KEKULI 2:14 - Kemethajüh (N) (Re-editing) Bible (BSI)

¹⁴ Pitor na apostelthu taghakhen gweghe ngan shagha nu ma hhai misi ntsawa nu anyitenti wi khi, “Ipvüshang Judah nyithu nu Jerusalem wi kahangthu tsüdila hi khile kebenwa ha kinachi nu hi ya ha jjügi pi nthu kiza thsülo:

KEKULI 2:14 Iomraidhean Croise

KEMETSAJÜH 8:32

‘Kepvünyithu, khili ijüh kinalo. Hi kekhi ti salo, isathu nthu nonghe yaben.

ISAYA 40:9

Jerusalem, ayikha kemisi kesü miwi kilo, nu ajühkemehaiwa pi thangchilo! Ahhai misikhhali nu jishachilo, Zion; ajühkemehaiwa pi thangchilo! Nmessi la khishi chilo. Judah nyutithu wi mathu Nyiza na gho tendha le kizalo!

ISAYA 51:1

Apvüwa na khiben, “Ijüh kinalo, nthu hangshaya mvu, nu kekiqa yale hi wi gho ketenthu. Nthu na alonshi khawa wina shhugho, nu nthu pakhhi keya lon kechhüpenwa tsü meshen chilo.

ISAYA 51:4

“Ijüh kinalo, inyithu, hi khi keben tsü kinalo: Hi pi nyu kesansijüh pi mizzatentithu cü; iyenthu na kewegü sengho mathu cüden.

ISAYA 51:7

‘Ijüh kinalo, kemeshonwa chü kebenthu, hi pi nyu sansi keten jüh pi nthu leben wi chi pvü ketenthu. Anyithu na nthu nkhichi nu keminni gho lela nmessi lalo;

ISAYA 52:8

Anyunutiwa ghihie kebenthu na jishaben, anonkeghe ghena gweghe jishaben! Mathu ketanla mathu nyon pi Apvüwa na Zion wi kheneng gho keten muya mehai.

ISAYA 55:2

Mangkesa na apisa pi anonkwenya nketen ghena dedi ben nu? Mangkesa na njadedi nu ghama benten nu? Ijühkina nu hi mangwa khi khe salo, isathu nthu atsse kemehai ntsa dsa pi anonghe yaden.

ISAYA 58:1

Apvüwa na khiben, “Saya kemehai chu misikhhali jishachilo! Inyi Israel kesami cüki pi mathu kizalo!

HOSEYA 8:1

Apvüwa na khiben, “Kemessi hhai sa chilo! Aghinyithu na amumu ti iyyi wi juchi dugho tendha! Inyithu na hi mathu ssinu cenkethenjüh tsü pakhhi nu hi kesansijüh tsü shunla hhagheben.

MATHI 2:1

Herod na kadimi sa keben tsü wi Judea wi Bethlehem nyuti wi Jisu pvüghaya. Tsü tsüwi anyi pahan ghotsi cüki kesithu na nishuwa na Jerusalem wi gho,

KEKULI 1:26

Tsaseng wi mathu na manyi ghena akezen sa nu kessi, nu Mathia kessiya, ma pi apostelthu taghakhen tsü wwaya.

KEKULI 13:16

Paul na shagha ma kwen zanki nu ajüh khi: “Hi Israel nyithu nu Judah nyi nkenyethu he wi ben nu Anyiza kinyi kebenthu, ijüh kina chilo!

KEKULI 2:22

“Hi Israel nyithu, ijüh kinachilo! Anyiza wina kegho Nazareth nyiwa Jisu tsüna Anyiza kekhang sen nu nthu jawi amankesa nu azensuthu kekuli tsü nthu na chüben.

KEKULI 21:28

“Ae, Israel nyithu ghola kiqalilo! Anyi hawa ha kahe wi wala anyi tsüdi sansi pi Israel nyithu, Mosa Yenwa, nu Kekinyijjen ha shun thsüden. Nu ma khili Grik nyithu la ssigho kemetha penwa Kekinyijjen ha nakhi ben le!

KEKULI 5:35

nu ma mathu wi khi, “Hi Israel nyithu, nthu na anyi hathu miwi mangwa sale ben khe kiden-kesha yalo.

KEKULI 7:2

Stefan na luneng, “Acünyuthu nu abathu, ijüh kina chilo! Ithu baqhai Abraham na wa Haran wi npi kahang Mesopotamia wi keben Anyiza nyankethang na ma wi gho,

AYENZHÜNENG 27:9

Tsaseng wi Mosa nu Levi nyi keqhaikedithu na Israel nyithu tsüdi wi khi, “Israel nyithu, ijühkina kaketsü sachilo. Nansü nthu na Apvüwa nthu Nyiza nyi sayadha;

JAMES 2:5

Hi ketizenthu, ha kinachilo! Anyiza na ayyi ha wi kahhatu nyi kessi pi kenondi wi keban saya thsü nu pi ma tizen ketenthu cüle khishichi ketheng kadiyyiwa tsü ghongya thsü.