KEKULI 15:9 - Kemethajüh (N) (Re-editing) Bible (BSI)

⁹ Anyiza na ikhang nu mathu nankepapa nsa, ma mathu kesami teshi pi cü, kepaghenanye mathu na nondiya.

KEKULI 15:9 Iomraidhean Croise

ZAKECI 51:10

Imiwi aleben kemetha sachilo, O Anyiza, nu ajühkeya ghamu pi hi cülo.

EZEKIEL 47:22

Tsüna keshüthangla nthu ji saaben. Asang nthu jawi hang nu hewi atsangathu pvüghakeya la nthu na ayyi kegishü wi mathu shei muya ben. Mathu pi Israel ahvu nyi ti saaben, nu mathu shei ayyi muya le kesa ghena Israel mizzathu gweghe akezen wwiben.

KEKULI 10:15

Ahhaiwa tsüna ma wi khineng, “Katsüha lela Anyiza na satemetha kesa tsü pi nmetha le nmeshen lalo.”

KEKULI 10:28

Ma mathu wi khi, “Nthu na chüben, Judah nyi kesü na Judah nyi nkenye jjen wi wa, nyelela gweghe nten. Isala Anyiza na hi anyi kesütanla pi nmetha nyelela kenenkagha le nsa lalo kesa pi hi ccüca chidha.

KEKULI 10:34

Pitor na mathu wi hati khi shagha, “Anyiza na anyi tsüdila ketizen makesü le kesa hi khili tsü ntsakhiwa chüti yadha.

KEKULI 11:12

Aghamu na hi mathu gweghe wa nkesütu lalo hi kiza. Joppa wi kenondithu ma tugho ha la hi gweghe Kaesarea wi wa, nu ikhang tsüdila Kornelia jjen wi wa.

KEKULI 14:1

Ikonium wi la tsü makesü sa. Paul nu Barnaba manyi Judah nyi Sinagog wi du ajüh khi ntsa nu Judah nyi nu Judah nyi nkenyethu la kejonla kenondi nyi saya.

KEKULI 14:27

Manyi na Antiok wi ghoya meyi kemehu nyithu cighu chi nu Anyiza na manyi ssinu kekuli sa keyathu nu Judah nyi nkenyethu ya nondiya thsüle kesa ghena alen shachi kecü cüki tsüdi khi pi mathu kiza.

ROMNYI 3:22

Anyiza na anyithu ya Jisu Khrista kenondi ghena pi ma tuwi meshonya thsüden. Anyiza na Khrista kenondithu tsüdi wila hati saden, kepaghenanye ciwi kepapa kesa mangla nmi:

ROMNYI 3:9

Isathu, ikhang Judah nyithu na Judah nyi nkenyethu miwi mehaiki ben kwe? Tsüti nsa le! Hi Judah nyithu nu Judah nyi nkenyethu tsüdila makesü nu kesami kekhu wi benle kesa pi ccüca chidha.

ROMNYI 9:24

Kepaghenanye ithu na ma Judah nyithu nu Judah nyi nkenyethu jawi na cikeya nyithu.

1 KORINTHNYI 1:2

Kor rinth wi Anyiza kemehu wi, ci pi Anyiza kemetha nyi saya kesathu tsüdi, Jisu Khrista wina ma ji saya kesathu, kahe wi anyi tsüdila gweghe nu mathu nu ithu Pvüwa, Apvüwa Jisu Khrista kinyi ketenthu wi kechi:

1 KORINTHNYI 7:18

Anyi kesü ma hyukahan seng wi Anyiza na ma ciya kwe? Ma ahyukahan yisü tsü khupiale nsala. Anyi kesü ma ahyu npi kahan wi Anyiza na ma ciya kwe? Ma ahyuhan le nsala.

GALATIANYI 3:28

Tsalina ciwi Judah nyithu nu Judah nyi nkenyethu, amaghathu nu ahvuthu, npvüza nu nzathu kepapa kesa nmidha; kepaghenanye nthu tsüdila Jisu Khrista wi kesütan sadha.

GALATIANYI 5:6

Kepaghenanye Khrista wi tsü ahyu kahan nu ahyu nkahan kepapa kesa mangla nmi; isala nanketizen wina kenondi kekuliwa tsü.

EFESANYI 3:6

Kekuthi hana Judah nyi nkenyethu na ajühkemehaiwa ghena Anyiza kesawegü wi Judah nyithu gwegheya kesawa tsü; mathu gweghe agwo kesütan nu Jisu Khrista wina Anyiza jüh khishikechi tsü muya ben.

KOLOSSINYI 3:11

Tsalina ciwi Judah nyithu nu Judah nyi nkenyethu, ahyu kahanthu nu ahyu nkahanthu, amizza kepapa nyithu, azendi nyithu, nssümaghathu, nu ahvuthu kepapa kesa nmi, isala Khrista na tsüdi, nu ma tsüdi wi ben.

1 PITOR 1:22

Nthu na khili atsentsawa tsü kenie ghena nthu ketanla nthu satemethadha nu leben tsentsa sa nthu pvüshang kenondithu tizenden, nthu leben tsüdi sen nu khokho ketizenli tsentsa sa tenlo.