KEKULI 18:25 - Kemethajüh (N) (Re-editing) Bible (BSI)

²⁵ Apvüwa Len wiwa na mehaitsü ma sansi theng. Nu ma apitsü ntsa sa nu Jisu cüki khiti pi nyu sansiden. Isala ma Johan baptism ketan chüben.

KEKULI 18:25 Iomraidhean Croise

ADECHHÜ 18:19

Ma ya ma tsangathu nu ma shicübvüghathu sansi pi ijühkina nu kemetha nu ketsantanwa kuli thsüle kesalina hi ma kessiyadha. Mathu na tsüti sa lethu hi ma ghena khichi ketheng tsüdi sa cüden.”

ZAKECI 119:1

Anyi ma kahang wi kepazzi nkemithu, nu Apvüwa na ayenkhukechithu wi hang ketenthu na kemihhi ntsa.

ZAKECI 67:2

isanu ayyi maben la no kemeshen chükeyawa salo; isanu mizzatentithu tsüdi no hangshakeya tsü chükeyawa sa.

ISAYA 40:3

Ahhai kesü na jishaben, “Aghansha wi Apvüwa ghena alen kesü kiden yalo! Ithu Nyiza ghena ayyikeshü wi alen sametha chilo!

JEREMIYA 6:16

Anyiza na ma nyithu wi khi, “Alen nonpeghe wi ngan nu ghanglo. Kheni lenthu nu alen kemehai ntsathu na khiewi ben khe keülo. Ciwi lentsenlo, isathu nthu na kecca wi hang yaben.” Isala nthu na khi, “Nmale, ithu tsüti sa ntenle!”

HOSEYA 14:9

Kemetsathu ya hawi mangwa zhütheng khe chüshi keyawa sa, nu mathu ya tsüpi aleben wi chi keyawa salo. Apvüwa lenthu na meshon, nu ketsatanthu na tsüthu kenie wina hangyaden, isala kesamithu tsü tsüthu nkhichi kesalina accümeshü nu khuliaden.

MARK 1:3

Anyi kesü na aghansha wi jishaben, ‘Apvüwa lenwa tsü ghena kidenyalo; ma lenwa tsü satemeshon yalo.’ ”

MARK 12:14

Mathu na ma wi gho nu keü, “Kesansiwa, ikhang na no atsentsenwa khiden, nu anyi nankepapa sa nten kesa chüben, kepaghenanye no anyi kizzakedi nsala Anyiza len tsentsawa pi nyu sansiden. Khajana pi Rom Kadimiwa kecü ayen benla nmi nu? Ikhang na pi mathu cüla ncüla nu?”

Luk Zhükechi Jühtheü Kemehaiwa 1:4

Isanu pi no sansi cü kesathu cüki tsüdi wi no ya atsentsawa tsü maben chüya thsüle kesalina hi hati saben.

Luk Zhükechi Jühtheü Kemehaiwa 7:29

Anyi tsüdila ma jüh zaya; mathu nu khajana kekhüthu na Anyiza ketsatan jüh nieya nu Johan wi baptaiz saya.

KEKULI 13:10

“No atsaghang tsawa! No acho nkemehai tsüdi pi no pong pvüden. No pala kemehai tsüdi ghinyiwa, nu keshüthangla Apvüwa cüki atsentsawa tsü pi milikemesa sale saden!

KEKULI 16:17

Nza tsüwa na Paul nu ikhang niela jisha, “Anyi hathu hana Kemisintsa Anyiza maghathu le! Mathu na nthu khati nu hangsha yaben khe tsü khi pi nthu kizaben!”

KEKULI 18:26

Ma Sinagog wi kempvüza ntsa sa nu nyu sansiden, isala Priskilla nu Aquila manyi na ma jüh zaya nu ma ssi wa Anyiza jüh khiti pi ma kiza.

KEKULI 19:23

Tsü tsüwi Apvüwa Lenwa ghena Efesa wi kivvü ntsa sa shagha .

KEKULI 19:3

Paul na mathu wi keü, “Isathu, nthu na mangwa baptism saya nu?” Mathu luneng, “Johan baptism le!”

KEKULI 19:9

Isala mathu pahan na leben-dhu nu n-nondila anyi tsüdi tuwi Apvüwa Lenwa tsü khisa. Tsalina Paul na mathu teshi nu sansikeyathu ssi wa Turannu kesansipen wina atsathangla mathu sansi nu ajüh keccünengli.

KEKULI 9:2

lesü zhü pi Damaska wi Sinagogthu wi chi cülo khie, isanu ma wala nza le npvüza lela Apvüwa Lenwa tsü nie ketenthu muya lethu, mathu bhen sen nu Jerusalem wi gho nengle kesalina.

ROMNYI 12:11

N-nontssüla nu apiketsü sa kuli. Nleben tsüdi pi Apvüwa kekuli sa tenlo.

2 TIMOTHI 2:4

Süpahi kesü na ma kekuli wi ma kediwa kenen sa mvu kesalina ma anyi kepathu kahang kekuli pi ma pakivvü nten.

JAMES 5:16

Tsalina nthu sa pi mehaiya thsüale kesalina khokho tu wi kesami khishi nu khokho ghena kekhie kesalilo. Ketsatan nyi kesü kekhie na kekhang ben ntsa kuliyaden.

PENDHENYI 2:22

Hi tsüthu sen nu Israel nyi hathu na mathu bamyithu ti Apvüwa len wi bentenla nye khe chüyaden.”

1 SAMUEL 12:23

Ighena tsü hi nthu ghena kekhie nsala nu sami pi Apvüwa shun nbenle. Tsüti kesawa nye, hi mangwa mehai nu kesau khe pi nthu sansi cüden.