KEKULI 2:1 - Kemethajüh (N) (Re-editing) Bible (BSI)

¹ Pentekost tsathang cukeya wi kenondithu tsüdila ghola apen kesü wi saghu ben.

KEKULI 2:1 Iomraidhean Croise

2 KHENICÜKI 30:12

Anyiza la Judah wi kulichi nu kadimiwa nu ma kekhu wi kedithu na ahza khukechi tsü kenie wina anyithu na mathu kemeshen keyali nu Apvüwa jüh kinale saya.

ZAKECI 133:1

Anyiza nyithu gweghe ajühjja mece, nu kahang tsüna khatila amansa, nu leben gha nu!

BVÜKESHHU 23:16

“Nthu na alli wwi wa keten wi Matheükedhi Kho tsü salo.” Vvüthimeyi wi nthu na alli wi asu wwi pvügho saghuya lethu Kelishu Kho tsü salo.

BVÜKESHHU 34:22

“Nthu na awhengsu kewwi atuwa wi tsü Matheükedhi Kho tsü salo, nu vvüthimeyi nthu na asu wwi pvügho saghuya lethu Kelishu Kho tsü salo.

JEREMIYA 32:39

Hi kahang ghena ajjügi kesütan pi mathu cüden: tsüna mathu matsü tsüdi wila hi kinyikü, tsüti kesa tsüna mathu ketanla mathu ghena nu mathu shicübvüghathu ghena la kemehai.

ZEFANIYA 3:9

Tsaseng wi hi mizzatenti nyithu sapi kemili, nu mathu na hi wi ketan khe acenpvü kepathu wi kekhie sa nbendha. Mathu tsüdila ijüh kinaben.

KEKULI 1:5

Johan na atssü pi nyu baptaiz sa, isala ghanan keu seng wi Kemetha Ghamu pi nthu baptaiz sa cüaben.

KEKULI 1:8

Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”

KEKULI 2:46

Atsathangla mathu na Kekinyijjen wi kemetuli, aleben tsentsa wi anonkeghe sala mathu jjen wi gweghe dsajjü,

KEKULI 20:16

Paul na Efesa pvüdhi wale südheya kesalina Asia wi matsü ndedi mvula sa, kepaghenanye ma saya kemehai chu Pentekost tsathang wi Jerusalem wi benle kesalina kaghaji ntsa saben.

KEKULI 4:24

Kenondithu na tsü zakeya wi mathu tsüdila gweghe nu Anyiza wi kekhie sa: “Apvüwa, atssan, ayyi, atssükedone nu tsüthu wi kebenthu tsüdila sa kechiwa!

KEKULI 4:31

Mathu na kekhie kesa cen seng wi mathu keben pen tsüna kuli shagha. Mathu tsüdila Kemetha Ghamu pongya nu kempvüza sala Anyiza ketsijüh tsü khi wa.

KEKULI 4:32

Kenondithu khangwa tsüna kemeshen nu aleben kesütan sa. Meshu kesütanla ma keben tsü pi ma ji le nkhi, isala mathu tsüdila ma keben tsü pi mathu gishü sen.

KEKULI 5:12

Apostelthu na anyithu jawi azensu nu amankesathu kejonla saben. Kenondithu tsüdila gho Solomon Ccühha wi kemetuli.

ROMNYI 15:6

isanu nthu tsüdila ahhai kesütan sala ithu Pvüwa Jisu Khrista Bawa nu Anyiza sengya thsüle kesalina.

1 KORINTHNYI 16:8

Hi Pentekost tsathang npi kecu chu he Efesa wi benden.

FILIPPINYI 1:27

Khili aghuti ntsawa na nthu kahang yala Khrista jühkemehaiwa ghena kahang qo sayalo, isanu hi gho nthu muyale mu meya lela nthu na ajjügi kesütan ghena zükeqhe ngan ben nu ajühkemehaiwa kenondi ghena nthu gweghe kesütan sa ssikesali benle kesa hi zayaben.

FILIPPINYI 2:2

Tsalina hi nthu wi khieben, hi la sa pi kemeshen kesü, ketizen kesü, nu aleben kesü sa nu inonghe cencuya thsülo.