KEKULI 2:11 - Kemethajüh (N) (Re-editing) Bible (BSI)

¹¹ Judah nyi nu Judah nyi nkenyethu la, Kreta nu Arabia wina ghoben; isathu, khatinu mathu na ikhang jüh wina Anyiza amankesa kekuli cüki kekhi zaya ben nu?”

KEKULI 2:11 Iomraidhean Croise

1 KADIMITHU 10:15

tsüna asenkesathu na khajana pi kecü, asenkesa wi kekiyi mukeya, nu Arab kadimithu nu Israel nyi elakha ahngthu na kekinyi ju pi cü keten miwi mukeya.

2 KHENICÜKI 17:11

Filistinthu pahan na rükatssü nu aju kepa wi kejon sen nu Jehoshafat wi gho, nu Arab nyi pahan na khaghaneni 7,700, nu anenithu 7,700 sen nu ma wi gho.

2 KHENICÜKI 26:7

Anyiza na ma kiqa pi Filistinthu, Gurbaal wi hang kebenthu Arab nu Meun nyithu chaya thsüa.

Job Lesüshen 9:10

Ithu na ma pala ketiti kuli ketenthu tsü chüya nben, nu ma amankesa kuli ketenthu tsüna asakhen nmi.

ZAKECI 107:15

Apvüwa na mathu ghaliki keten tsüghena mathu na ma keseng-u le, ma mathu ghena amankesathu kuli kechi tsü ghena.

ZAKECI 107:21

Apvüwa na mathu ghaliki keten tsü ghena mathu na ma keseng-u le, ma mathu ghena amankesathu kuli kechithu tsü ghena.

ZAKECI 107:8

Apvüwa na mathu ghaliki keten tsüghena mathu na ma keseng-u le, ma mathu ghena amankesathu kulikechi tsü ghena.

ZAKECI 111:4

Apvüwa na ithu yala ma kekuli amankesathu tsü mali thsü nten; ma ccatssü nu nantizen ntsa.

ZAKECI 136:4

Ma ketan amankesa kedi kuli; ma kaghali na anuphan ben den.

ZAKECI 26:7

Hi no keseng khwisa nu no amankesa kekulithu tsüdi pi nyu kiza.

ZAKECI 40:5

No ithu ghena pala kejon kuli chidha, O Apvüwa ithu Nyiza; ciwi thola no ti kesa nmi le! No ithu ghena amankesa acho kejon kiden pi thengdha. Hi tsüthu tsü khi wa cu meyacha— tsüthu na si meyakhi le!

ZAKECI 71:17

Hi ghanyi wina no hi sansi cü, nu hi khili lela no amankesa kekuli tsüpi khi den.

ZAKECI 77:11

Hi no kekuli kedithu tsü meshen ben den, Apvüwa . No wakesa wi amankesa kuli kechithu tsü meshen neng ben den.

ZAKECI 78:4

Ithu tsangathu wi ithu na ha pi nkhila theng nben; ithu haseng shicüthu wi Apvüwa kekhang, nu ma kekuli kedithu nu ma amankesa kulikechithu tsü pi khiden.

ZAKECI 89:5

No amankesa kekulithu tsü ghena tang nyithu na akhwisa; kemethathu na no atsentsa kesen tsü ghena akhwisa, Apvüwa .

ZAKECI 96:3

Ma nyankethang nu ma kekhang kekuli kedithu pi mizzatenti nu anyi tsüdi wi thangchilo.

BVÜKESHHU 15:11

“Apvüwa, acenpvü jawi thowa na no ti kesa ben nu? Thowa kemetha wi amankesa no ti ben nu? Thowa na no amankesa keti kekuli ti saya mehai nu?

ISAYA 13:20

Thola ciwi hang neng nbendha. Arab nyi kegoe keten kesütanla ciwi anithsüjjen sa nben, nu khaghaneni kehie nyi kesüla ciwi ma nenithu ya atsse yathsü nben.

ISAYA 21:13

Hawa ha Arabia ghena ketsijüh kesü. Dedan nyithu, nthu nyi kegoe ketenthu na Arabia diyyiwa yyikeshü wi mnan ben ben,

ISAYA 25:1

Apvüwa, no iNyiza le; hi no kinyikü, nu n-nyan seng tenle. No amankesa kekuli sachidha; No ajühtsentsa sa nu hatu wi kiden kethengthu tsü sayadha.

