kesawa ghena tsü khatila qhethiketen saten nu! Anyi tsüwa ghena tsü ma pvügha nkeghowa ma ghena mehaidha le!”

MATHI 27:35

Mathu ma pi kross miwi jen nu tsaseng wi ma thsümeni pi akezen sa nu pi mathu jawi gishüya.

MARK 15:24

Tsaseng wi mathu na ma pi kross miwi jen nu ma thsü pi thothu ji saten khe mathu jawi akezen sa nu pi gishüya.

Luk Zhükechi Jühtheü Kemehaiwa 22:22

Anyiza na khi ketheng ti Anyi Tsawa na shüaben, isala anyi ma matsa ketenwa ghena tsü khatila qhethiketen saten nu!”

Luk Zhükechi Jühtheü Kemehaiwa 22:37

Hi nthu kizaden, Ntsawajüh wi hati ighena khi ketheng tsü sacen nsathu yishü, ‘Ma pi kesami nyithu jawi sichi ghudha,’ kepaghenanye ighena zhü kethengwa tsü sacen nsathu yishü.”

Luk Zhükechi Jühtheü Kemehaiwa 23:33

Mathu na gho “Aligü pen” kesa cukeya wi mathu na Jisu pi kross miwi jen, kesami nyi keni kesü pi ma na ajewa nu kepawa pi tavüwa jen.

Luk Zhükechi Jühtheü Kemehaiwa 24:20

Ithu keqhaikedi ntsathu nu kekhang kesenthu na ma pi shü thsülo kesa ghena ghan pi nyu kwen wi chia, nu ma pi kross miwi jen.

JOHAN 19:18

Ciwi mathu na meshu keni pi ma gweghe jen, manyi pi ghapeli nu Jisu pi anonwa sala jen.

JOHAN 19:24

Süpahithu na khokho wi khi, “Ikhang ha nzanqhe lana; isala pi akezen sa nu thowa ji saten khe ghang nan na!” Hawa ha Ntsawajüh wi hati zhü pi ketheng tsü cenyale kesalina: “Mathu na ithsümeni pi mathu jawi gishüya, nu igwomejuwa pi akezen saben.” Tsalina süpahithu na tsüti sa.

KEKULI 13:27

Jerusalem wi kahangthu nu accülikesathu na ma Hangshawa kesa nchü, nyelela mathu na Sabbath tsathang kaghapenla si keten atusenjüh-kechüthu jüh tsü chüshi meyala. Isala mathu na Jisu meshensa nu atusenjüh-kechü jühthu tsü sacenya thsüa.

KEKULI 15:18

Kheni na ha pi chü thsü kesawa Apvüwa na tsüti khiben.’

KEKULI 2:36

“Tsalina Israel nyithu tsüdila nthu na ghan pi kross miwi jen kesawa Jisu ha Anyiza na ma sa pi Apvüwa nu Messiya sa thsüle kesa chüyalo!”

KEKULI 3:18

Anyiza na kheni wi atusenjüh- kechüthu wina Khrista na ketizen saben kesa khi ketheng tsü hati nu cenya thsüdha.

KEKULI 4:28

Mathu kemetuli nu no kekhang nu kemeshen wina sale südhe ketheng tsü tsüdila sa.

KEKULI 5:28

Ma khi, “Ikhang na nthu anyi hawa nyan pi nyu nsansi lalo kesa kiza ntsa sadha, isala nthu na kesansijüh tsü pi Jerusalem pongdha, nu nthu na anyi hawa keshü tsü pi ikhang miwi chi mvu ben.”

KEKULI 5:30

Ithu bamyithu Nyiza na nthu na ghan pi kross miwi jen kesawa Jisu tsü keshü wina sa pi hang cüdha.

KEKULI 7:52

Nthu bamyithu na atusenjüh- kechüthu kesüla nkemeten-kemesha ben kwe? Mathu na kheni na Anyiza nyilothu na ketsatan maghawa gho keten cüki kekhithu tsü pathia. Nu nthu na khili ma kematsa nu kepathithu sadha.

ROMNYI 2:12

Judah nyi nkenyethu na Mosa Yenwa tsü nmi; mathu sami nu Ayenwa nkemi wina bhatagha ben. Judah nyithu na Ayenwa tsü ben; mathu sami nu Ayenwa wina mathu ghangnan ben.

ROMNYI 4:17

Ntsawajüh na khiben, “Hi ma pi mizzatenti kejon bawa sa thsüdha.” Tsalina ajühkhukechi tsüna Abraham na nondi ketenwa Anyiza, keshü sa pi hang kecüwa nu ma jühkhukechi wina kheni hang nketen lela nansü sa pi hang cü kesawa tuwi mehai.

1 THESSALONIKANYI 2:15

Mathu na Apvüwa Jisu nu atusenjüh-kechüthu pathi nu ikhang meten-mesha. Mathu na khatila Anyiza nkenen sa nu! Mathu na khatila anyi tsüdi nanmeghü ben nu!

1 PITOR 1:2

Jisu Khrista jühkina nu ma jjü pi satemethaya thsüle kesalina Anyiza Abawa kemeshen wina nthu kessiya nu ma Ghamu na nthu sa pi kemetha nyi saya thsüdha. Nanketizen nu kecca ya nthu ji sa ntsa sa keyawa salo.

1 PITOR 1:20

Ayyi npi sahangkechi wina Anyiza na ma kessiyadha nu nthu ghena asakhen tsathang wi ma sa pi nyu ccücachi.

1 PITOR 2:8

Mathu ajühwa tsü nkenondi ghena khuli wa; mathu tsüti kesa tsü Anyiza kemeshen.

JUDE 1:4

Kepaghenanye Anyiza nkechü nyi pahan na kuthi sen nu ithu ja wi dughodha. Mathu na mathu hang nketsatan cüki tsü meyenbhon le kesalina ithu Nyiza nanketizen ketsijüh tsü khisa, nu ithu Kesansiwa nu Apvüwa Jisu Khrista tsü meya mvu saden. Ntsawajüh na kheni wina mathu muya kesa kemeshensa cüki ha khitheng.

CCÜCAKECHI 13:8

Ayyi npi sa kechi wina Khaghanenizza nyu ma pathi kesawa ji kahang lesüshen wi ma nyan zhü kethengthu ketan khe ayyi wi anyithu tsüdila tsü kinyiben.