KEKULI 2:2 - Kemethajüh (N) (Re-editing) Bible (BSI)

² Zuli atssan wi ameghü kekhang kesho hhai ti gho mathu keben jjen tsü pongya.

KEKULI 2:2 Iomraidhean Croise

1 KADIMITHU 19:11

Apvüwa na ma wi khi, “Wala ayikha shoni wi ituwi nganlo.” Tsaseng wi Apvüwa na tsü pvüdhi wa nu ameghü kesho khang ntsa kesun pi yyishiphon thu pvükhhia nu alonshithu pacha zighe— isala Apvüwa na ameghü witsü nmi. Ameghü na nshola, nu tsaseng wi ameghükuju— isala Apvüwa na ameghükuju witsü nmi.

ZAKECI 18:10

Ma cherubim miwi mbhi ntsa pighe gho; ma ameghü wina gho.

Kesaki khwi 4:16

Shaghalo, aghawa meghü. Acülawa meghü, sho sen nu isanku wi gholo; ameghü han kemehai pi pong cülo. Izi pvüzawa ya ma sanku wi gho thsü, nu ma bi kemehai ntsa dsaya thsülo.

ISAYA 65:24

Mathu na hi wi npi kekhiesha wina hi mathu kekhie luneng cüaben.

MALAKHI 3:1

Kemisintsa Apvüwa na luneng, “Hi hi nyilo kesun pi ighena alenwa tsü kiden-keshaya thsüaden . Isalethu, nthu na ghang ketenwa Apvüwa na zulila ma Kekinyijjen witsü ghoben. Nthu na muya mvu keben nyilowa na gho nu hi cenkethenjüh pi thangchiaben.

Luk Zhükechi Jühtheü Kemehaiwa 2:13

Tsümeyi tangnyilo süpahizi akhang keti kesü na nyilowa tsü gweghe hati nu Anyiza seng shagha:

JOHAN 3:8

Ameghü tsüna ma ketanla sho tenle; nu no tsü hhai zayaden, isala no tsüna khiewa na gho nu khiewa wa ten khe chüya nten. Tsüti aghamu wi pvüghakeya la makesü le.”

KEKULI 2:3

Nu anni mili ti kesa gho gishü zighe sen nu mathu kesüsü miwi ben wa kesa mathu na muya.

KEKULI 2:6

Mathu na ahhai ha zakeya wi anyi kejon na gho saghuya. Mathu tsüdila amansa ntsa sa, kepaghenanye mathu tsüdila kenondithu na mathu papa jüh khi keben zaya.

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

1 PITOR 1:12

Atusenjüh-kechüthu kekuli tsüna mathu ghena kekiyi nyela nthu ghena le kesa Anyiza na pi mathu ccüca, mathu na tsüthu cüki kekhi ti nthu na khili nyilothu na tang wi kesun kechi Kemetha Ghamu kekhang wina Jühtheü Kemehaiwa kekhi wi zayadha. Tangnyilothu lela pala hathu ha chüshiya mvuthi saden.