KEKULI 16:12 - Kemethajüh (N) (Re-editing) Bible (BSI)

¹² Nu ciwi na wa Rom nyi na Macedonia yyi wi anyunuti sa keben Filippi wi tsü waya, isanu ikhang na ghanan keu ciwi ben.

KEKULI 16:12 Iomraidhean Croise

KEKULI 16:10

Paul na kemanthi tsü chüya meyi ikhang na Macedonia wi wale kidenya, kepaghenanye Anyiza na Jühtheü Kemehaiwa pi ciwi anyithu kizalo kesa ghena ikhang ci benle kesa südheya.

KEKULI 16:21

Manyi na ithu yenwa nkenye pi nyu sansiden, hi Rom nyithu na tsü nie nu saya nben.”

KEKULI 16:9

Tsü ghaja Paul na kemanthi kesü mu, ciwi Macedonia nyi kesü na gho ma tuwi ngan nu ma wi khie, “Macedonia wi ghala ikhang kiqa cülo!”

KEKULI 18:5

Sila nu Timothi manyi na Macedonia wina gho kecu seng wi Paul na apitsü ntsa sa nu matsü tsüdi wila Judah nyithu wi Jisu tsüna Messiya le kesa pi sansi.

KEKULI 19:21

Pala tsüthu kuli cenkeya seng wi Paul na ma leben wi ma Macedonia nu Akhaya yyi pvüdhi sen nu Jerusalem wi wale meshenya nu khi, “Hi ciwi kewa seng wi wala Rom wi nwathu yishüben.”

KEKULI 19:29

Anyunutiwa maben la kivvü ntsa sa shagha, nu anyithu na wala Macedonia nyi meshu keni na Paul nie keten Gaya nu Aristarka manyi zan sen nu ajjen wi wa.

KEKULI 20:1

Kekivvü tsü kecen seng wi Paul na kenondithu cighu nu saketezü jüh khi pi kiza nu mathu kemehai sa benlo kiza nu Macedonia wi wa.

KEKULI 20:3

Ma asha kecheng ciwi ben. Nu ma Siriya wi wale kiden keben wi Judah nyithu na ma miwi acho sa keben chüya nu ma Macedonia yyi pvüdhi sen nu wha nengle südheya.

KEKULI 20:6

Azimi nkechi Mesa pi Kemishu Kho seng wi ikhang na Filippi wina ahunjjen wi wa ghanan manga seng wi Troa wi mathu cuya nu ikhang na ciwi ghanan tagü ben.

KEKULI 27:2

Ikhang na Adramuttium wina ahunjjen kesü na Asia yyi atssükedone wi tsü wale keben pang wala ciwi duya nu wa. Macedonia nyi kesü Thessalonika wina keghowa Aristarka la ikhang gweghe wa.

ROMNYI 15:26

Kepaghenanye Macedonia nu Akhaya wi kemehuthu na anonghethi nu keben khuchi pi Jerusalem wi Anyiza nyi kahhatuthu kiqaben.

FILIPPINYI 1:1

Jisu Khrista maghawa Paul nu Timothi manyi na pila Filippi wi Jisu Khrista wi Anyiza nyithu tsüdi, kemehu wi gweghe accülikesa nu kekiqathu kecü:

FILIPPINYI 1:5

Kepaghenanye nthu na aghatsan wina gho nansü kecu ajühkemehaiwa ghena kekuli wi hi kiqa ben.

1 THESSALONIKANYI 2:2

Ikhang na Thessalonika wi nthu wi npi kegho jü Filippi wi ikhang na khatila kejügheya nu kimenni khe nthu na chüben. Ciwi kematang na kejon ben lela Anyiza na kempvüza pi ikhang cü nu ikhang na ma wina kegho Jühtheü Kemehaiwa tsü pi nthu kiza.