KEKULI 2:22 - Kemethajüh (N) (Re-editing) Bible (BSI)

²² “Hi Israel nyithu, ijüh kinachilo! Anyiza wina kegho Nazareth nyiwa Jisu tsüna Anyiza kekhang sen nu nthu jawi amankesa nu azensuthu kekuli tsü nthu na chüben.

KEKULI 2:22 Iomraidhean Croise

ISAYA 41:14

Apvüwa na khi, “Israel, nthu na zza nu nkhang lela, nmessila, hi nthu kiqaden. Hi Israel Nyiza kemethawa, nthu hangsha cü ketenwa tsü.

MATHI 12:28

Nyele, Beelzebul na nye, isala Anyiza Ghamu kekhang pi hi cü nu hi atsaghangthu jügüshiyaben, tsüna Anyiza Kadiyyi na nthu miwi ghodha kesa chütiyaben.

MATHI 2:23

nu anyuti kesü Nazareth witsü hang wa. Tsalina atusenjüh-kechüthu na khi ketheng “Ma pi Nazareth nyile ciden” kesa tsü ntsakhiwa sacenya.

MATHI 9:8

Anyithu na tsü kemu wi mathu messi nu Anyiza seng, kepaghenanye ma kekhang hati pi anyi cü theng.

Luk Zhükechi Jühtheü Kemehaiwa 11:20

Isala keujüla hi Anyiza kekhang sen nu atsaghangthu jügüshiya ben lethu, tsüna Anyiza Kadiyyi na nthu miwi ghodha.

Luk Zhükechi Jühtheü Kemehaiwa 18:37

Mathu na luneng, “Nazareth nyiwa Jisu na waden le!”

Luk Zhükechi Jühtheü Kemehaiwa 24:18

Manyi kesü nyan na Kleopa kesawa tsüna khineng, “Jerusalem wina kegho jawi hajü mangwa sa khe tsü cüki nkechüwa tsü no ketan man ha!”

JOHAN 1:45

Filip na Nathanael muya nu ma wi kiza, “Ikhang na Mosa yenwa wi nu atusenjüh-kechüthu la ma cüki zhü ketheng Josef tsawa Nazareth nyi Jisu tsü muyadha le!”

JOHAN 10:37

Isalethu, keujüla hi iBawa kekuli tsü sa nben lethu, nthu na hi n-nondi lalo.

JOHAN 11:47

Tsalina keqhaikedi ntsathu nu Farisithu na keccünengli nu khi, “Ikhang khati sa nu? Anyi hawa ha azensuthu ha tsüdi sabendha le!

JOHAN 12:17

Jisu na ashüjjen wi Lazar cichi nu keshü wi ma sa pi hangneng kecü wi anyitenti ma gweghe kebenthu na ma sheipichi.

JOHAN 15:24

Keujüla hi mathu jawi thola saya nketen kekulithu nsachi lethu, mathu na kesami ben nkesa; isala mathu khili hi kekuli tsü muya nu iBa ishinyi qho nanmeghü wadha.

JOHAN 19:19

Pilat na pala hati zhü pi kross miwi chi, “Nazareth nyiwa Jisu, Judah nyithu Kadimiwa.”

JOHAN 3:2

Ma aghaja wi Jisu wi gho nu ma kiza, “Kesansiwa, no Anyiza wina kegho kesansi le kesa ikhang na chüben. Kepaghenanye anyi thola Anyiza na ma ssi nketen tsü no kuliketen azensuthu ha saya nben.”

JOHAN 4:48

Jisu na ma wi khi, “Nthu thola azensu nu amankesathu npi kemu chu nondi nten.”

JOHAN 5:36

Isala hi asheikepi kesü ben, tsüna Johan sheikepi miwi diki; kepaghenanye Abawa na kekuli salo pi hi kecüthu hi tsü kekuli wina Abawa na hi kesun chile kesa isheipiben.

JOHAN 6:14

Anyithu na Jisu amankesa kulikechithu tsü muya nu khi, “Ntsakhiwa, hawa ha atusenjüh-kechüwa ayyi wi ghoten le kesawa tsü le!”

