KEKULI 16:6 - Kemethajüh (N) (Re-editing) Bible (BSI)

⁶ Kemetha Ghamu na mathu yala Asia yyi wi ketsijüh nkhi thsü mvula kesalina mathu na Frugia nu Galatia pvüdhi wa.

KEKULI 16:6 Iomraidhean Croise

ISAYA 30:21

Keujüla nthu na alen deja sen nu ajewa nyelela tevüwa wa lela nthu sengwi ahhai hati khi keben zayaben, “Alen hewi benle. Hawa nielo.”

Luk Zhükechi Jühtheü Kemehaiwa 1:2

Mathu na aghatsan wi anyon pi mu nu ketsijüh pi kekhithu na pi ithu kekiza ti zhüchi.

KEKULI 10:19

Pitor na khili kecu kemanthi jjügi tsü chüyale keben wi Aghamu na ma wi kiza, “Kinalo! Meshu kecheng na no bhaden.

KEKULI 11:12

Aghamu na hi mathu gweghe wa nkesütu lalo hi kiza. Joppa wi kenondithu ma tugho ha la hi gweghe Kaesarea wi wa, nu ikhang tsüdila Kornelia jjen wi wa.

KEKULI 16:7

Mathu na wa Musia ggü cu keya wi mathu na Bithunia yyi wi wale kiden, isala Jisu Ghamu na mathu ya tsüti nsa thsü mvu.

KEKULI 18:23

Ma ghanan keu ciwi ben theng nu tsaseng wi Galatia nu Frugia yyi pvüdhi wala kenondithu tsüdi satezü.

KEKULI 19:10

Amapi keni-u tsüti sa wa kesalina Asia yyi wi kahang Judah nyithu nu Grik nyithu la tsüdi Apvüwa jüh zaya.

KEKULI 20:16

Paul na Efesa pvüdhi wale südheya kesalina Asia wi matsü ndedi mvula sa, kepaghenanye ma saya kemehai chu Pentekost tsathang wi Jerusalem wi benle kesalina kaghaji ntsa saben.

KEKULI 20:28

Tsalina nthu ketanla nthu ghena nu Kemetha Ghamu na nthu pi hie thsü ketheng nenithu tsü nonccayalo. Anyiza kemehu, ma ma Tsawa pi ahhansha kesa wina sa kethengwa tsü hie kemehai saya.

KEKULI 20:4

Berea wina kegho Sopater tsa Purhu, Thessalonika wina kegho Aristarka nu Sekunda manyi, Derbe wina kegho Gaya, Asia yyi wina kegho Tukhika nu Trofima manyi, nu Timothi hathu na ma ssi wa.

KEKULI 21:27

Ghanan tagü cen keten wi Asia yyi wina kegho Judah nyithu pahan na Paul Kekinyijjen wi keben muya. Mathu na anyi tsüdi kethukehi chi nu wa Paul ghanya nu jisha pi

KEKULI 6:9

Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha .

KEKULI 8:29

Kemetha Ghamu na Filip wi kiza, “Gorugari katsüwa tetsaki whalo.”

ROMNYI 16:5

Shalom pi manyi jjen wi kemetuli keten kemehu la cüben. Shalom pi Asia yyi wi anyi Khrista nondi tegü keyawa ipvüshangwa Epaeneta cüben.

1 KORINTHNYI 12:11

Isala hathu ha tsüdila Aghamu kesütan nu makesü wina saben; ma kenen kemeshen wina aju kepapa kesa pi meshu kesüsü cüben.

1 KORINTHNYI 16:1

Khili nthu na Judea wi Anyiza nyithu ghena apisa khukechi cüki zhükechi tsü khi waden. Nthu na hi Galatia kemehuthu wi kekiza tsü nsathu yishü.

1 KORINTHNYI 16:19

Asia yyi wi kemehuthu na nthu shalom saben; Aquila nu Piskilla nu manyi jjen wi kemehu nyithu na Apvüwa nyan wina nthu shalom saben.

2 KORINTHNYI 1:8

Icünyuthu, nthu yala ikhang na Asia yyi wi ketizen kesa cüki tsü chüya thsü mvuben. Ikhang na agüccü ntsa nu ketizen sa ntsa kesalina ikhang hangya keben n-nondi lale!

GALATIANYI 1:2

Hewi acünyuthu tsüdila hi gweghe shalom kesun pi Galatia wi kemehuthu cüben.

GALATIANYI 3:1

No kejüphon Galatia nyithu! Thowa na nthu madeja nu? Nthu nyon wi Jisu Khrista na kross miwi keshü jjügi tsü muthatha keben na!

2 TIMOTHI 1:15

Asia yyi wi keben Figela nu Hermogena manyi nu kepathu la tsüdi hi teshidha kesa no chüben.

2 TIMOTHI 4:10

Dema na ayyiwa ha nenwa kesalina hi teshi nu Thessalonika wi wadha. Kresken na Galatia wi wa, nu Tita na Dalmatia wi wadha.

IBRINYI 11:8

Kenondi ghena Abraham na Anyiza na diyyi pi ma cüle khichi ketheng wi tsü walo ma ci kechi wi ma Anyiza jühkina. Ma khiewa waten khe nchüla ma diyyiwa teshi nu bvüa.

1 PITOR 1:1

Jisu Khrista apostel Pitor na pila Anyiza na kessikeya nyithu na bvüzighe sen nu Ponta, Galatia, Kappadosia, Asia, nu Bithunia yyi wi kebenthu kecü.

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:4

Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,