KEKULI 17:1 - Kemethajüh (N) (Re-editing) Bible (BSI)

¹ Paul nu Sila manyi na Amfipoli nu Apollonia pvüdhi sen Thessalonika wi ghoya, nu ciwi Sinagog kesü ben.

KEKULI 17:1 Iomraidhean Croise

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 15:21

Kepaghenanye Mosa Yenwa tsüna kheni wina Sabbath tsathang kaghapenla pi Sinagogthu wi si ghodha, nu ajühwa tsü pi anyuti tsüdi wi khichidha.”

KEKULI 16:13

Sabbath tsathang wi ikhang na anyunuti na ameiwa aghaku ghüsa wi Judah nyithu na kekhie kesa pen benle meshen nu wa, ciwi nzathu na saghu keben wi ikhang na wa mathu ssinu keccünengli.

KEKULI 17:10

Aghaja sa meyi kenondithu na Paul nu Sila manyi kesun pi Berea wi wa thsüa. Manyi na wa cu keya wi Sinagog wi du.

KEKULI 17:11

Anyi hathu na Thessalonika nyithu miwi meshonki. Mathu na lebenchi ntsa nu ketsijüh tsü kina, nu Paul kekhi tsüna ntsakhiwala nye khe chüyale kesalina keshüthangla Ntsawajüh tsü si.

KEKULI 17:13

Isala Thessalonika wi Judah nyithu na Paul na wa Berea wi la Anyiza jüh khi pi nyu sansi benle kesa chüya meyi mathu na wa ciwi anyithu kethukehi nu kekivvü pfüsi.

KEKULI 20:4

Berea wina kegho Sopater tsa Purhu, Thessalonika wina kegho Aristarka nu Sekunda manyi, Derbe wina kegho Gaya, Asia yyi wina kegho Tukhika nu Trofima manyi, nu Timothi hathu na ma ssi wa.

KEKULI 27:2

Ikhang na Adramuttium wina ahunjjen kesü na Asia yyi atssükedone wi tsü wale keben pang wala ciwi duya nu wa. Macedonia nyi kesü Thessalonika wina keghowa Aristarka la ikhang gweghe wa.

FILIPPINYI 4:16

Hi Thessalonika wi hhatu keben wi nthu na kejon tughu kekiqa kesun pi hi cü.

1 THESSALONIKANYI 1:1

Paul, Sila, Timothi wina pi Thessalonika wi Abawa Anyiza nu Apvüwa Jisu Khrista kemehu nyithu kecü: Anyiza nanketizen nu kecca ya nthu ssiben keyawa salo.

1 THESSALONIKANYI 2:2

Ikhang na Thessalonika wi nthu wi npi kegho jü Filippi wi ikhang na khatila kejügheya nu kimenni khe nthu na chüben. Ciwi kematang na kejon ben lela Anyiza na kempvüza pi ikhang cü nu ikhang na ma wina kegho Jühtheü Kemehaiwa tsü pi nthu kiza.

2 THESSALONIKANYI 1:1

Paul, Sila, nu Timothi wina pi Thessalonika wi ithu Bawa Anyiza nu Apvüwa Jisu Khrista kemehu nyithu kecü:

2 TIMOTHI 4:10

Dema na ayyiwa ha nenwa kesalina hi teshi nu Thessalonika wi wadha. Kresken na Galatia wi wa, nu Tita na Dalmatia wi wadha.