KEKULI 19:13 - Kemethajüh (N) (Re-editing) Bible (BSI)

¹³ Judah nyi pahan kijünyi wa ketenthu na Apvüwa Jisu nyan sen nu nkemehai ghamu na anyithu miwi kebenthu wi hati khi nu jügü, “Hi Paul na pi nyu sansi ketenwa Jisu nyan wina ahza pi no cüben.”

KEKULI 19:13 Iomraidhean Croise

ADECHHÜ 4:12

No allica lela ayyi na mangla shigü cü nben; no ayyi wi ajjenlli nmila kegoedeja thsüden.”

ADECHHÜ 4:14

No ayyi hawi nu ntu wina hi jügüshi bendha. Hi ayyi hawi ajjenlli nmila kegoe waden, nu anyi thowa na hi muya khe hi pathiaben.”

1 KADIMITHU 22:16

Isala Ahab na khineng, “No Apvüwa nyan wina hi wi kekhi wi atsentsawa khilo! Hi khaju tughu tsüti no kiza nu?”

ZAKECI 109:10

Ma tsangathu ya ajjen nmila kekuwhenyi sa kesawa sa; kededi wi hangkeben wi tsü no mathu jügüshi kesawa salo!

MATHI 12:27

Nthu na Beelzebul na kekhang pi hi cü nu hi atsaghangthu jügüshiya benle khiben. Isathu, thowa na kekhang pi nthu nyithu cü nu tsüthu jügüshiya thsü nu? Tsalina nthu kekuli ketanla nthu na sazzi benle kesa chüyaben!

MATHI 26:63

Isala Jisu na ccen benwa. Keqhaikedi Kemisiwa na kheneng ma wi khi, “Hi khili hang kebenwa Anyiza nyan wina no pi kishen thsüben: no Anyiza Tsawa Messiya tsü la, pi ithu kizalo.”

MARK 5:7

Ma misikhhali magha nu khi, “Kemisintsa Anyiza Tsawa Jisu! No hi pi mangwa sa mvu ben nu? Hi nmeten lalo, hi Anyiza nyan wina no wi khieben.”

MARK 9:38

Johan na Jisu wi khi, “Kesansiwa, ikhang na anyi kesü n-nyan wina atsaghangthu jügüshi keben mu nu ma khenle, kepaghenanye ma ithu gweghe nten.

Luk Zhükechi Jühtheü Kemehaiwa 11:19

Keujüla hi Beelzebul kekhang sen nu atsaghangthu jügü lethu, thowa na kekhang pi nthu nyithu cü nu tsüthu jügüshiya thsü nu? Tsalina nthu nyithu wina nthu na sazzi benle kesa chüshiya ben le!

Luk Zhükechi Jühtheü Kemehaiwa 9:49

Johan na khi, “Kesansiwa, ikhang anyi kesü n-nyan wina atsaghangthu jügüshi keben mule, nu ikhang na ma khenle, kepaghenanye ma ithu gweghe nten.”

KEKULI 19:14

Judah nyi Keqhaikedi ntsawa Skeva tsathu cünyunyi tagü na hati saben.

2 KORINTHNYI 11:4

Kepaghenanye nthu na yazishu nu ikhang pi nthu kesansi tsü nyela thowa na Jisu kepa wi sengho nthu sansi khe tsü yaya; nu Aghamu nu ajühkemehaiwa ikhang wi mu keyawa tsü nyela kepa wiwa yayaten le!

JOSHUA 6:26

Ha tsüwi Joshua na kekitsan kedhu kesü sachi: “Anyi thowa na Jerikho nyunutiwa ha sanengle sa khe Apvüwa kishen-keshi pvüyaben. Thowa na ma giketegü chi khe ma tsa tssütsewa na shüaben; Thowa na ma kaghapeng jenkathu sa chi khe ma tsa bvükhenwa na shüaben.”

1 SAMUEL 14:24

Tsü ghanan Israel nyithu na ghamaya kesalina nkhangla, kepaghenanye Saul na kekishen kesü sa nu ahza khuchi theng; “Anyi kesü le kesü lela hi nansü aghinyithu miwi ajukhi npi yakeya chu kedsakejjü sen khe kishen-keshi kepvüwa salo.” Tsalina thola ghanan thangthang mangla npi dsajjü.