KEKULI 18:4 - Kemethajüh (N) (Re-editing) Bible (BSI)

⁴ Ciwi ma Sabbath tsathang kaghapenla Sinagog wi wa Judah nyi nu Grik nyi la zanyale kesalina mathu ssinu ajüh keccücanli sa.

KEKULI 18:4 Iomraidhean Croise

ADECHHÜ 9:27

Anyiza na Jafeth sapi jikayi wa keyawa sa! Ma shicüthu ya Shem nyithu gweghe hang keyawa sa! Kanaan na Jafeth maghawa saden.”

2 KHENICÜKI 32:11

Hezekiya na Apvüwa nthu Nyiza na ithu kekhang wina nthu hangshaya benle kizaben. Isala Hezekiya na nthu mechu ben nu nthu ya kaghama nu kedighe wi shü thsüale saben.

Luk Zhükechi Jühtheü Kemehaiwa 16:31

Isala Abraham na khi, ‘Keujüla mathu na Mosa nu atusenjüh-kechüthu jüh nkina lethu, anyi pahan na keshü wina hangshagha wha lela mathu juya nben.’ ”

Luk Zhükechi Jühtheü Kemehaiwa 4:16

Tsaseng wi Jisu na ma hang keshagha nyu Nazareth wi wa khenighani ti Sabbath tsathang wi Sinagog wi wa nu shagha Ntsawajüh si.

JOHAN 7:35

Judah nyi kekhang kesenthu na mathu jawi khi, “Anyi ha ma khiewa wale keben ghena ithu ma muya nben nu? Ma ithu nyi na wa hang keben Grik nyunutithu wi wala Grik nyithu sansi wa ben la?

KEKULI 13:14

Manyi Perga wina sa sen nu Pisidia yyi Antiok wi ghoya. Manyi Sabbath tsathang wi Sinagog wi du nu donki ben.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 17:11

Anyi hathu na Thessalonika nyithu miwi meshonki. Mathu na lebenchi ntsa nu ketsijüh tsü kina, nu Paul kekhi tsüna ntsakhiwala nye khe chüyale kesalina keshüthangla Ntsawajüh tsü si.

KEKULI 17:17

Tsalina ma atsathangla Sinagog wi Judah nyithu nu Judah nyi nkenye Anyiza kinyi ketenthu nu asenkesapen wi anyi metu keyathu tsüdi ssinu keccünengli.

KEKULI 18:13

Mathu na khi, “Anyi hawa ha ithu yen nkenye wina anyithu sansi pi Anyiza kinyi thsüle saden.”

KEKULI 18:19

Mathu na Efesa wi ghoya meyi Paul na manyi teshi theng nu Sinagog wi dula Judah nyithu ssinu ajüh keccünengli.

KEKULI 19:26

Nu nthu la chü nu muben, Efesa wi ketan nyela Asia yyi tsüdi wi Paul na anyi kwen pi kezhü cenpvüthu hana acenpvü nyele kesa khi pi anyi kejon ssi deja sen nu bvüdha.

KEKULI 19:8

Paul na Sinagog wi wa nu asha kecheng-u kempvüza ntsa sa nu Anyiza Kadiyyi cüki khi pi anyithu zanyale kesalina mathu ssinu ajüh keccücanli.

KEKULI 26:28

Agrippa na Paul wi kiza, “No matsü keujü wina hi ya Khristanyi sa thsüale meshen ben kwe?”

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 9:20

Ma meshonqhe Sinagogthu wi wa nu Jisu tsüna Anyiza Tsawa le kesa pi nyu sansi.

2 KORINTHNYI 5:11

Ikhang na Apvüwa kemessi jjügi tsü chüben, tsalina ikhang nyu kepa wila kizaden. Anyiza na ikhang cüki chütha ben, nu hi kemeshen tsü nthu la nthu leben wi hi chübenshe saben.