KEKULI 17:18 - Kemethajüh (N) (Re-editing) Bible (BSI)

¹⁸ Ciwi Epikuri nyi nu Stoik kesansithu la gho ma ssinu keccücanli. Mathu pahan na “Hawa ha kejüphon jüh mangwa khiben nu?” isa keü. Kepathu na luneng, “Ma asang cenpvü cüki khiben.” Paul na Jisu nu ma hangneng-keshagha cüki pi kesansi ghena mathu hati khi.

KEKULI 17:18 Iomraidhean Croise

KEMETSAJÜH 23:9

Kejüphonwa wi ma men keben jüh tsü nkhi lalo; ma tsüna mehai le sa nben.

KEMETSAJÜH 26:12

Kejüphon jüphon ntsawa tsüna anyi kesü na nmetsa lela metsa le meshen ketenwa miwi mehai le.

MARK 9:14

Mathu na wa sansikeya kepathu gweghe keya wi anyitenti na gho mathu vüya nu Ayenkesansithu na mathu ssinu keccücanli ben.

Luk Zhükechi Jühtheü Kemehaiwa 11:53

Jisu na apen keteshi seng wi Farisithu nu Ayenkesansithu na sashüna ma then nu ma wi pala kejon pi keü,

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

KEKULI 4:2

Mathu na lebenminu ntsa sa, kepaghenanye apostel keni na Jisu na keshü wi hangshagha kesa tsüti anyi la keshü wina kahang wi shaghaneng shaben le pi anyithu sansi kesa ghena.

KEKULI 5:42

Mathu atsathang wila nhandhila Kekinyijjen wi nu nyu jjen wi Jisu, Messiya cüki Jühtheü Kemehaiwa tsü pi nyu sansi.

KEKULI 6:9

Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

ROMNYI 1:22

Mathu na mathu metsa ben le khiden, isala mathu na kejüphonthu;

1 KORINTHNYI 3:18

Anyi thola ma ketanla ma nmechula. Keujüla nthu jawi anyi meshu kesü na ma ayyi ha wi metsa benle meshen ben lethu, ma atsentsa kemetsa nyi saya thsüle kesalina ma kejüphon kesü sa thsülo.

1 KORINTHNYI 4:10

Khrista ghena ikhang na kejüphonthu; isala nthu na Khrista wi kemetsathu le! Ikhang na nkhang, isala nthu na khangben! Nyu na ikhang nkhichi, isala nyu na nthu kinyikü ben.

KOLOSSINYI 2:8

Isanu anyi kesüla Khrista wina kegho nkenye kesansijüh, anyithu nu atssan ghamuthu wina kegho anyi kemeshen ma men nkemi nu kemechu kemetsa tsü pi nthu sa pi amagha nsa thsüla.