KEKULI 17:23 - Kemethajüh (N) (Re-editing) Bible (BSI)

²³ Kepaghenanye hi kegoe sen nu nthu nyunuti ghang kewa wi nthu kekinyipen wi ‘Pi nkechü Nyiza kesü kecü’ tsüti zhü ketheng muya. Tsalina nthu na nchüla kinyi ketenwa tsü hi khi pi nthu kizaden.

KEKULI 17:23 Iomraidhean Croise

ZAKECI 147:20

Ma anyi kepathu miwi tsü hati kuli nchi; mathu na ma yenthu tsü nchü. Apvüwa senglo!

ZAKECI 50:21

No pala hathu tsüdila kulidha, isala hi mangla nkhi, tsalina no hi la no ti le kesa meshen. Isala hi khili no kha nu ajjügi ha pi no chü thsüben.

ISAYA 45:4

Hi imagha Israel kiqa cü thsüle no kessichi, hi kessi keya nyithu tsü. Hi kenyuwakü keti pi no cütheng, no hi nchü lela.

MATHI 15:9

Mathu na hi kekinyi tsüna kaghacang, kepaghenanye mathu na anyi sa kechi ayenthu tsü pi iyenthu ti nyu sansiden.’ ”

JOHAN 17:25

O, Ketsatan Bawa! Ayyi nyi na no nchü, isala hi tsü no chü, nu hathu ha no hi kesun chile kesa chüben.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 4:22

No Samaria nyithu na nthu thowa kinyi ten khe tsü nchü; isala hi Judah nyithu na ithu thowa kinyi ten khe chüben, kepaghenanye hangshakeya na Judah nyithu wina gho.

JOHAN 8:54

Jisu na luneng, “Keujüla hi ketanla inyanthang lethu, tsüna mangla nye. isala inyanthang chi ketenwa tsüna Anyiza, nthu na pi nthu ba le khi ketenwa tsüle!

KEKULI 17:30

Anyiza na anyi nkechü tsüwi tsü mula nkemu ti teshi cüdha; isala khilitsü anyi kahe wi keten tsüdila mathu nkemehai wina khapeghe yalo kesa ahza khuchidha le!

ROMNYI 1:28

Mathu na Anyiza jüh atsentsawa tsü pi mathu leben wi ntheng mvu kesalina Anyiza na mathu teshidha. Tsalina mathu leben wi nkemetha meshen nu mathu na nkesau nkemehaithu tsü sa wadha.

1 KORINTHNYI 1:21

Kepaghenanye Anyiza na ma kemetsa wina ayyi nyithu na mathu kemetsa sen nu ma chüya nben sadha. Tsüti kesawa nyela, ikhang na pi sansi keten ketsijüh pi “kejüphon jüh” le khi ketenwa ha kenondithu na hangsha yaben kesa Anyiza na südhedha.

1 KORINTHNYI 8:5

Kepaghenanye atssan nu ayyi wi acenpvü le ci keten na ben, ntsakhiwa ciwi acenpvü nu apvüwa kejon na ben lela,

EFESANYI 2:12

Tsü tsüwi nthu na Khrista wiwa nye. Nthu na asang sa nu Anyiza na kessikeya nyi nsa. Anyiza na pi ma nyithu cüle kesa ghena khishi ketheng cenkethenjüh wi tsü nthu ji nmi, nu nthu na ayyi ha wi kaghang nmi nu Anyiza nchüla hang.

2 THESSALONIKANYI 2:4

Ma acenpvü le khi keten nyelela kinyi keten pvüwa tsüdi shun nu ma pi tsüthu tsüdi miwi kemisiwa sa, nu ma Anyiza Kekinyijjen wi lela dula donki nu ma pi Anyiza le khiben.

1 TIMOTHI 1:17

Anuphan Kadimiwa, shü nketen nu mu nketenwa, ma ketan Anyiza, anuphan nu anuphanla kinyikü nu anyankethangwa salo! Amen.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.