KEKULI 2:20 - Kemethajüh (N) (Re-editing) Bible (BSI)

²⁰ aghani na jang, nu asha na ajjü ti nmie shaben, tsüna Apvüwa tsathang keti nu anyankethang npi sa kegho tu wi.

KEKULI 2:20 Iomraidhean Croise

ISAYA 13:10

Ghotsi nu ghotsi lashüwa la nwegü laden; aghani na shhugho lela jang thsüaden, nu asha la nwegü laden.

ISAYA 13:15

Kesü le kesü lela ghan keyawa pi kecunthiaben.

ISAYA 13:9

Apvüwa tsathang na gho tendha, ma leben ketsu nu kekha nkemehai tsathangwa tsüna. Ayyi ya aghansha sa thsü nu kesami nyi tsüdila dedia den.

ISAYA 24:23

Asha na jang nu aghani na nwegüla ben, kepaghenanye Apvüwa Kekhang ntsawa na Kadimiwa saaden. Ma Zion Yikha miwi ben nu Jerusalem wi kekhang senden, nu anyi ccülikesathu na ma nyankethang muden.

ISAYA 34:8

Matsü hawa ha Apvüwa na Zion kikasha keya nu ma ghinyi miwi jukhi keyawa tsü.

JEREMIYA 4:23

Hi ayyi wi ghangchi nan, tsüna yasa pi methasi sa benla; atssan wi, kewegü nmi.

JOEL 2:1

Kemessi le kesa tutuwa khouchi; Anyiza yyishiphon kemethawa Zion miwi kemessi hhai sa chilo. Kedheggülo, Judah nyithu! Apvüwa tsathangwa tsüna gho tendha.

JOEL 2:31

Apvüwa tsathang keti nu qhethiketen kesawa tsü npi kegho tuwi aghani na jang, nu asha na kemili pi ajjü ti nmieni saaben.

JOEL 3:14

Anyi hazar hazar na Ajühkekaghaten Yyiketijü wi ben. Apvüwa tsathangwa tsüna wan ciwi ghoaben .

AMOS 8:9

Hi ghanan- lapvü wi aghani pi du thsü nu aghanan tsü wina ayyi na jang thsü kesa matsü kesü na ghoden. Hi Kemisintsa Apvüwa na khidha.

MALAKHI 4:5

“Isala qhethiketen kesa nu Apvüwa tsathang keti tsü npi kegho tuwi hi atusenjüh-kechüwa Elijah kesun pi nthu wi chi cüden.

MATHI 24:29

“Ketizenkesa hathu ha cenya meyi aghani na jang, asha na nwegüla, ghotsithu na tang wina qanca dugho, nu atssan wi kekhang tsüdila pakuli shaben.

MATHI 27:45

Ghanan lapvü wi amighe kekihhe kecheng jü-u tsü diyyiwa maben la jang.

MARK 13:24

“Ketizenkesa tsathangthu seng wi aghani na jang, asha na nwegüla,

Luk Zhükechi Jühtheü Kemehaiwa 21:25

“Aghani, asha, nu ghotsithu wi amankesa saben. Ayyi miwi diyyi tsüdila ketizen sa nu atssükedone kaghamo ghena messi ben.

KEKULI 2:19

Hi atssan wi azensuthu nu ayyi miwi amankesathu kuli chiden. Ciwi ajjü, anni, nu annikekhu kejon saben;

KEKULI 2:21

Nu Tsaseng wi thowa na Apvüwa wi kekiqa khiechi khe hangsha yaben.’

1 KORINTHNYI 5:5

nthu na anyi ha pi ma sajjü yasa thsüale kesalina pi Satan kwen wi chilo, isanu Apvüwa tsathang wi ma ghamu hangshaya thsülo.

1 THESSALONIKANYI 5:2

Kepaghenanye Apvüwa tsathang tsüna kaghanfü na aghaja wi kegho ti ghoaben kesa nthu na mehaitsü chüben.

2 PITOR 3:10

Isala Apvüwa tsathangwa tsüna kaghanfü ti ghoaden. Tsü tsathang wi atssan na ahhai sa sen nu nmila, nu ciwi kebenthu tsü mecang nu yasa ben; ayyi nu ciwi kebenthu tsüdila nmila ben.

2 PITOR 3:7

Isala Anyiza jühkhukechi tsü makesü wina atssan nu ayyi khili kebenwa ha anni pi yasa le kesalina noncca senben, nu tsü pi anyi Anyiza nkechüthu jühkaghaten nu yasa keten tsathang tsü ghena theng.

CCÜCAKECHI 16:8

Tsaseng wi tangnyilo mejüwa na ma hikhu pi aghani miwi keshusha chi, nu tsü ya ma kisah pi anyithu mecang thsü.

CCÜCAKECHI 6:12

Tsaseng wi hi Khaghanenizzawa na mechantsi tughowa tsü sha kechi mu. Ciwi ameghükuju ntsa sa, aghani na athsü kenimegho ti sa, nu asha na ajjü ti nmieni sa.