KEKULI 18:6 - Kemethajüh (N) (Re-editing) Bible (BSI)

⁶ Mathu na ma shun nu ma nkemehai kekhi wi Paul na ma thsümeni ketheng nu mathu wi khi, “Keujüla nthu na dedi lethu, nthu ketanla nthu meshensa lo! Ikuti mangla nmidha, hi khili nten na Judah nyi nkenyethu wi wa tendha!”

KEKULI 18:6 Iomraidhean Croise

2 SAMUEL 1:16

nu David na Amalek nyiwa wi khi, “No ketanla ha sengho nmiwi chikeyale. No Apvüwa na kessi pi kadimi kesawa pathidhale kekhishi wi no ketanla no meshensadha.”

1 KADIMITHU 2:33

Manyi kepathi ghena kemeten tsüna anuphanla Joab nu ma shicübvüghathu miwi benden. Isala Apvüwa na keshüthangla haicenkeya pi David shicübvügha ma kadipen wi kebenthu cüben.”

NEHEMIYA 5:13

Tsaseng wi hi igeshi keqhan pvü keten tsü khushi pi ketheng chi. Hi khi, “Nthu thowa na ma khishikechi tsü n-niela khe Anyiza na hati no kethengsha cüben. Anyiza na njjenthu nu keben tsüdi sen bvüa, nu no mangla nmila ben.” Ciwi kebenthu anyi tsüdila khi, “Amen!” nu Apvüwa seng. Nu accülikesathu na mathu khishikechi tsü nie.

EZEKIEL 18:13

nu kekiyi yale kesa ghena apisa pi nyu nna thsü den. Ma hangya ben kwe? Nye, ma hangya nben. Ma nan-kenontssü kekuli hathu tsüdi sadha, tsalina ma shüaben. Ma keshü tsü ghena ma ketanla kemeshensa khhi pvüden.

EZEKIEL 33:4

Keujüla anyi pahan na tsü zaya lela mangla kiden meyala nu aghi na gho ma pathi lethu ma keshü tsüpi ma meshensa den.

EZEKIEL 33:6

Isala keujüla aghikehiewa na aghi gho keten mu lela kemessi hhai nsa chila, nu aghi na gho kesami nyithu pathi lethu hi tsüthu keshü ghena akhhi pi aghikehiewa tsü pvü thsüaden .

LEVIYEN 20:9

Apvüwa na ayen hathu ha khuchi. Anyi thowa na ma ba nyelela ma jja kishencü khe ma pi shü thsüaben; ma keshü khhiwa tsüna ma ketanla ma ghena.

MATHI 10:14

Ajjen nyelela anyuti pahan wi nthu ssi meya mvu nyelela nthu jüh nkina mvu lethu, nthu na apen tsü teshi wa keten wi nthu ccü wi ayyinikhu kekhashalo.

MATHI 21:41

Mathu na luneng, “Ma ghola anyi nkemehaithu tsü pathi metsiben, nu alli tsü pi matsü wi kemeshentsse bi ma shei pi ma cüya kesa kepathu cüaben.”

MATHI 21:43

Jisu na khi, “Tsalina hi nthu kizaden, nthu wina Anyiza Kadiyyi tsü khuya nu pi anyi matsü wi abi mehaitsü bünya ketenthu cüaben.”

MATHI 22:10

Tsalina amaghathu na alentonti wi wa mathu mukeya anyi kemehai nu nkemehai tsüdila saghu ssi gho nu anyi na kemishu jjenwa tsü pongya.

MATHI 27:25

Anyitenti maben la luneng, “Ma keshü khhi tsü yala ithu nu ithu tsangathu miwi gho thsülo.”

MATHI 8:11

Hi nthu kizaben, anyi kejon na nishuwa nu niduwa na ghola tang Kadiyyi kemishu wi Abraham, Isak, nu Jakob gweghe donkiben.

Luk Zhükechi Jühtheü Kemehaiwa 22:65

Mathu na kepa wi la pala kejon khi pi ma metsimeni.

Luk Zhükechi Jühtheü Kemehaiwa 9:5

khie wi anyithu na nthu ssi meyala khe mathu na kemessi benle kesa zensu wina nthu na anyu tsü teshi wa keten wi nthu ccü wi ayyinikhu tsü kekhashalo.”

KEKULI 13:51

Apostel keni na mathu keshun zensu wi manyi ccü wi ayyinikhu kekhasha chi nu Ikonium wi wa.

KEKULI 26:11

Matsü kejon wila hi wa Sinagogthu tsüdi wi mathu meten- mesha nu mathu kenondiwa tsü nkhi thsüle sa. Hi leben minu ntsanu mathu keshun ghena wa anyunuti kepa wi lela mathu meten-mesha.

KEKULI 26:20

Isala hi atuwa sa Damaska nu Jerusalem nu Israel diyyi maben nu Judah nyi nkenyethu jawi wa, nu mathu kesami wina leben khapegheya nu Anyiza wi gho, nu mathu leben khapeghe keya kekuli pi nyu ccücalo kesa pi sansi.

KEKULI 28:28

Tsaseng wi Paul na khi, “Nthu na ha chü meyathu yishü, Anyiza na hangshakeya ketsijüh ha kesun pi Judah nyi nkenyethu wi chicüdha. Mathu na tsü yayaben.”

ROMNYI 3:29

Nyelela Anyiza tsüna Judah nyi Nyiza ketan kwe? Ma Judah nyi nkenyethu Nyiza la nye kwe? Anle, ma Judah nyi nkenyethu Nyiza la le!

1 TIMOTHI 5:22

Kaghajila nkwen chang pi nyu miwi chi nu Apvüwa kekuli ghena ma satemetha le nsala. No nyu kepa kesami wi tsü nsaghula, no methasi benya.

2 TIMOTHI 2:25

ccapeyi nu ma keshunwa satemeshon nchithu yishü, kepaghenanye Anyiza na mathu leben khapegheya kemehai matsü pi cü nu ghola atsentsawa tsü chüya thsüaben.

1 PITOR 4:14

Keujüla Khrista ghena nyu nthu kimenni lethu, nthu na kemihhi ntsa, kepaghenanye anyankethang Ghamu, Anyiza Ghamu tsüna nthu miwi ben.

1 PITOR 4:4

Anyiza nkechüthu na nthu khili tsü kheni ti ghameme kahang wi mathu ngweghela kesalina mathu amansa nu nthu kimenni ben.