KEKULI 19:9 - Kemethajüh (N) (Re-editing) Bible (BSI)

⁹ Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 19:9 Iomraidhean Croise

2 KADIMITHU 17:14

Isala mathu na tsü n-nie mvu; mathu na mathu bamyithu ti leben-dhu nu Apvüwa mathu Nyiza tsü n-nondi.

2 KHENICÜKI 30:8

Mathu ti leben-dhu nbenla isala Apvüwa jüh kinalo. Apvüwa nthu Nyiza na anuphan ghena sapi metha kethengwa Jerusalem wi Kekinyijjen witsü gho ma kinyilo, isathu ma nthu miwi ma lebentsu nbendha.

2 KHENICÜKI 36:16

Isala mathu na Anyiza nyilothu pi keponsa sa, ma jühthu pi koghobvü nu atusenjüh-kechüthu nankeqhe, tsüti Apvüwa lebenketsu na ma nyithu shun ntsa sa nu shukeya nmila.

NEHEMIYA 9:29

No mathu na no kesansi jühthu tsü nielo kitsanchi, isala mathu na kapvü nu n-yenthu tsü hhaghe, n-Yenwa keniewa tsüna kahang lenwa lela. Lebendhu pi khapeghe bvüa, mathu na tsü n-nie mvula.

ZAKECI 95:8

“Nthu bamyithu na Meriba wi, mathu na Massa yyikeshü wi keten tsathang tsü wi ti nkoghobvü lalo.

KEMETSAJÜH 8:34

Anyi ijüh kina ketenwa anonghe yaden— ma ghanan kaghapen ijenka wi ben, nu ijjen kedulen wi hieden.

ISAYA 8:14

Hi ajenkeben kemethawa ghena hi anyithu na accümeshü keten lon tsüti le! Hi aca ti Judah nu Israel kadiyyi nyithu, nu Jerusalem nyithu yaya ketenwa tsü le.

JEREMIYA 19:15

Apvüwa Kekhang ntsawa, Israel Nyizawa na khi, “Hi anyunuti hawa nu tsü kevü wi anyutithu tsüdi miwi kemeten pi cüle khi ketheng tsüdi pi cüaden, kepaghenanye nthu na leben-dhu nu hi kekhi jüh kina nketen ghena.”

JEREMIYA 7:26

Isala thola nkina nu meshen nchi. Tsüti kesawa nye, nthu na nthu bamyithu miwi la leben-dhu nu hhagheben.

MATHI 15:14

Mathu ghena leben ketizen nsa lalo! Mathu na anyon nkemuthu nu anyon nkemu ccülikesathu; nu anyon nkemu nyi kesü na kepawa lentsütsonthu manyi qho ayyiku wi khuliduaben.”

MATHI 16:4

Khija-ghashenen nyi ha khatila nmehai nu Anyiza nchüladha nu! Nthu na hi wi amankesa kekuli khieben la? Nyele! Jonah na amankesa sa kechi miwi amankesa kepa wi pi nthu cü nbendha.” Tsaseng wi ma mathu teshi nu bvüa.

MATHI 26:55

Tsaseng wi Jisu na anyitenti wi khi, “Nthu na hi pi ayen kepakhhi nyi kesü ti sa nu njünnu nu achanghonthu sen nu hi ghanyale ghoben kwe? Hi atsathangla Kekinyijjen wi donki nu nyu sansi lela nthu na hi ghan meya.

JOHAN 12:40

“Anyiza na mathu nyon pabhon nu mathu leben shanbhondha; isanu mathu nyon pi mu nu mathu leben pi chüshiya, nu hi wi kheneng ghothu hi mathu sa pi mehai cüthu keyishü ghena.”

KEKULI 11:26

Ma wa Saul metuya nu ma ssi sen Antiok wi gho. Amapi kesü chuli manyi gweghe kemehu nyithu metu nu anyi kejonla sansi. Hana Antiok wi sansikeyathu pi atuwa sa Khristanyi le ciya.

KEKULI 14:4

Anyunuti tsüwa wi anyithu gishü pi keni sa; pahan na Judah nyithu wiwa, nu pahan na apostelthu wiwa sa.

KEKULI 17:4

Mathu pahan na nondiya nu Paul nu Sila manyi nie wa, tsüti nza alikesathu nu Grik nyi akhang keti na Anyiza nondiya.

