KEKULI 16:25 - Kemethajüh (N) (Re-editing) Bible (BSI)

²⁵ Ghaja non wi Paul nu Sila manyi na kekhie sa nu akhwisa pi Anyiza seng ben, nu atssüzüthu na manyi hhai tsü kina ben.

KEKULI 16:25 Iomraidhean Croise

Job Lesüshen 35:10

Isala mathu na Anyiza mathu sahangkechiwa, mathu na kejang ntsa wi kaghang khuchi cü ketenwa wi kheneng wa nten.

ZAKECI 119:55

Aghaja wi hi no meshen, nu n-yen tsü meshen ben den, Apvüwa .

ZAKECI 119:62

No ketsatan wina ajühkekaghakhithu tsü ghena hi aghaja non wila shagha nu no seng den.

ZAKECI 22:2

Hi aghanan wi no cichi, iNyiza, isala no hi nluneng; hi aghaja wila ci, isala mnan meya.

ZAKECI 34:1

Hi keshüthangla Apvüwa seng; hi ma nseng la meyacha.

ZAKECI 42:8

Apvüwa ya aghanan wi ma ghaliki ketenwa tsüpi ccüca kechiwa sa, isanu hi ya aghaja wi tsüpi akhwisa, hi kahang Nyizawa wi kekhie saya thsüle kesalina.

ZAKECI 50:15

Agükeccü kegho wi hi cichilo; hi no hangsha cüten isanu no hi seng den.’

ZAKECI 71:7

Hi kahang ha anyi kejon tuwi tsütsonca sadha, kepaghenanye no isheikepi kezüwa.

ZAKECI 77:2

Agükeccü tsü wi hi Apvüwa wi khie; aghaja thangthang hi ikwen zanki nu kekhie sa, isala ileben sateccakeya mu meya.

ZAKECI 77:6

Hi pala meshen pi dhu ntsa nu aghaja tsü ya wa thsüa; meshen nu hi ketanla hi keü.

ZAKECI 91:15

Mathu na hi ci kechi wi hi mathu luneng chiden; mathu na agüccü keben wi hi mathu ssiden. Hi mathu hangsha nu nyuwakü cüden.

ISAYA 30:29

Isala nthu Anyiza nyithu tsü kemetha kho kesa ghaja wi saketen ti nthu nonghe nu akhwi saden. Nthu na Israel kekhwewa, Apvüwa Kekinyijjen wi wa ketenlen sala lalali khoula akhwisa ketenthu ti anongheben.

ZEKHARIYA 3:8

Kinayalo, Joshua, no keqhaikedi ntsawa; nu nthu ma gweghe keqhaikedi sa ketenthu, kinayalo, nthu na ghaketen wi kemehai ghena azensuwa tsü: hi imagha pi ma Cünawa le khi keten tsüpi ccüca chiten le!

Luk Zhükechi Jühtheü Kemehaiwa 22:44

Ma ketizen sa ntsa kekhie sa, nu tsü miwi la sa neng, nu ma keshijü na ajjü ti llesen nu ayyi wi qanca wa.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 16:19

Nzawa pvüwa na ma kekiyi nmila kesa chüya meyi Paul nu Sila manyi ghan sen nu anyitenti pen wi kekhang kesenthu tuwi wa.

KEKULI 16:33

Tsü ghaja na atssüzüjjen wi kediwa na manyi ssi wa kekihhe yisü tsü bhu cüa, ma nu ma theghithu tsüdila baptaiz saya.

KEKULI 5:41

Apostelthu na Anyiza mathu la pi Jisu nyan wina ketizenkesa qo nyi kesa tsü ghena anonghe ntsa sa nu hoho tsü teshia.

ROMNYI 12:12

Kenondi wi anonghethi sa, agükeccü wi kethankehiya, nu matsü tsüdi wi kekhie sa tenlo.

ROMNYI 5:3

Ithu na ketizen kesa wi la kapvüden, kepaghenanye ithu ketizen kesa ghena kethankehi yaden,

2 KORINTHNYI 6:10

sa pi ahathana thsüa, isala ikhang na keshüthangla anongheden; ikhang na ketha-u ti, isala ikhang na anyi kejon sa pi keban sa thsüa; ikhang na mangla nkemi ti, isala ikhang na ntsakhiwa pala tsüdila ben.

EFESANYI 5:19

Kesü kesü wi keseng khwi, kemetha khwi, nu aghamulen khwi sa tenlo; nthu leben wi akhwijüh kemehai sala keseng khwi sa pi Apvüwa wi chilo.

FILIPPINYI 2:17

Nthu kenondi pi Anyiza cü thsüle kesalina hi kahang pi ahhansha kesa jjü ti keji thsüla nchü. Keujüla tsüti lethu, hi nen nu nthu tsüdi ssinu anonghe ben.

KOLOSSINYI 1:24

Nu hi khili nthu ghena ketizen kesa ghena inongheben, kepaghenanye hi asajjü wi ketizen kesa ghena Khrista na ma gwo, kemehu kuti wi ketizen kesa npi kesacenwa tsü kiqa pi sacen cüben.

IBRINYI 5:7

Jisu na ayyi wi kahang tsü wi ma misikhhali qai nu ma nyontssü lle sen nu kekhie sa kechi wi Anyiza na keshü wina ma hangshaya. Kepaghenanye ma satemeni nu lebenchi ntsa kesa wi Anyiza na ma kekhie kina cü.

JAMES 1:2

Icünyuthu, nthu na pala katsüha wi ketizen sa lela anonghethi salo.

JAMES 5:13

Nthu jawi anyi pahan na agüccü ben kwe? Ma ya kekhie nsa thsüthu yishü. Anyi pahan na anonghe ben kwe? Ma ya keseng khwi sa thsülo.

1 PITOR 4:14

Keujüla Khrista ghena nyu nthu kimenni lethu, nthu na kemihhi ntsa, kepaghenanye anyankethang Ghamu, Anyiza Ghamu tsüna nthu miwi ben.