KEKULI 17:16 - Kemethajüh (N) (Re-editing) Bible (BSI)

¹⁶ Paul na Athen wi Sila nu Timothi manyi hie keben jü ma anyunuti wi atsikezhüthu pong keben mu pi ma leben güccü ntsa sa.

KEKULI 17:16 Iomraidhean Croise

1 KADIMITHU 19:10

Ma luneng, “Kemisintsa Apvüwa Anyiza, hi keshüthangla no kekuli ketan saden. Isala Israel nyithu na no ssinu cenkethenjüh tsü pakhhidha. Hi hi ketan sadha, nu mathu na hi la pathiale saben le!”

1 KADIMITHU 19:14

Ma luneng, “Kemisintsa Apvüwa Anyiza, hi keshüthangla no kekuli ketan saden. Isala Israel nyithu na no ssinu cenkethenjüh tsü pakhhidha, no kekinyipen yasa, nu atusenjüh-kechüthu tsüdi pathikhidha. Hi hi ketan sadha, nu mathu na hi la pathia le saben le!”

ZAKECI 119:136

Inyontssü na aghaku kesü ti lle dugho, kepaghenanye anyithu na n-yen n-nie mvu.

ZAKECI 119:158

Hi khathansha wi nyu matsa ketenthu tsü muya lakhe hi mathu n-ghangmvu laden, kepaghenanye mathu na n-yenkhukechithu tsü nie nten.

ZAKECI 69:9

Hi no kekinyijjen wi leben kechi tsüna imiwi anni ti mecang ben; no nkekhichi jühthu tsüdila imiwi qanca dugho.

JEREMIYA 20:9

Isala hi khathansha wi “Hi Apvüwa malia ten le, nu ma nyan wina nkhidha,” isa khi khe njüh na anni ti hi mecang waden. Hi tsü kekheneng le ipiketsü sa, isala tsü pvüben meya laden.

MIKA 3:8

Isala ighena tsü Apvüwa na ma ghamu nu kekhang pi hi pong cü, nu ajüh tsentsa kesen nu kempvüza pi hi cü nu Israel nyithu mathu kesami pi kiza thsüle sa thsü.

MARK 3:5

Jisu na ma leben minu nu mathu ghang kevüli, isala ma mathu ghena hathana, kepaghenanye mathu na leben-dhu nu sazziben. Tsaseng wi ma anyi tsüwa wi khi, “Nkwen changchilo.” Anyi tsüwa na ma kwen changchi nan tsüna mehai nengya.

JOHAN 2:13

Tsüna Shhukeya Kho kesa tsü cu wa tendha, tsalina Jisu na Jerusalem wi wa.

KEKULI 17:15

Paul ssinu kewathu na ma ssi wa Athen kecu chi cüa. Tsaseng wi mathu na Paul wina Sila nu Timothi manyi ya wan gho ma gweghe yalo kesa kecükegwe sen nu Berea wi gho neng.

KEKULI 17:21

(Kepaghenanye Athen nyithu nu asang ciwi hang kebenthu tsüdila matsü dedi pi ajüh ketheü cüki tsü khi nu kina mvu kesalina.)

KEKULI 17:23

Kepaghenanye hi kegoe sen nu nthu nyunuti ghang kewa wi nthu kekinyipen wi ‘Pi nkechü Nyiza kesü kecü’ tsüti zhü ketheng muya. Tsalina nthu na nchüla kinyi ketenwa tsü hi khi pi nthu kizaden.

KEKULI 18:1

Tsaseng wi Paul na Athen wina Korinth wi ghoya.

KEKULI 20:22

Hi khili Kemetha Ghamu jühkina nu Jerusalem wi wale bendha, isala hi ciwi khati saben khe nchü.

1 THESSALONIKANYI 3:1

Asakhenwa, ikhang na nthu nmvu kesa tsü pvüben meyala. Tsalina ikhang na Athen wi ben wa

2 PITOR 2:7

Ma Lot anyi ketsatanwa, ayen nmila kahang nyi hang nkemetha yencüki ghena lebennaa kebenwa tsü khushiya.