ISAYA 28:29

Kemetsa hathu ha tsüdila Apvüwa Kekhang ntsawa na pi kecü. Anyiza na sa keten cho tsüna metsa nu keshüthangla mehai cenyaden.”

JEREMIYA 3:2

Yyishiphon shonithu wi ghangchilo. Ciwi no keqheza menkedsa kekuli nkesa pen khiewi ben nu? No Arab nyi kesü na ayyikeshü wi nyu pale hie keben ti alen katen wi no kenenthu hie ben den. No keqheza menkedsa kekuli sapi ayyiwa nakhidha.

KEKULI 2:10

Frugia nu Panfilia, Egipt nu Libia yyi Ciren kete wina ghoben. Ikhang pahan na Rom,

KEKULI 2:12

Mathu tsüdila amansa nu qhethiketen sala khokho wi keü, “Ha ma jjügi mangwa saben nu?”

KEKULI 27:12

Apen tsüna pathsü wi ahunjjen kemnanpen ghena nmehai, tsalina anyi kejiwa na atssükedone ciwi na saya mehaithu wa Foenix cuya nu pathsü ciwi benle kesa tsü nen wa. Foenix tsüna Kreta yyi acüla niduwa nu agha niduwa kepeghe wiwa ahunjjen kemnanpen kesü.”

KEKULI 27:13

Acülawa ameghü sho shagha nu anyithu na mathu meshen keben tsü saya nbendha le sa, tsalina mathu ahunjjen dajen tsü piekiya nu Kreta yyi katen tsü tetsaki sen nu wa.

KEKULI 27:7

Ikhang na ghanan keni kecheng tsü ashina wa nu agüccü ntsa wala Cnida nyuti tsü cuya. Ameghü na sho ntsa kesalina ikhang na alen ciwi wa meyala, tsalina Kreta yyi keshenten wina wala Salmone tsü pvüdhi wa.

1 KORINTHNYI 12:10

Aghamu na amankesa kekuli kekhang pi meshu kesü cü; Anyiza ketsijüh kekhi pi kepawa cü; nu Aghamu chü kepapa saya kemehai pi kepawa cüden. Ajüh kepapa khiya kemehai kekhang pi meshu kesü cü; nu tsü jjügi khiya kemehai kekhang pi anyi kepa wi kesü cüden.

1 KORINTHNYI 12:28

Anyiza na anyi tsüdi pi kemehu wi alen kesüsü sa thsü theng: atuwa apostelthu, keniwa atusenjüh — kechüthu, nu kechengwa kesansithu; tsaseng wi amankesa kekulithu, tsashiwa kesakinaa sa pi mehai keya kekhang pi cü kethengthu, nyu kekiqathu, nyu len ketsütsonthu, nu ajüh kepa wi kekhithu.

GALATIANYI 1:17

nyelela hi Jerusalem wi itu wi na apostel kesathu wi la nwa. Tsüti kesawa nye, hi Arabia wi wa, nu tsaseng wi Damaska wi gho neng.

GALATIANYI 4:25

Hagar, tsüna Arabia wi Sinai Yikha, hana khili pi Jerusalem na ma nyi tsüdi ssinu nssümagha sa kebenthu tsü ghape ben.

TITA 1:12

Kreta nyithu na mathu jawi atusenjüh-kechü kesü na hati kekhi tsü ntsakhiwa; “Kreta nyithu na keshüthangla milikemesathu, gheshighena kekapvüthu, nu kenontssü ahhai-keshathu.” Ha jjügi ghena no mathu khachi, isanu mathu kenondi kemehai benya thsü,

TITA 1:5

No yala pala npi kekuli centhu tsü sa pi mehaiya nu anyuti tsüdi wi kemehu wi keshenpfüthu kessiya thsüle kesalina hi no teshi pi Kreta wi chitheng. Hi kecükegwethu tsü meshen yalo:

IBRINYI 2:4

Anyiza la ma sheikepi sa pi tsüthu wwa kechi na azensuthu, amankesa lenkepapa, nu ma kenen wina Kemetha Ghamu juthu pi gishü cü.