JOHAN 6:27

Dedia keten tsse ha bha pi ketizen nsa lalo, isala anuphan kahang ben keten tssewa ghena kuli yalo. Atsse hawa ha Anyi Tsawa na pi nthu cüden, kepaghenanye Abawa Anyiza na ma kessikeya pi ma miwi jenkidha.”

JOHAN 7:31

Isala anyitenti jawi kejon na ma nondiya nu khi, “Messiya tsüna gho lethu, ma anyi hawa miwi azensuthu ji kayi kulichi ben kwe?”

JOHAN 9:33

Keujüla anyi hawa ha Anyiza wina kegho nye lethu ma hati saya nkesa le!”

KEKULI 13:16

Paul na shagha ma kwen zanki nu ajüh khi: “Hi Israel nyithu nu Judah nyi nkenyethu he wi ben nu Anyiza kinyi kebenthu, ijüh kina chilo!

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

KEKULI 2:19

Hi atssan wi azensuthu nu ayyi miwi amankesathu kuli chiden. Ciwi ajjü, anni, nu annikekhu kejon saben;

KEKULI 2:43

Apostelthu na azensuthu nu amankesathu kejon kuli kechi ghena tsüdila messi shan.

KEKULI 21:28

“Ae, Israel nyithu ghola kiqalilo! Anyi hawa ha kahe wi wala anyi tsüdi sansi pi Israel nyithu, Mosa Yenwa, nu Kekinyijjen ha shun thsüden. Nu ma khili Grik nyithu la ssigho kemetha penwa Kekinyijjen ha nakhi ben le!

KEKULI 22:8

Ciwi hi ‘Apvüwa, no thowa nu?’ keü. Ma hi wi ‘Hi Nazareth nyiwa Jisu, no ma meten-mesha ketenwa tsü.’ isa khi.

KEKULI 24:5

Ikhang na anyi hawa hana kemessi keben nyi kesü, ayyi tsüdi wi Judah nyithu jawi kekivvü pfüsi kechiwa, nu Nazareth nyi khang jawi aliwa kesa nyile muyadha.

KEKULI 26:26

Kadimi Agrippa, no hathu ha chü keben ghena hi kempvüza sa nu no wi ajüh ha khiben. No tsüthu tsüdila mudha le kesa hi chütiben, kepaghenanye tsüna kekuthi nu ccügwen-ccüna wi nsale.

KEKULI 26:9

“Hi kheni hi kekuli tsüdila Nazareth nyiwa Jisu nyan keshunwa tsü sale meshen.

KEKULI 3:12

Pitor na anyithu mu keya wi ma mathu wi khi, “Hi Israel nyithu, nthu mangkesa ha ghena amansa nu ikhang ghangben nu? Nthu kemeshen tsü ha ishinyi kekhang kemehai wina anyi ha sa pi alentsenya thsüle ben kwe?

KEKULI 3:6

Pitor na ma wi kiza, “Hi suna rükatssü mangla nmi, isala hi mangwa ben khe pi no cüden; Nazareth nyiwa Jisu Khrista nyan wina shagha nu alentsen walo!”

KEKULI 4:10

nthu nu Israel nyi tsüdila chüyalo; anyi hawa ha Nazareth nyiwa Jisu Khrista, nthu na ma pi kross miwi jen, nu Anyiza na keshü wina ma sa pi hangneng kecüwa nyan kekhang wina ma sa pi mehaitha yadha, nu anyi ha nthu tuwi ngan ben.

KEKULI 5:35

nu ma mathu wi khi, “Hi Israel nyithu, nthu na anyi hathu miwi mangwa sale ben khe kiden-kesha yalo.

KEKULI 6:14

Kepaghenanye ikhang na ma Nazareth nyiwa Jisu hana Kekinyijjenwa tsü yasa nu Mosa na Ayenwa pi ithu kecüwa tsü kemiliaben le kekhi zaya le!”

2 KORINTHNYI 12:12

Hi atsentsa apostel le kesa kekheneng ntsa sa nu nthu jawi azensuthu, amankesathu kejon kuli chidha.

IBRINYI 2:4

Anyiza la ma sheikepi sa pi tsüthu wwa kechi na azensuthu, amankesa lenkepapa, nu ma kenen wina Kemetha Ghamu juthu pi gishü cü.