KEKULI 16:19 - Kemethajüh (N) (Re-editing) Bible (BSI)

¹⁹ Nzawa pvüwa na ma kekiyi nmila kesa chüya meyi Paul nu Sila manyi ghan sen nu anyitenti pen wi kekhang kesenthu tuwi wa.

KEKULI 16:19 Iomraidhean Croise

DANIEL 6:12

mathu tsüdila Daniel kimenni cüle kadimiwa wi wa. Mathu na khi, “Njenkeben Kadimiwa, no ghanan changha jüwi ha anyi kesü le kesü lela no wi nkenye tsü acenpvü kepa wi nyelela anyi kesü wila kekhie sa kebenwa pi ssensitemithu na pong keben ku wi khalachiaben kesa ahza kesü wi tsü n-nyan zhütheng.” Kadimiwa na luneng, “Anle, tsüna Mede nu Persia nyithu yen kekhang kesü nu kemili nkeya kesü saben.”

MATHI 24:9

Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben.

MARK 13:9

“Isala nthu kiden-kesha yalo, kepaghenanye nyu na nthu ghan sen nu ajühkekaghaten pen wi waben. Sinagogthu wina nthu kiccü; nthu na kekhang kesenthu nu kadimithu tuwi ngan nu ighena Jühtheü Kemehaiwa pi mathu kizaben.

KEKULI 14:19

Judah nyi pahan na Pisidia yyi Antiok nu Ikonium wina gho; mathu na anyitenti zan pi mathu wiwa saya, nu alon pi Paul kecen nu ma shüdhale sala zan sen wa anyuti khesha wi khala.

KEKULI 14:5

Isanu Judah nyithu nu Judah nyi nkenyethu saghuya nu mathu ccülikesathu ssighola apostel keni meten-mesha nu alon pi manyi kecenthiale keben chüya.

KEKULI 15:22

Apostelthu, keshenpfüthu, nu kemehu nyi mabenla saghu nu anyi pahan kessi pi Paul nu Barnaba gweghe Antiok wi kesunchile cenya. Mathu na kenondithu na kinyikü ntsa sa keten nyi meshu keni Judah Barsabba nu Sila manyi kessiya,

KEKULI 15:26

ithu Pvüwa Jisu Khrista kekuli ghena ma nyi kahang khuchi keten keni gweghe waden.

KEKULI 15:40

Isala Paul na Sila kessiya nu wa, nu kenondithu na manyi pi Apvüwa nanketizen kekhu wi chi cüa.

KEKULI 16:16

Ghanan kesü ikhang na kekhie kesa pen wi wa keten maghale kesü na atsaghang ssinu dema keten metuya. Ma kedema ghena ma pvüwa na sashü na kekiyi muyaden.

KEKULI 16:20

Mathu na manyi ssinu Rom kedithu tuwi wa nu khi, “Anyi ha keni na Judah nyi, nu manyi na ikhang nyunutiwa wi ha kekivvü pfüsi chiben.

KEKULI 16:25

Ghaja non wi Paul nu Sila manyi na kekhie sa nu akhwisa pi Anyiza seng ben, nu atssüzüthu na manyi hhai tsü kina ben.

KEKULI 16:29

Atssüzüjjen wi kediwa na anni kecanki khieya nu bvü dugho, nu kedheggü nu Paul nu Sila manyi ccü wi nkhwendu.

KEKULI 17:6

Isala mathu na manyi mu meyala kesa wi Jason nu kenondithu pahan zan sengho anyunutiwa wi kekhang kesenthu tuwi jisha, “Anyi hathu hana apen tsüdi wi nyu pakivvü den! Mathu na ithu nyunuti wi la ghodha,

KEKULI 21:30

Anyunuti mabenla kivvü ntsa sa shagha, nu anyi tsüdila bvü wa Paul ghanya nu Kekinyijjen wina ma zanshiya. Nu Kekinyijjen jenka tsüdi khen.

KEKULI 8:3

Isala Saul na kemehu yasa cüle keten. Ma ajjen tsüdi wi wa kenondithu npvüza le nza lela zanshiya nu mathu pi atssüzüjjen wi chia.

KEKULI 9:16

Nu ma ighena ketizen nsathu keyishü tsüdi pi ma ccücaden.”

2 KORINTHNYI 6:5

Nyu na ikhang kiccü, atssüzü sa, nu kimenni; ikhang na njenla khhwen nu kuli ntsa sa.

FILIPPINYI 1:30

Nthu na khili hi gweghe aghisaya mehaidha. Hawa ha nthu na hi kheni kesalikeben mukeya nu zakeya ghikesawa tsü makesü, hi khili la tsü ssisa ben.

1 THESSALONIKANYI 2:2

Ikhang na Thessalonika wi nthu wi npi kegho jü Filippi wi ikhang na khatila kejügheya nu kimenni khe nthu na chüben. Ciwi kematang na kejon ben lela Anyiza na kempvüza pi ikhang cü nu ikhang na ma wina kegho Jühtheü Kemehaiwa tsü pi nthu kiza.

1 TIMOTHI 6:10

Kepaghenanye apisa ketepagha tsüna pala tsüdi nkemehai bvüwa. Anyi pahan na apisa tsü benya mvu ntsa kesalina mathu na kenondi wina deja wa leben gükeccü ghena ahathakina kejon muyaden.

JAMES 2:6

Isala nthu na ketha-u nyi n-nyuwa ten le! Kebanthu na nthu meten-mesha nu nthu ssi nu pendhethu tu wi wa nten kwe?