KEKULI 17:4 - Kemethajüh (N) (Re-editing) Bible (BSI)

⁴ Mathu pahan na nondiya nu Paul nu Sila manyi nie wa, tsüti nza alikesathu nu Grik nyi akhang keti na Anyiza nondiya.

KEKULI 17:4 Iomraidhean Croise

KEMETSAJÜH 13:20

Kemetsathu gweghe tenlo isathu no la metsa yaden. Keujüla no kejüphonthu tsü ssinu apvüshang sa lethu no dedi yaden.

KEMETSAJÜH 9:6

Melalithu ssi ngweghela nu hanglo. Palakechü lenwa tsü nielo.”

Kesaki khwi 6:1

Nzathu jawi atsikemehai ntsawa, nzi pvüzawa na khiewa wadha nu? Nzi pvüzawa na alen khiewa wadha khe ithu kizalo, isathu ithu na no kiqa pi ma bhaya thsüben.

ZEKHARIYA 2:11

Tsü tsüwi mizzatenti kejon na Apvüwa wi gho nu ma nyithu sayaben. Ma nthu jawi hang, nu ma hi kesun pi nthu wi chile kesa nthu na chüyaben.

JOHAN 7:35

Judah nyi kekhang kesenthu na mathu jawi khi, “Anyi ha ma khiewa wale keben ghena ithu ma muya nben nu? Ma ithu nyi na wa hang keben Grik nyunutithu wi wala Grik nyithu sansi wa ben la?

KEKULI 13:43

Anyithu na zighe bvü kesa seng wi Judah nyi nu Judah nyi nkenye na Judah keccüna senwa kesathu kejonla Paul nu Barnaba manyi nie den. Apostel keni na mathu na Anyiza nanketizen wi hang ben tenlo kesa ajüh pi mathu kechü-kenong ntsa sachi.

KEKULI 13:50

Isala Judah nyithu na anyunuti tsüwa wi accülikesathu nu Judah nyi nkenye atheghi kemehai wi nza Anyiza kinyi ketenthu kethukehi chia. Mathu na Paul nu Barnaba manyi meten-mesha shagha nu ayyi tsüwa wina manyi jügü shia.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 14:4

Anyunuti tsüwa wi anyithu gishü pi keni sa; pahan na Judah nyithu wiwa, nu pahan na apostelthu wiwa sa.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:27

Ikhang na Judah nu Sila manyi kesun chiben, nu mathu na ikhang zhükechi hati khi pi nthu kizaben.

KEKULI 15:32

Judah nu Sila manyi na atusenjüh-kechüthu jüh kejon khi pi mathu satezü nu kechü-kenong chi cü.

KEKULI 15:40

Isala Paul na Sila kessiya nu wa, nu kenondithu na manyi pi Apvüwa nanketizen kekhu wi chi cüa.

KEKULI 16:3

Paul na Timothi ssi wa mvu ntsa kesalina ma Timothi hyuhan, kepaghenanye apen ciwi keben Judah nyithu tsüdila Timothi ba na Grik nyi le kesa chüben.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 17:12

Mathu kejonla nondiya; atheghi kemehai wi keshhugho Grik nzathu nu npvüzathu la kejon na nondiya.

KEKULI 17:14

Tsalina kenondithu na Paul kesun pi atssükaten yyi wi wa thsüa, isala Sila nu Timothi manyi na Berea wi ben wa.

KEKULI 17:17

Tsalina ma atsathangla Sinagog wi Judah nyithu nu Judah nyi nkenye Anyiza kinyi ketenthu nu asenkesapen wi anyi metu keyathu tsüdi ssinu keccünengli.

KEKULI 17:34

Isala anyi pahan na ma nie wa nondiya, tsü jawi hoho wi anyi kesü Dionusia; nu nza kesü Damari kesa nu kepathu la ben.

KEKULI 18:4

Ciwi ma Sabbath tsathang kaghapenla Sinagog wi wa Judah nyi nu Grik nyi la zanyale kesalina mathu ssinu ajüh keccücanli sa.

KEKULI 19:10

Amapi keni-u tsüti sa wa kesalina Asia yyi wi kahang Judah nyithu nu Grik nyithu la tsüdi Apvüwa jüh zaya.

KEKULI 2:44

Kenondithu tsüdila gweghe ashusa nu mathu keben tsüdila saghu pi kesü sa.

KEKULI 21:28

“Ae, Israel nyithu ghola kiqalilo! Anyi hawa ha kahe wi wala anyi tsüdi sansi pi Israel nyithu, Mosa Yenwa, nu Kekinyijjen ha shun thsüden. Nu ma khili Grik nyithu la ssigho kemetha penwa Kekinyijjen ha nakhi ben le!

KEKULI 28:24

Ma jüh ghena mathu pahan zanya, isala pahan na n-nondi.

KEKULI 4:23

Pitor nu Johan manyi lisha chicü meyi manyi na ghola keqhaikedi ntsathu nu keshenpfüthu na manyi wi mangwa le kiza khe khi pi manyi pvüshangthu kiza.

2 KORINTHNYI 8:5

Tsüna ikhang na ghang keben miwi le! Atuwa sa mathu ketanla mathu pi Apvüwa cüa; tsaseng wi Anyiza kemeshen wina mathu pi ikhang la cü.