KEKULI 16:15 - Kemethajüh (N) (Re-editing) Bible (BSI)

¹⁵ Lydia nu ma theghithu na baptaiz sakeya seng wi ma ghola ikhang ci, “Nthu na hi pi Apvüwa kenondi tsentsa nyi kesü sa lethu, ghola ijjen wi benlo.” Isanu ma ikhang ci khvu sa.

KEKULI 16:15 Iomraidhean Croise

ADECHHÜ 19:3

Ma mataghang manyi ci khvu sa, nu manyi ma gweghe ma jjen wi wha. Lot na amaghathu kiza nu amesa gü thsü, nu kijünyi ghena kedsakejjü kemehai kiden thsü. Kuggü cenkeya seng wi manyi na dsajjüya.

ADECHHÜ 33:11

Tizenthu hi nghena aju sen kegho ha ya cülo; Anyiza na hi nantizen nu hi nsenthu keyishü tsüdi pi hi cüle.” Ma tsü npi khukeya chu Jakob na khi khvu sa.

2 KADIMITHU 4:8

Ghanan kesü Elisha na nza keban kesü na hang keten ben Shunem wi wa. Nzawa na kedsakejjü ghena ma cichi, nu ma tsü nten na Shunem wi kewa kaghapen ma jjen wi wa dsajjü sa.

MATHI 10:41

Anyi thowa na Anyiza nyilo ssiya khe ma Anyiza nyilo ghena akutimenwa tsü pi gishü yaben; nu anyi thowa na ketsatan nyi ssiya khe ma ketsatan nyi ghena akutimen tsü pi gishü yaben.

MATHI 3:6

Mathu na kesami khishi, nu ma mathu pi Jordan ghaku wi baptaiz sa cü.

Luk Zhükechi Jühtheü Kemehaiwa 14:23

Tsalina apvüwa na amaghawa wi khi, ‘Wala alentonti wi nu anyuti wi anyithu ci sengho ijjen pongya thsülo.

Luk Zhükechi Jühtheü Kemehaiwa 24:29

isala manyi ma cüten nu khi, “Ishinyi gweghe ben walo, minu wadha nu atsajang wa tendha le!” Tsalina ma mathu gweghe ben wa.

KEKULI 11:14

Ma ajühkhi pi no nu ntheghithu kizathu, ciwi nthu na hangsha yaben.’

KEKULI 16:31

Manyi na ma wi khi, “No Apvüwa Jisu nondiya, isa lethu no nu ntheghithu la hangsha yaben”

KEKULI 16:33

Tsü ghaja na atssüzüjjen wi kediwa na manyi ssi wa kekihhe yisü tsü bhu cüa, ma nu ma theghithu tsüdila baptaiz saya.

KEKULI 16:34

Tsaseng wi ma manyi ssi wa ma jjen wi kedsakejjü pi cü. Ma nu ma theghithu na anonghe ntsa sa, kepaghenanye mathu na khilitsü Anyiza nondiyadha.

KEKULI 18:8

Sinagog wi alikesa nyi kesü Krispa na ma theghi tsüdi ssinu Anyiza nondiya; nu Korinth wi anyi kepa wi kejonla Paul na ketsijüh kekhi tsü zaya nu nondiya, nu baptaiz saya.

KEKULI 8:12

Isala mathu na Filip na Anyiza Kadiyyi Jühtheüwa nu Jisu Khrista cüki kekhi tsü nondiya, nu mathu npvüza le nzathu lela baptaiz saya.

KEKULI 8:38

Kediwa na ma gorugari khen pi ngan thsü nu Filip nu kediwa manyi gweghe atssü wi dula Filip na ma pi baptaiz saya thsü.

ROMNYI 16:23

Ijjen pvüwa Gaya, ma jjen wi kemehu kemetuli ketenwa na shalom pi nthu cüben; Anyunuti wi keben kesenwa Erasta, nu ithu cünyuwa Quarta manyi na nthu shalom saben.

2 KORINTHNYI 12:11

Hi kejüphon kesü ti kuliben, tsüna nthu hi sa pi tsüti sa thsü. Nthu na icüki kemehai pi keccüca-u; kepaghenanye keujüla hi mangla nye lela hi khie wila apostel kemisithu hathu miwi nzzaki.

2 KORINTHNYI 5:14

Khrista nanketizen na ikhang ghanten senben, ikhang na khili anyi kesü na anyi tsüdi ghena shü le kesa chüyadha, tsü jjügi anyi tsüdila ma keshü wi tsü saghudha.

GALATIANYI 6:10

Tsalina ithu na matsü kemehai kemu tsüdi wi la anyi tsüdi ghena kemehaiwa sa na, tsüdi miwi la kenondi wi ithu theghi sa kebenthu miwi tsüti sa na.

EFESANYI 1:1

Hi Paul, Anyiza kemeshen wina Jisu Khrista apostel kesü sa keyawa na pi Efesa wi kemethathu, Jisu Khrista wi mathu kahang wi jühtsentsa sa ketenthu kecü.

FILIPPINYI 1:7

Nthu na keshüthangla ileben wi benten le! Tsalina hi nthu ghena meshen keten tsüti hi hati kesa-u. Kepaghenanye nthu tsüdila Anyiza pi hi kecü nanketizen wi ha hi gweghe ben, tsüna hi khili atssüzü sa keben wi le kekhen mangla nmila ajühkemehaiwa khi nu tsü satezü keben wi lela.

FILEMON 1:17

Tsalina keujüla no hi pi no kegweghewa sa lethu, no hi ssiya keten ti anonkeghe sala ma ssi neng yalo.

IBRINYI 13:2

Anonkeghe sala kijünyi thu ssi pi njjen wi kechi accükwenshü nsala, kepaghenanye kheni anyi pahan tsüti kesa wi nchüla tangnyilothu ssiya.

1 PITOR 5:12

Hi icünyuwa Sila kekiqa sen nu lesü melute ha zhü pi nthu cüben. Hi nthu kechü-kenong nu hawa ha Anyiza nanketizen atsentsa le kesa khiben. Ciwi tsü zükeqhe ben yalo.

2 JOHAN 1:10

Tsalina keujüla anyi pahan na kesansijüh ha nsenla nthu wi gho lethu, nthu jjen wi ma ssi meyala, nu “Kecca ya no ssiben ketenwa salo” lela nkhila.

3 JOHAN 1:5

Hi ketizenwa, no ajühtsentsa sa nu npvüshang Khristanyithu na kijünyi thu sa keben wi lela mathu miwi kuli chiden.

3 JOHAN 1:8

Tsalina ithu Khristanyithu na mathu atsentsawa ghena kekuli wi mathu gweghe yale kesalina ithu na anyi hathu ha nkiqathu yishü.

1 SAMUEL 28:23

Saul na hhaghe nu mangla dsajjü ntenle khi. Isala ma kekhu wi kedithu na ma dsajjülo khvu sa. Ma asakhen wi mathu jühkina, nu ayyi wina shagha awe miwi donkiya.