KEKULI 2:17 - Kemethajüh (N) (Re-editing) Bible (BSI)

¹⁷ ‘Hi asakhen ghanan wi hati saben, Anyiza na khiben: Hi ighamu meyisha pi anyi tsüdi miwi chiden. Nthu tsangathu na atusenjüh-khiben; anyi pvünyithu na kemanthi muben, nu anyi keqhaithu na aman chüben.

KEKULI 2:17 Iomraidhean Croise

ADECHHÜ 49:1

Jakob na ma tsathu cighu chi nu khi, “Hi vüyalo, hi ashiseng nthu miwi mangwa saten khe khipi nthu kiza na:

ADECHHÜ 6:12

Anyiza na ayyi ghang kechi wi nmehaila kesa muya, kepaghenanye anyi tsüdila meghangmeghe wa.

ZAKECI 65:2

Kepaghenanye no ithu kekhie luneng cü den. Apen tsüdi wi anyithu na

ZAKECI 72:6

Kadimiwa ya alli wi atsankegho ti, atsanghozü pi ayyi ten keben ti sa keyawa sa.

KEMETSAJÜH 1:23

Hi no kha kechi wi kina yalo; hi kesansi kemehai pi no cü nu palakechü pi no ssinu gishüya den.

ISAYA 2:2

Ghoketen tsathangthu wi Kekinyijjen ma miwi keben yikhawa tsüna tsüdi miwi kemisi ntsawa sa ben, yyishiphon tsüdi miwi misikiaben. Mizzatenti kejonla ciwi bvü dughoben,

ISAYA 40:5

Tsaseng wi Apvüwa nyankethang pi ccücaden, nu anyi tsüdila tsü muden. Apvüwa na ma ketanla ha khishichidha.”

ISAYA 44:3

‘Hi atssü pi ayyi shangshang kesapen wi chi nu ayyi keqha wi aghakutssü na lle shhugho thsüden. Hi ighamu meyisha pi ntsangathu miwi chicüden, nu hi kemihhi pi nshicüthu miwi chiden.

ISAYA 49:26

Hi nthu pasha ketenthu ya khokho kepathili thsüaden; mathu na lebentsu nu kepathili pi adina thsüaden. Isathu anyi tsüdila hi Apvüwa le kesa chüyaben, nthu hangsha nu lisha cü ketenwa tsü. Mathu na hi Israel Nyiza Kekhang ntsawa le kesa chüyaben.”

ISAYA 66:23

Asha Ketheü Kho nu Sabbath tsathang tsüdi wila mizzatenti tsüdi wi anyithu na he Jerusalem wi ghola hi kinyiben.” Apvüwa na khiben.

EZEKIEL 11:19

Hi aleben ketheü nu kemeshen ketheü pi mathu cüden. Hi mathu lebenkedhu lonwa tsü khupi nu ajühkeya leben pi mathu cüaden .

EZEKIEL 39:29

Hi ighamu meyisha pi Israel nyithu miwi chicü nu khiela mathu miwi na kheneng bvü nbendha. Hi Kemisintsa Apvüwa na khidha.”

DANIEL 10:14

Hi haseng wi n-nyithu miwi mangwa kulile ben khe pi no chü thsüle ghoben. Hawa hana haseng wi ghena kemanthi kesü.”

HOSEYA 3:5

Isala Israel nyithu na Apvüwa mathu Nyiza nu David shicübvügha kesü mathu kadimiwa wi kheneng gho keten matsü kesü na ghoden. Isanu mathu na Apvüwa messi nu ma ju khukechi kemehaithu tsü yayaden.

MIKA 4:1

Atsathang ghaketenthu witsü Kekinyijjen na keben yikhawa tsüna tsüdi miwi kemisi ntsawa saaden, yyishiphon tsüdi miwi kijüki aden. Mizzatenti kejon na ciwi tsü dugho,

ZEKHARIYA 12:10

“Hi nanketizen ghamu nu kekhie ghamu pi David shicübvüghathu nu Jerusalem wi anyi kepathu la pong cüden. Mathu na apie pi kecunthi kesawa tsü ghang den, nu mathu na atsa kesütanwa ghena anonkegü ti ma ghena anongü den. Mathu na mathu tsa tssütsewa shü kesathu ti qai ntsa saaden.