KEKULI 19:23

Tsü tsüwi Apvüwa Lenwa ghena Efesa wi kivvü ntsa sa shagha .

KEKULI 19:30

Paul ma la anyithu jawi wa mvu, isala kenondithu na ma khen.

KEKULI 20:31

Tsalina hi amapi kecheng ghaja ghanan n-nganla ihacüca nu nthu sansi kesa tsü meshenyalo.

KEKULI 22:4

Hi Alen hawa nie ketenthu meten-mesha pi shü thsüa. Hi wa npvüza nu nzathu ghanya nu mathu pi atssüzüjjen wi chia.

KEKULI 24:21

tsüna hi mathu tuwi ngan keben wi hati khi, ‘Nthu na nansü ijühkaghakhi keben ha hi anyi na keshü wina hangneng-shagha ben kesa kenondi ghena le.’ ”

KEKULI 28:22

Isala ikhang na no wi kinaya mvu benle, kepaghenanye kahe wi anyi tsüdila nthu keccüna zi wa ha keshun jüh khiden kesa ikhang na chüben.”

KEKULI 7:51

Stefan na mathu wi khi, “Nthu na khatila leben dhu nu! Nthu leben na Anyiza nkechüthu leben ti, nu nthu khuna tecu pi Anyiza ketsijüh tsü kina meya! Nthu na nthu bamyithu ti, nthu la Kemetha Ghamu tsü ssi kaghashenden!

KEKULI 9:2

lesü zhü pi Damaska wi Sinagogthu wi chi cülo khie, isanu ma wala nza le npvüza lela Apvüwa Lenwa tsü nie ketenthu muya lethu, mathu bhen sen nu Jerusalem wi gho nengle kesalina.

ROMNYI 11:7

Isathu, khati nu? Israel nyithu na mathu bha ketenwa tsü mu meyala. Isala Anyiza na kessikeya anyi akhang kizzakeu na tsü muya; nu kepathu na Anyiza keci wi tsü akhuna tecu wa.

ROMNYI 9:18

Tsalina Anyiza na ma thowa nantizen chi mvu khe nantizenden, nu thowa leben sa pi dhu mvu khe dhuden.

1 KORINTHNYI 16:9

Kepaghenanye he wi hi keshun nyi na kejon ben lela kekuli keti nu kemehai sa keya matsü na ben.

1 TIMOTHI 6:5

nu anyi mathu kahang wi pala meshenshi meya nu atsentsawa nkemithu tsü ssinu keshüthangla keccücanli kesa sengho den. Mathu na keccüna hana keban sakeya len le meshen den.

2 TIMOTHI 1:15

Asia yyi wi keben Figela nu Hermogena manyi nu kepathu la tsüdi hi teshidha kesa no chüben.

2 TIMOTHI 3:5

mathu na ithu keccüna ha amei wi ketan sen nu ma kekhangwa tsü meya mvula saben. Anyi hathu ha ghü yalo.

2 TIMOTHI 4:2

ketsijüh pi nyu sansilo, tsü pi thangchi (matsü mehaile nmehai lela), no tsüdi wi kethankehi nu nyu sansi keten tsüti nyu zanya, nyu khachi, nu nyu kechü-kenonglo.

IBRINYI 3:13

Tsüti kesawa nye, isala ntsawajüh wi ajüh “Nansü” tsüna ithu ghena khi keben chu, kesami ya nthu thola mechu nu leben dhu thsü nsale kesalina keshüthangla nthu khokho kekiqali tenlo.

2 PITOR 2:12

Isala anyi hathu hana mangla meshenshiya nketen aghangsathu na cayathu ghan pi pathi ketenthu tsüti kuliden; mathu na katsüha lela chüshi nkeya tsü shun nu kimenni den. Mathu pi aghangsathu ti yasaden,

2 PITOR 2:2

Anyi kejon na mathu hang nkemetha len tsü nie waben; nu mathu kekuli ghena nyu kepathu na Atsentsa lenwa tsü khisaben.

JUDE 1:10

Isala anyi hathu na mathu mangwa chüshi meya khe tsü shun nu kimenni den; nu mathu na mathu gwo wi aghangsathu ti pala chü keyathu tsüna mathu yasa den.