KEKULI 16:1 - Kemethajüh (N) (Re-editing) Bible (BSI)

¹ Paul na Derbe nu Lustra wi wala ciwi Khristanyi kesü ma nyan Timothi muya. Ma jja na Judah nyi Khristanyi kesü, nu ma ba na Grik nyi.

KEKULI 16:1 Iomraidhean Croise

EZRA 9:2

Judah nyithu na asang nzathu ya, isanu Anyiza nyi kemethathu na nmethala. Accülikesa nu kedithu tanji hati sa.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 14:21

Paul nu Barnaba manyi na Jühtheü Kemehaiwa pi Derbe wi nyu sansi nu anyi kejonla sansikeyathu saya. Tsaseng wi manyi ciwi na Lustra, Ikonium, nu Pisidia yyi Antiok wi wha neng.

KEKULI 14:6

Apostel keni na tsü cüki za keya wi manyi bvü sen nu Lukaonia yyi wi anyunutithu Lustra nu Derbe, nu ayyi tsü kevü wi wa.

KEKULI 17:14

Tsalina kenondithu na Paul kesun pi atssükaten yyi wi wa thsüa, isala Sila nu Timothi manyi na Berea wi ben wa.

KEKULI 18:5

Sila nu Timothi manyi na Macedonia wina gho kecu seng wi Paul na apitsü ntsa sa nu matsü tsüdi wila Judah nyithu wi Jisu tsüna Messiya le kesa pi sansi.

KEKULI 19:22

Tsalina ma ma kiqa keten meshu keni Timothi nu Erasta manyi kesun pi Macedonia wi chi nu ma ghanan keu Asia yyi wi ben wa.

ROMNYI 16:21

Hi gweghe kekuli sa ketenwa Timothi; nu ithu Judah nyithu Lusia, Jason, nu Sosipater hathu na shalom pi nthu cüben.

1 KORINTHNYI 16:10

Keujüla Timothi na nthu wi gho lethu, nthu nonkeghe sala ma ssiyalo, kepaghenanye ma la hi ti Apvüwa kekuli saden.

1 KORINTHNYI 4:17

Ha jjügi ghena hi Khristanyi kahang wi itsa hi kaghaliwa Timothi kesun pi nthu wi chiben. Ma hi Jisu Khrista wi kahang ketheü yenthu nie keten nu hi apen tsüdi wi kemehujjen wi nyu sansi keten tsü pi nthu kizaben.

1 KORINTHNYI 7:14

Kepaghenanye awuba nkenondiwa tsüna ma wubvü manyi gweghe keben wina Anyiza na ma keyaqo nyi sayaben, nu awubvü nkenondiwa tsü la ma wuba Khristanyi manyi gweghe keben wina Anyiza na ma keyaqo nyi sayaben. Keujüla tsüti nsa lethu, manyi tsangathu na Anyiza nkechü tsangathu saben; isala tsüti saya lethu, Anyiza na mathu keyaqo nyi sayaben.

2 KORINTHNYI 1:1

Paul, Anyiza kemeshen wina Jisu Khrista apostel nu ithu cünyuwa Timothi wina pi Korinth wi kemehu nu Akhaya yyi tsüdi wi Anyiza nyithu tsüdi kecü:

2 KORINTHNYI 1:19

Kepaghenanye Sila, Timothi, nu hi, ikhang na pi nthu sansi kechi Anyiza Tsawa, Jisu Khrista tsüna “Anle,” nu “Nyele,” kesawa tsü nye, isala Anyiza ma “Anle,” kesawa tsü.

FILIPPINYI 1:1

Jisu Khrista maghawa Paul nu Timothi manyi na pila Filippi wi Jisu Khrista wi Anyiza nyithu tsüdi, kemehu wi gweghe accülikesa nu kekiqathu kecü:

FILIPPINYI 2:19

Hi nthu cüki chü pi inonghe yale kesalina Apvüwa kemeshen ti lethu, hi wan Timothi kesun pi nthu wi chile saben.

KOLOSSINYI 1:1

Anyiza kemeshen wina Jisu Khrista ghena apostelwa Paul nu ithu cünyuwa Timothi wina pila —

1 THESSALONIKANYI 1:1

Paul, Sila, Timothi wina pi Thessalonika wi Abawa Anyiza nu Apvüwa Jisu Khrista kemehu nyithu kecü: Anyiza nanketizen nu kecca ya nthu ssiben keyawa salo.

1 THESSALONIKANYI 3:2

nu ikhang cünyuwa Timothi, ikhang gweghe Khrista cüki Jühtheü Kemehai kekhi wi Anyiza kekuli sa ketenwa kesunchi le kesa südheya. Ikhang ma kesun pi nthu satezü nu nthu kenondi kiqa cü,

1 THESSALONIKANYI 3:6

Khili Timothi na gho nengdha, nu ma nthu kenondi nu ketizen cüki jühtheü sengho ikhang cü. Ma nthu na keshüthangla ikhang meshenden nu ikhang na nthu nmvuthi keben ti nthu la ikhang nmvuthi ben le kesa kiza.

2 THESSALONIKANYI 1:1

Paul, Sila, nu Timothi wina pi Thessalonika wi ithu Bawa Anyiza nu Apvüwa Jisu Khrista kemehu nyithu kecü:

1 TIMOTHI 1:18

Itsawa Timothi, kheni atusenjüh-kekhi wi ncüki kekhi jüh kenie wina hi ahza ha pi no dhen chiben. Aghisa kemehai sale kesalina ajüh tsüthu pi aghighethu ti salo,

1 TIMOTHI 1:2

Kenondi wi itsa ntsawa Timothi kecü: Abawa Anyiza nu Khrista Jisu ithu Pvüwa ya nanketizen, ketizen, nu kecca pi no kecüwa salo.

2 TIMOTHI 1:2

itsa hi kaghaliwa Timothi kecü: Anyiza nu ithu Pvüwa Khrista Jisu ya nanketizen, ketizen, nu kecca pi no kecüwa salo.

2 TIMOTHI 1:5

Hi no njjaqhai Loi nu njja Eunice manyi ti no kenondi tsentsa keben tsü meshenben. No wi tsü ben kesa hi chütiben.

2 TIMOTHI 3:11

hi kemeten-kemesha, nu hi ketizenkesa mudha. Antiok, Ikonium, nu Lustra wi imiwi khati sa nu hi kemeten-kemesha nkemehai ntsa wi kethankehikeya tsüdi no chüben. Isala Apvüwa na tsüthu tsüdi wi hi khushi cü.

FILEMON 1:1

Khrista Jisu ghena atssüzü sa kebenwa Paul nu ithu cünyuwa Timothi ishinyi wina pi ithu pvüshangwa nu gweghe kekuliwa Filemon,

IBRINYI 13:23

Hi nthu ya ithu cünyuwa Timothi na atssüzüjjen wina shhugho kesa tsü chüya thsü mvuben. Keujüla ma wan gho lethu, hi ma ssinu nthu wi ghoben.