KEKULI 17:11 - Kemethajüh (N) (Re-editing) Bible (BSI)

¹¹ Anyi hathu na Thessalonika nyithu miwi meshonki. Mathu na lebenchi ntsa nu ketsijüh tsü kina, nu Paul kekhi tsüna ntsakhiwala nye khe chüyale kesalina keshüthangla Ntsawajüh tsü si.

KEKULI 17:11 Iomraidhean Croise

Job Lesüshen 23:12

Hi keshüthangla Anyiza jühkhukechi tsüna mangwa khe tsü nie den; Hi hi kenmvuwa nyela ma kenenwa nie den.

ZAKECI 119:100

Hi anyi keqhaithu miwila metsaki, kepaghenanye hi n-yen khukechithu tsü nie den.

ZAKECI 119:148

No kicükegwethu tsü meshendhu le kesalina, aghaja thangthang hi njenshüla khhali.

ZAKECI 119:97

Hi khatila n-yen tsü ghali nu! Hi ghanan thangthang la tsü meshen ben den.

KEMETSAJÜH 1:5

Kemetsajüh hathu hana palakechü pi kemetsathu wwacü nu lenketsütson pi lesükechüthu la chüya mehai,

KEMETSAJÜH 8:10

Rükatssü mithon wi hi kicükegwewa tsü kessiya; suna kemehai ntsawa miwi palakechüwa kessi yalo.

KEMETSAJÜH 9:9

No kemetsa nyiwa wi kekiza jüh tsü ma sapi metsa kayi cüden. No mang pi anyi ketsatanwa kiza khe tsüna ma palakechü wwa neng cüden.

ISAYA 34:16

Apvüwa lesüshen wi hang keben aghangsathu cüki ma jjügi na mangwa khe bha nu si nanlo. Hathu kesüla nkemu sa nben, nu kesütanla ma kegweghewa nkemi sa nben. Apvüwa na tsüti salo khichidha; ma ketanla tsüthu ssighoben.

ISAYA 8:20

Nthu na hati mathu wi khineng den: “Apvüwa na nthu sansi keben jüh kinachilo! Keshü keccünengthu jüh nkina lalo, mathu na nthu kiza ketenwa tsüna nthu ghena kemehai kuliya nben le.”

JEREMIYA 2:21

Macü kemehai ntsawa wi kessishikeya kemeshentsse ton ti hi no pi sheng chi. Isala no mangwa khati sadha nu? No kemeshentsse ton kebighe ma men nkemi ti sadha.

MATHI 13:23

Amacü ayyi kemehai wi keqancathu tsüna anyi na ajüh tsü zaya nu chüya kesathu: mathu pahan na abi meza, pahan na abi achentugho, nu pahan na abi changha tsüti bünya.”

Luk Zhükechi Jühtheü Kemehaiwa 1:2

Mathu na aghatsan wi anyon pi mu nu ketsijüh pi kekhithu na pi ithu kekiza ti zhüchi.

Luk Zhükechi Jühtheü Kemehaiwa 11:3

Atsathangla nsenthu keyishü kedsakejjü pi ithu cülo.

Luk Zhükechi Jühtheü Kemehaiwa 16:29

Abraham na khi, ‘Mosa nu atusenjüh-kechüthu na mathu kitsanben, ncünyuthu na mathu kekhi jüh tsü kina keya-ule.’

Luk Zhükechi Jühtheü Kemehaiwa 24:44

Tsaseng wi ma mathu wi khi, “Hi hathu cüki tsüdila kheni nthu gweghe keben wina khi pi nthu kizadha, Mosa Yenwa, atusenjüh-kechüthu na kezhü, nu Zakeci wi ighena zhü kethengthu tsüdila sacen shaben.”

JOHAN 3:21

Isala thowa na atsentsawa kuli ten khe kewegüwa wi ghoden, ma kekuli tsüna Anyiza jühkeya wina kulile kesa pi ccücale kesalina.

JOHAN 5:39

Nthu na Ntsawajüh tsü siden, kepaghenanye nthu tsüthu wi anuphan kahang tsü muya benle meshenden. Ntsawajüh tsüdila isheipiben.

KEKULI 10:33

Tsalina hi no cichilo kesun chile, nu no nantizen nu ghodha. Ikhang na khili tsüdila Anyiza tuwi ben nu Apvüwa na no mangwa khilo kiza khe tsü kinale hie ben.”

KEKULI 11:1

Judea wi apostelthu nu kenondithu tsüdila Judah nyi nkenyethu la Anyiza jüh yayadha le kesa zaya.

KEKULI 17:1

Paul nu Sila manyi na Amfipoli nu Apollonia pvüdhi sen Thessalonika wi ghoya, nu ciwi Sinagog kesü ben.

KEKULI 2:41

Mathu kejonla ma jüh kekhi tsü nondiya nu baptaiz saya, nu tsü ghanan anyi hazar kecheng-u pi mathu wwaya.

AYENZHÜNENG 29:29

“Ciwi Apvüwa ithu Nyiza na pala pahan pi kuthitheng; isala ma ma Yenwa tsüpi ccüca, ithu nu ithu shicübvüghathu na anuphanla tsü nieden.”

1 THESSALONIKANYI 1:6

Nthu na ikhang nu Apvüwa ti sa yalo; kepaghenanye nthu na ketizen sa ntsa sa lela nthu na Kemetha Ghamu wina kegho ketsijüh nonkeghewa tsü muya.

1 THESSALONIKANYI 2:13

Ciwi ajjügi kepa wi la kesü ghena ikhang na keshüthangla keseng pi Anyiza cüden. Ikhang na Anyiza ketsijüh sen nu nthu wi kegho wi nthu na tsü pi anyi jüh ti nsala ntsakhiwa pi Anyiza ketsijüh sa nu yaya. Kepaghenanye Anyiza na nthu kenondi miwi kuliben.

2 THESSALONIKANYI 2:10

nu dedi ketenthu miwi gheshighena kemechu kepapa tsüdi saben. Mathu na dediaben, kepaghenanye mathu na ketizen nu atsentsa tsü yaya nu hangsha meya mvula.

JAMES 1:21

Tsalina ayencüki nkemetha nu gheshighenathu tsüdi teshilo. Anyiza tu wi whanu ma ajüh pi nthu leben wi yangchi ketheng, nthu hangshaya kemehaiwa tsü yayalo.

1 PITOR 2:2

Nthu na tsü jjü nu shigü wa hangshayale kesalina memethu ti keshüthangla aghamulen wi tsenitssü kemetha tsü nmvu ben tenlo.