Ma tsü miwi keu wha nu ayyi wi nkhwendu nu kekhie sa, “Iba, keujüla saya mehai lethu, hi wi ketizenkesa hyiwa ha khuya cülo! Isala hi kenen ti nye, no kenen ti sayalo.”
Pala tsüthu kuli cenkeya seng wi Paul na ma leben wi ma Macedonia nu Akhaya yyi pvüdhi sen nu Jerusalem wi wale meshenya nu khi, “Hi ciwi kewa seng wi wala Rom wi nwathu yishüben.”
Paul na Efesa pvüdhi wale südheya kesalina Asia wi matsü ndedi mvula sa, kepaghenanye ma saya kemehai chu Pentekost tsathang wi Jerusalem wi benle kesalina kaghaji ntsa saben.
(Kepaghenanye mathu hatu Efesa wina keghowa Trofima na anyunutiwa wi Paul gweghe keten mu, nu mathu Paul na ma ssinu Kekinyijjen wi wa she kemeshen ghena hati khi.)
Hi matsü tsüdi wi nthu meshen benden nu nthu ghena khie ben kesa Anyiza na chüben. Hi Anyiza wi khie nu ma kenen wina asakhen wi alen sa cü nu hi khili nthu wi gho tendha.
Keujüla hi asajjü wi kaghang ketan ghena Efesa wi “aghangsa nkemehaithu” ssikaghashen lethu, hi kekiyi mangwa ben nu? Isala keujüla keshüthu na hang shagha nben lethu, hati khi keben ti, “Ithu dhitsü wi shü wa keben ghena dsa nu jjü nalo.”
Isala Apvüwa kemeshen ti lethu, hi wan nthu wi ghoneng den, isanu hi ketanla hi anyi kapvü kebenthu na kekhi ketan nyela mathu kekhang keben tsü chüyaden.
Icünyuthu, kemehai sa benlo! Mehaicencu yale kesa ghena apiketsü salo; hi kekhi ha kinaya; khokho jühkeyali nu kecca wi hanglo. Anyiza nanketizen nu kecca ya nthu ssiben keyawa salo.
Hi Paul, Anyiza kemeshen wina Jisu Khrista apostel kesü sa keyawa na pi Efesa wi kemethathu, Jisu Khrista wi mathu kahang wi jühtsentsa sa ketenthu kecü.