ZEKHARIYA 2:13

Anyi tsüdila Apvüwa tuwi ceen benlo, kepaghenanye ma ma kahang pen kemetha wina gho tendha.

Luk Zhükechi Jühtheü Kemehaiwa 3:6

Anyi tsüdila Anyiza hangshakeya tsü muyaden.’ ”

JOHAN 17:2

Kepaghenanye ma anuphan kahang pi no pi ma kecüthu tsüdi cü thsüle kesalina no anyi tsüdi miwi kekhang pi ma cüdha.

JOHAN 7:39

Jisu na ha ma nondi keyathu na aghamu muya keten cüki khichi. Tsü tsüwi aghamu tsü npi khuchicü, kepaghenanye Jisu na ma nyankethang npi sachi.

KEKULI 10:45

Joppa wina Pitor nie kegho Judah nyi kenondithu na Anyiza na Kemetha Ghamu meyisha pi Judah nyi nkenyethu miwi la chi kecü ghena mathu amansa.

KEKULI 11:27

Tsü tsüwi Jerusalem wi atusenjüh-kechüthu pahan na Antiok wi wa.

KEKULI 11:28

Mathu jawi meshu kesü ma nyan Agaba kesa na shagha Aghamu kekhang wina azeng nkemehai na ayyi maben wi gho tenle khi. (Hana Klaudia na kadimi sa keben tsü wi gho.)

KEKULI 2:16

Isala hawa ha atusenjüh-kechüwa Joel na khi ketheng tsü: ”

KEKULI 2:18

Tsü ghanan wi hi ighamu meyisha pi imaghathu nza npvüza cüben, nu mathu na atusenjüh-khi ben.

KEKULI 2:33

Ma zanki pi ma Ba Anyiza kwen ajewa wi chiya, nu Abawa na ajühkhichi ketheng ti ma Kemetha Ghamu muya. Nu nthu khili mu nu za keben hana ma ju meyisha pi ithu miwi chi kecü.

KEKULI 21:9

Anyi tsüwa nga ghala mejü na Anyiza jüh khiden.

ROMNYI 5:5

Kenondi hana ithu pateshüya nben, kepaghenanye Anyiza na ma ju pi ithu kecü Kemetha Ghamu wina nanketizen pi ithu leben wi meyisha chi cüdha.

1 KORINTHNYI 12:10

Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

1 KORINTHNYI 12:28

Anyiza na anyi tsüdi pi kemehu wi alen kesüsü sa thsü theng: atuwa apostelthu, keniwa atusenjüh — kechüthu, nu kechengwa kesansithu; tsaseng wi amankesa kekulithu, tsashiwa kesakinaa sa pi mehai keya kekhang pi cü kethengthu, nyu kekiqathu, nyu len ketsütsonthu, nu ajüh kepa wi kekhithu.

IBRINYI 1:2

isala asakhen tsathang hathu wi tsü ma Tsawa wina ithu ccüneng chidha. Anyiza na ma wina atssan ayyi sachi, nu ma yala asakhen wi pala tsüdi ghong keyawa saya thsüle Anyiza na ma kessiyadha.

JAMES 5:3

Nthu suna nu rükatssü na avüjjü dsakidha, nu avüjjü tsüna nthu ghena chüza saben nu tsüna anni ti nthu sajjü dsaben. Nthu na atsathang sakhen hathu wi keben saghu pi theng yadha.

2 PITOR 3:3

Atuwa sa, asakhen tsathang wi anyi pahan na nyu nankeqhe nu mathu sajjü kenen wi kahang nyi na shhugho ben kesa nthu chüyalo. Mathu na nthu nankeqhe,