KEKULI 18:10 - Kemethajüh (N) (Re-editing) Bible (BSI)

¹⁰ kepaghenanye hi no ssiden. thola no patenaya nben, kepaghenanye anyunuti ha wi inyithu kejonla ben.”

KEKULI 18:10 Iomraidhean Croise

BVÜKESHHU 4:12

Khili walo! Hi no kiqa pi khiya thsü, nu no mangwa nkhithu yishü khe kizaben.”

ISAYA 41:10

Nmessi lalo, hi nthu ssiden! Hi nthu Nyiza, mangla nthu npateqhe thsüla! Hi nthu sapi zü cü nu nthu kiqaden; Hi nthu khwe nu nthu hangsha yaden.

ISAYA 43:2

Nthu na atssükedhu pvüdhiwa lela hi nthu ssiden; nthu gükeccü tsüna nthu ghongshaya nben. Nthu na anni pvüdhi wa lela nthu mecangya nben; nthu metenkinan kedhu na gho lela tsüna nthu patenaya nben.

ISAYA 54:17

Isala aghitsanqai kesüla no patenaya nben; no no kemetsi-keminithu tsüdi lunengya kemehai benden. Hi imaghathu sheipiya, nu khangkeya pi mathu cüden. Apvüwa na khidha.”

ISAYA 8:10

Nthu acho kidenya! Isala mathu na mehaicenya nben. Nthu na nthu kekhi mvu khiya! Isala tsüdila kaghacang, kepaghenanye Anyiza na ithu ssiden.

MATHI 1:23

“Ghala pvünyimetha kesü na atsa-npvü nu atsa kesü pvügha yaben, nu ma nyan pi Immanuel (ma jjügi ‘Anyiza na ithu ssiden’) ciben.”.

MATHI 10:30

Isala nthu ghena tsü nthu lissen tsüdila si senben.

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

Luk Zhükechi Jühtheü Kemehaiwa 21:18

Isala nthu li wi assen kesütanla bhataghaya nben.

JOHAN 10:16

Nu ciwi ikhaghanenithu akhang hawa wi nkemi kepa wi la ben. Hi tsüthu la ssinu nghothu yishüben, mathu la ijüh kinaden. Isanu ciwi mathu akhang kesütan nu kehiewa la kesütan saben.

JOHAN 11:52

nu mathu ghena ketan nyela Anyiza nyithu bvü zighe kebenthu tsüdila saghu pi agwo kesütan sayaben

KEKULI 15:14

Anyiza na Judah nyi nkenyethu nantizen nu mathu jawi anyi mizza kesü pi ma nyithu sayale cikeya cüki khili Simon na khimetha chidha.

KEKULI 15:18

Kheni na ha pi chü thsü kesawa Apvüwa na tsüti khiben.’

KEKULI 18:11

Tsalina Paul na amapi kesü nu asha tugho ciwi ben nu Anyiza jüh khi pi anyithu sansi.

KEKULI 18:9

Ghaja kesü wi Paul na kemanthi kesü mu nu ciwi Apvüwa na ma wi kiza, “No nmessi lalo, nteshila nu ketsijüh khi benlo,

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

2 KORINTHNYI 12:9

Isala ma hi wi kiza, “Hi nanketizen tsüna nghena pongkemeni saben, kepaghenanye hi kekhangwa tsüna no nkekhang tsü wi sa pi cencu yaden.” Khrista kekhang na imiwi benle kesa meshenya thsüle kesalina hi nkekhang ghena kapvüden, isathu hi anonkeghe ntsawa.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.

2 TIMOTHI 4:22

Apvüwa na nthu ghamu ssiben den. Anyiza nanketizen ya nthu tsüdi ssiben tenlo.

JOSHUA 1:5

Joshua, no hang keben chu anyi thola no chaya nben. Hi Mosa ssi kegho ti no la ssi benden. Hi keshüthangla no ssi benden; khiewila hi no teshia nben.

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

PENDHENYI 2:18

Khathansha wi Apvüwa na Israel pendhewa kesü kesunchi khe pendhewa tsüna hang keben chu Apvüwa na ma kiqa pi ghinyithu kwen wi anyithu hangshaya thsü thsü isa. Anyithu na ketizenkesa nu agükeccü ghena kiqai ghena Apvüwa na mathu nantizen chicü.