KEKULI 17:2 - Kemethajüh (N) (Re-editing) Bible (BSI)

² Paul na pi ma yen sa keten ti Sinagog wi wa. Nu Sabbath tsathang kecheng-u jüwi ma anyithu ssinu keccünengli,

KEKULI 17:2 Iomraidhean Croise

ISAYA 1:18

Apvüwa na khi, “Ithu keccünengli nu südheya na. Kesami na nthu ten pi nmieni sadha, isalela hi nthu bhu pi aghola ti metha cüaden. Nthu ten pi nmieman ben lela sapi asa ssen ti mikidhi sa thsüaden .

MATHI 26:24

Ntsawajüh kekhi ti Anyi Tsawa na shüaben, isala anyi Anyi Tsawa matsa kesawa ghena tsü khatila qhethiketen saten nu! Anyi tsüwa ghena tsü ma pvügha nkeghowa ma ghena mehaidha le!”

Luk Zhükechi Jühtheü Kemehaiwa 4:16

Tsaseng wi Jisu na ma hang keshagha nyu Nazareth wi wa khenighani ti Sabbath tsathang wi Sinagog wi wa nu shagha Ntsawajüh si.

JOHAN 18:20

Jisu na luneng, “Hi keshüthangla anyithu jawi tsüdi sansiden; nu anyithu na gho Sinagogthu nu Kekinyijjen wi saghuya lethu, hi mathu sansile. Hi khiela kekuthi wina mathu wi mangla nkhi.

KEKULI 13:14

Manyi Perga wina sa sen nu Pisidia yyi Antiok wi ghoya. Manyi Sabbath tsathang wi Sinagog wi du nu donki ben.

KEKULI 13:5

Manyi wala Salami cu keya wi Judah nyi Sinagog wi wa Anyiza jüh khi pi nyu sansi. Manyi Johan Mark yala kekuli wi manyi kiqa thsüle ssiya.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 17:17

Tsalina ma atsathangla Sinagog wi Judah nyithu nu Judah nyi nkenye Anyiza kinyi ketenthu nu asenkesapen wi anyi metu keyathu tsüdi ssinu keccünengli.

KEKULI 18:4

Ciwi ma Sabbath tsathang kaghapenla Sinagog wi wa Judah nyi nu Grik nyi la zanyale kesalina mathu ssinu ajüh keccücanli sa.

KEKULI 19:8

Paul na Sinagog wi wa nu asha kecheng-u kempvüza ntsa sa nu Anyiza Kadiyyi cüki khi pi anyithu zanyale kesalina mathu ssinu ajüh keccücanli.

KEKULI 24:25

Isala Paul na ketsatan, kekhenengkeya, ghoketen Jühkekaghaten tsathang cüki tsü khi kewa wi Felix na messiya nu khi, “No bvüyilo! Hi matsü muya lethu no ci neng chiben.”

KEKULI 28:23

Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi.

KEKULI 8:35

Tsaseng wi Filip na khi; ma Ntsawajüh ha wina khiwa Jisu cüki Jühtheü Kemehaiwa pi ma kiza.

KEKULI 9:20

Ma meshonqhe Sinagogthu wi wa nu Jisu tsüna Anyiza Tsawa le kesa pi nyu sansi.

1 KORINTHNYI 15:3

Hi mukeya ti pi nthu wi kiza, nu tsüna aghuti ntsawa: Ntsawajüh wi zhü ketheng ti Khrista na ithu kesami ghena shü;

1 SAMUEL 12:7

Ciwi nthu keben pen wi nganben lalo, hi khili Apvüwa na nthu nu nthu bamyithu hangshayale kekuli keti sa kechithu tsüdi khipi nthu kiza neng nu Apvüwa tuwi na nthu kimenniden.