KEKULI 16:9 - Kemethajüh (N) (Re-editing) Bible (BSI)

⁹ Tsü ghaja Paul na kemanthi kesü mu, ciwi Macedonia nyi kesü na gho ma tuwi ngan nu ma wi khie, “Macedonia wi ghala ikhang kiqa cülo!”

KEKULI 16:9 Iomraidhean Croise

KEKULI 10:3

Minulen wi amighe kecheng kekihhe-u wi tsü ma kemanthi kesü mu, ciwi Anyiza nyilo kesü ma wi gho nu ma cichi, “Kornelia!”

KEKULI 10:30

Kornelia na khi, “Ghanan kecheng wadha, ha tsü wi ha hi minulen wi amighe kecheng kekihhe wi kekhie saben. Zuli anyi athsümeni kemiki mphi nu gho wan ituwi nganya,

KEKULI 16:10

Paul na kemanthi tsü chüya meyi ikhang na Macedonia wi wale kidenya, kepaghenanye Anyiza na Jühtheü Kemehaiwa pi ciwi anyithu kizalo kesa ghena ikhang ci benle kesa südheya.

KEKULI 16:12

Nu ciwi na wa Rom nyi na Macedonia yyi wi anyunuti sa keben Filippi wi tsü waya, isanu ikhang na ghanan keu ciwi ben.

KEKULI 18:5

Sila nu Timothi manyi na Macedonia wina gho kecu seng wi Paul na apitsü ntsa sa nu matsü tsüdi wila Judah nyithu wi Jisu tsüna Messiya le kesa pi sansi.

KEKULI 19:21

Pala tsüthu kuli cenkeya seng wi Paul na ma leben wi ma Macedonia nu Akhaya yyi pvüdhi sen nu Jerusalem wi wale meshenya nu khi, “Hi ciwi kewa seng wi wala Rom wi nwathu yishüben.”

KEKULI 19:22

Tsalina ma ma kiqa keten meshu keni Timothi nu Erasta manyi kesun pi Macedonia wi chi nu ma ghanan keu Asia yyi wi ben wa.

KEKULI 19:29

Anyunutiwa maben la kivvü ntsa sa shagha, nu anyithu na wala Macedonia nyi meshu keni na Paul nie keten Gaya nu Aristarka manyi zan sen nu ajjen wi wa.

KEKULI 20:1

Kekivvü tsü kecen seng wi Paul na kenondithu cighu nu saketezü jüh khi pi kiza nu mathu kemehai sa benlo kiza nu Macedonia wi wa.

KEKULI 20:3

Ma asha kecheng ciwi ben. Nu ma Siriya wi wale kiden keben wi Judah nyithu na ma miwi acho sa keben chüya nu ma Macedonia yyi pvüdhi sen nu wha nengle südheya.

KEKULI 27:2

Ikhang na Adramuttium wina ahunjjen kesü na Asia yyi atssükedone wi tsü wale keben pang wala ciwi duya nu wa. Macedonia nyi kesü Thessalonika wina keghowa Aristarka la ikhang gweghe wa.

KEKULI 9:38

Joppa nu Luda manyi jü na kesie nye. Joppa wi kenondithu na Pitor na Luda wi benle kesa chükeya wi mathu na meshu keni wi hati khila kesun pi ma ci wa thsü, “Tizen lethu, wan ikhang wi gholo.”

ROMNYI 15:26

Kepaghenanye Macedonia nu Akhaya wi kemehuthu na anonghethi nu keben khuchi pi Jerusalem wi Anyiza nyi kahhatuthu kiqaben.

2 KORINTHNYI 11:9

Hi nthu gweghe keben wi hi nsenthu keyishü wi lela nthu likesaghang nsa; kepaghenanye Macedonia wina kegho acünyuthu na hi nsenthu keyishü tsüdi sengho hi cüa. Tsalina hatu wi ti hi ghaketen wi lela khiela nthu likesaghang sa nben le!

2 KORINTHNYI 12:7

Isala hi amankesa kejon mukeya tsü ghena hi ketanla hi meshen pi nkapvü thsüle kesa ghena asajjü wi kinaa keti kesü pi imiwi chicü theng, tsüna satan nyilo ti sa nu hi kekapvü wi hi pashaden.

2 KORINTHNYI 7:5

Ikhang na wala Macedonia cukeya wi lela mnan meya. Apen tsüdi wi agükeccü, nyu ssinu kekitagha, nu aleben wi kemessi na ben.

2 KORINTHNYI 8:1

Ithu cünyuthu, ikhang na nthu yala Anyiza nanketizen na Macedonia wi kemehuthu wi khati sacen cü khe chüya thsü mvu ben.

2 KORINTHNYI 9:2

Nthu na nyu kiqa mvu keben tsü hi chüben; nu hi Macedonia wi anyithu tuwi nthu ghena kapvüdha. Hi khi, “Akhaya wi acünyuthu na khalawa na nyu kiqale kesa kidenyadha.” Nthu kesa mvuwa tsüna mathu kejonla kechü-kenong chidha.

AYENZHÜNENG 30:13

Nyelela tsüna atssükedone khhakawa nkenye ghena nthu na hati nkeüla, ‘Ithu na tsü kina nu nieyale kesalina thowa na atssükedone pvüdhi khhakawa tsü sengho ithu cü thsü nu?’

1 THESSALONIKANYI 4:10

Nu ntsakhiwa, nthu na Macedonia tsüdi wi acünyuthu tu wi hati saden. Tsalina ikhang cünyuthu, nthu na ha miwi la tsüti sa tenlo khieben.