KEKULI 18:12 - Kemethajüh (N) (Re-editing) Bible (BSI)

¹² Isala Gallio na Akhaya yyi wi Rom ahng saya meyi Judah nyithu na saghu wa Paul ghanya nu ma ssinu ajüh kekaghatenpen wi wa.

KEKULI 18:12 Iomraidhean Croise

MATHI 27:19

Pilat na ajühkekaghatenpen wi donki keben wi ma wubvü na ketsijüh kesü kesun pi ma wi chi: “Anyi kesami nkemiwa katsü miwi mangla nsa lalo, kepaghenanye hi khija iman wi ma ghena ketizen sa ntsa sale!”

JOHAN 19:13

Pilat na ajüh zakeya seng wi Jisu ssinu akhemi wi shhu nu ma pi ghankenan pen “Alon pi Kezhü” (Ibri jüh wina “Gabatha”) kesa wi tsü donki thsü.

KEKULI 13:12

Ahng na kekuli tsü muya nu ma nondiya; ma Apvüwa cüki kesansijüh tsü ghena amansa ntsa sa.

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 13:7

Anyi tsüna ayyi mangkehi tsüwa wi ahng Sergia Paulo pvüshangwa, ma kemetsa nyi kesü. Ahng na Anyiza jüh kina mvu kesalina Barnaba nu Saul manyi ci pi ma tuwi chi.

KEKULI 13:8

Isala kedema nyi kesü (Grik jüh wina ma nyan) Eluma tsüna manyi shun nu kenondi wina ahngwa ssi bvüale sa.

KEKULI 14:19

Judah nyi pahan na Pisidia yyi Antiok nu Ikonium wina gho; mathu na anyitenti zan pi mathu wiwa saya, nu alon pi Paul kecen nu ma shüdhale sala zan sen wa anyuti khesha wi khala.

KEKULI 14:2

Isala Judah nyi nkenondithu na Judah nyi nkenyethu leben sameshü pi kenondithu nanmeghü thsüa.

KEKULI 17:13

Isala Thessalonika wi Judah nyithu na Paul na wa Berea wi la Anyiza jüh khi pi nyu sansi benle kesa chüya meyi mathu na wa ciwi anyithu kethukehi nu kekivvü pfüsi.

KEKULI 17:5

Isala Judah nyithu na anyonsa nu ayela wi anyi ketesüthu kejon saghu pi anyunuti tsüwa wi anyi pakivvü shagha. Mathu wala Jason jjen vü nu Paul nu Sila manyi ghan sen nu anyitenti tuwi wale sa.

KEKULI 18:11

Tsalina Paul na amapi kesü nu asha tugho ciwi ben nu Anyiza jüh khi pi anyithu sansi.

KEKULI 18:27

Apollo na Akhaya yyi wi wa mvu kesalina Efesa wi kenondithu na ma kechü-kenong nu Akhaya wi sansikeyathu na ma ssiyalo kesa lesüzhü pi cüchi.

KEKULI 19:21

Pala tsüthu kuli cenkeya seng wi Paul na ma leben wi ma Macedonia nu Akhaya yyi pvüdhi sen nu Jerusalem wi wale meshenya nu khi, “Hi ciwi kewa seng wi wala Rom wi nwathu yishüben.”

KEKULI 25:10

Paul na khi, “Hi Rom Kadimiwa jüh kekaghatenpen tu wi ngan ben, isathu khiewa wa ijüh kaghaten nu? Hi Judah nyithu tuwi mangla sazzi ntheng kesa no mehaitsü chüben.

ROMNYI 15:26

Kepaghenanye Macedonia nu Akhaya wi kemehuthu na anonghethi nu keben khuchi pi Jerusalem wi Anyiza nyi kahhatuthu kiqaben.

ROMNYI 16:5

Shalom pi manyi jjen wi kemetuli keten kemehu la cüben. Shalom pi Asia yyi wi anyi Khrista nondi tegü keyawa ipvüshangwa Epaeneta cüben.

1 KORINTHNYI 16:15

Nthu na Stefana nu ma theghi cüki chüben; mathu na Akhaya yyi wi Khristanyi sakeya atuwa nu mathu tsü tsüdi pi Anyiza nyithu ghena kuli ketenthu. Icünyuthu, hi nthu wi khieben,

2 KORINTHNYI 1:1

Paul, Anyiza kemeshen wina Jisu Khrista apostel nu ithu cünyuwa Timothi wina pi Korinth wi kemehu nu Akhaya yyi tsüdi wi Anyiza nyithu tsüdi kecü:

2 KORINTHNYI 11:10

Khrista tsentsawa na hi wi keben tsüti hi kekapvü ha Akhaya yyi tsüdi wila ccen ben nben.

2 KORINTHNYI 11:26

Hi matsü kejon tughu kijünyi kewa wi atssüketi wi nu kaghanfüthu jawi, Judah nyithu nu Anyiza nkechüthu jawi kemessi wi ben; ciwi anyunuti nu agheja wi, atssükedone nu milikemesa pvüshangthu jawi kemessi wi ben.

2 KORINTHNYI 9:2

Nthu na nyu kiqa mvu keben tsü hi chüben; nu hi Macedonia wi anyithu tuwi nthu ghena kapvüdha. Hi khi, “Akhaya wi acünyuthu na khalawa na nyu kiqale kesa kidenyadha.” Nthu kesa mvuwa tsüna mathu kejonla kechü-kenong chidha.

1 THESSALONIKANYI 2:14

Ikhang cünyuthu, Judea wi Anyiza kemehuthu wi Jisu Khrista nyithu miwi sa kechi tsü makesü nthu miwi la sa chidha. Mathu na Judah nyithu kwen wi ketizen kesa ti nthu la nthu nyithu kwen wi ketizen sa ntsa sadha.

1 THESSALONIKANYI 2:16

Mathu na ikhang ketsijüh pi Judah nyi nkenyethu wi mathu hangshaya keten ghena kekhi tsü la khen. Mathu na hati nu keshüthangla kesamithu tsü sa cencu sa. Nu khili Anyiza leben kekha tsüna asakhen sa mathu miwi ghodha.

JAMES 2:6

Isala nthu na ketha-u nyi n-nyuwa ten le! Kebanthu na nthu meten-mesha nu nthu ssi nu pendhethu tu wi wa nten kwe?